• Цы у Хуыцауы Паддзахад?
    Амондджынӕй цӕр ӕнустӕм! Базон, Библи цы дзуры

    • 7. Хуыцауы Паддзахады закъӕттӕ цыфӕнды хицауады закъӕттӕй дӕр хуыздӕр сты

      Хицауӕдтӕ сфидар кӕнынц, сӕ хъуыдымӕ гӕсгӕ, адӕмӕн пайда чи уыдзӕн ӕмӕ сӕ чи хъахъхъӕндзӕн, ахӕм закъӕттӕ. Хуыцауы Паддзахадӕн дӕр ис йӕхи закъӕттӕ, ӕмӕ, йӕ дӕлбар чи цӕрдзӕн, уыдон сӕ хъуамӕ ӕххӕст кӕной. Бакӕсут 1 Коринфӕгтӕм 6:9–11 ӕмӕ стӕй аныхас кӕнут ацы фарстатыл:

      • Дӕумӕ гӕсгӕ, адӕм иууылдӕр Хуыцауы закъӕттӕм гӕсгӕ куы цӕрой, уӕд дуне цыхуызӕн уыдзӕн?a

      • Йегъовӕ домы, цӕмӕй, йӕ Паддзахады дӕлбар чи цӕрдзӕн, уыдон уыцы закъӕттӕм гӕсгӕ цӕрой. Куыд хъуыды кӕныс, уый бар ын ис? Цӕмӕн?

      • Цӕмӕй бӕрӕг у, уыцы закъӕттӕм гӕсгӕ чи нӕ цӕры, уыдонӕн сӕ бон кӕй у аивын? (11 стих)

      Пъӕлицӕйы кусӕг машинӕтӕ баурӕдта. Алы кары адӕм фӕндаджы сӕрты фӕхизынц.

      Хицауӕдтӕ рауадзынц, сӕ адӕмӕн пайда чи уыдзӕн ӕмӕ сӕ чи хъахъхъӕндзӕн, ахӕм закъӕттӕ. Фӕлӕ Хуыцауы Паддзахады закъӕттӕ адӕмы закъӕттӕй бирӕ хуыздӕр сты

  • Искӕимӕ ӕмуат ӕрцӕуыны тыххӕй Библийы цы фыст ис?
    Амондджынӕй цӕр ӕнустӕм! Базон, Библи цы дзуры

    • Йегъовӕ зоны, хуыздӕр нын цы у, уый. Ӕмӕ нын ӕмбарын кӕны, куыд ис хӕрзӕгъдау цард кӕнӕн ӕмӕ уый цы пайда хӕссы. Бакӕсут Ӕмбисӕндтӕ 7:7–27 кӕнӕ бакӕсут ВИДЕОРОЛИКМӔ ӕмӕ стӕй аныхас кӕнут, дӕлдӕр цы фарстатӕ ис, уыдоныл.

      ВИДЕОРОЛИК: «Зондджын ут» (9:31)

      • Ӕрыгон лӕппу йӕхи тӕссаг уавӕры куыд баппӕрста? (Ӕмбисӕндтӕ 7:8, 9)

      • Ӕмбисӕндты 7:23, 26 цы фыст ис, уымӕй бӕрӕг у, хӕтындзинад стыр бӕллӕхтӕм кӕй ӕркӕны. Хӕрзӕгъдау цард куы кӕнӕм, уӕд нӕхи цавӕр бӕллӕхтӕй бахиздзыстӕм?

      • Хӕрзӕгъдау цард куы кӕнӕм, уӕд фидӕны цавӕр арфӕдзинӕдтӕй схайджын уыдзыстӕм?

      Иуӕй-иуты хъуыдымӕ гӕсгӕ, Библийы гомосексуализмы тыххӕй цы фыст ис, уый ӕгӕр карз у ӕмӕ Хуыцауы уарзондзинадыл дзурӕг нӕу. Фӕлӕ Йегъовӕйы сӕйраг миниуӕг у уарзондзинад, ӕмӕ йӕ фӕнды, цӕмӕй адӕм се ’ппӕт дӕр амондджынӕй цӕрой ӕнустӕм. Уый тыххӕй та йын хъуамӕ йӕ закъӕттӕ ӕххӕст кӕнӕм. Бакӕсут 1 Коринфӕгтӕм 6:9–11 ӕмӕ стӕй аныхас кӕнут ацы фарстайыл:

      • Хуыцау афтӕ зӕгъы, ӕмӕ ӕрмӕстдӕр гомосексуалон фӕндтимӕ хъӕуы тох кӕнын?

      Цӕмӕй нӕ Йегъовӕ райгонд уа, уый тыххӕй нӕ алкӕй дӕр хъӕуы йӕ царды цыдӕртӕ фӕивын. Цымӕ уый йӕ фыдӕбоны аргъ у? Бакӕсут Псалом 19:8, 11 ӕмӕ стӕй аныхас кӕнут ацы фарстатыл:

      • Дӕумӕ гӕсгӕ, Йегъовӕ хӕрзӕгъдаудзинады тыххӕй цы закъӕттӕ радта, уыдон зынӕххӕстгӕнӕн сты? Афтӕ цӕмӕн хъуыды кӕныс?

      Нывтӕ: 1. Ӕрыгон сылгоймаг ӕнкъардӕй йӕ уарзоны фарсмӕ бады. Ӕхсӕвыгон клубы тамако дымы ӕмӕ йе ’мбӕлттимӕ нуазы. 2. Уыцы сылгоймаг Паддзахады залы хотимӕ хъӕлдзӕгӕй ныхӕстӕ кӕны.

      Йегъовӕ бирӕтӕн баххуыс кодта, хӕрзӕгъдаудзинады тыххӕй цы закъӕттӕ радта, уыдонмӕ гӕсгӕ цӕрынӕн. Дӕуӕн дӕр баххуыс кӕндзӕн

  • Библийы нозты тыххӕй цы фыст ис?
    Амондджынӕй цӕр ӕнустӕм! Базон, Библи цы дзуры

    • 6. Адӕймагӕн цы баххуыс кӕндзӕн, цӕмӕй фыднозт мауал кӕна

      Базон, иу нӕлгоймагӕн йӕ нозт ныууадзынӕн цы баххуыс кодта. Бакӕсут ВИДЕОРОЛИКМӔ ӕмӕ стӕй аныхас кӕнут, дӕлдӕр цы фарстатӕ ис, уыдоныл.

      ВИДЕОРОЛИК: «Мӕ цардӕй сфӕлмӕцыдтӕн» (6:32)

      Нывтӕ: къамтӕ видеороликӕй «Мӕ цардӕй сфӕлмӕцыдтӕн». 1. Дмитрий нозты авгмӕ кӕсы. 2. Дмитрий, йӕ бинойнаг ӕмӕ йӕ чызг Библи иумӕ ахуыр кӕнынц.

      • Дмитрий-иу нозтджынӕй цыхуызӕн уыд?

      • Йӕ нозт ныууадзын йӕ бон уайтагъд баци ӕви нӕ?

      • Йӕ нозт ныууадзынӕн ын цы баххуыс кодта?

      Бакӕсут 1 Коринфӕгтӕм 6:10, 11 ӕмӕ стӕй аныхас кӕнут ацы фарстатыл:

      • Библийы фыднозт кӕныны тыххӕй цы фыст ис?

      • Цӕмӕй бӕрӕг у, фыднозт чи кӕны, уыдонӕн сӕ бон аивын кӕй у?

      Бакӕсут Матфейы 5:30 ӕмӕ стӕй аныхас кӕнут ацы фарстайыл:

      • Йесойы ныхӕстӕ, дӕ къух ралыг кӕн, зӕгъгӕ, ууыл дзурӕг сты, ӕмӕ нӕ цӕуылдӕрты нӕ къух сисын бахъӕуы, цӕмӕй Йегъовӕйы зӕрдӕ рухс кӕнӕм. Кӕд нозтмӕ ӕмхиц дӕ, уӕд дын цы баххуыс кӕндзӕн, цӕмӕй йӕ ныууадзай?a

      Бакӕсут 1 Коринфӕгтӕм 15:33 ӕмӕ стӕй аныхас кӕнут ацы фарстайыл:

      • Фыднозт кӕнын чи уарзы, уыдонимӕ куы лымӕн кӕнай, уӕд дыл уый куыд фӕзындзӕн?