4. Кӕцӕй йӕ зонӕм, Йегъовӕйы кӕй фӕнды, цӕмӕй йӕ рӕстаг уагӕвӕрдтӕм гӕсгӕ цӕрӕм?

⁴ Раст цы у ӕмӕ цы нӕу, уый Йегъовӕ скъуыддзаг кӕны. Ӕмӕ йӕ фӕнды, цӕмӕй йӕ уагӕвӕрдтӕм гӕсгӕ цӕрӕм. Исайы 1:17 стихы нын дзуры: «Сахуыр ут хорздзинад аразын». Библи ма нын зӕгъы: «Агурут рӕстдзинад» (Софони 2:3). Дзуры нын, цӕмӕй нӕ удыхъӕд ногмӕ раивӕм. «Уыцы удыхъӕд конд у Хуыцауы фӕндонмӕ гӕсгӕ ӕмӕ ӕцӕг рӕстдзинадмӕ... гӕсгӕ» (Ефесӕгтӕм 4:24). Нӕ бон цы у, уый куы аразӕм, цӕмӕй Йегъовӕйы уагӕвӕрдтӕм гӕсгӕ цӕрӕм, уӕд фыддзинадӕй, стӕй чъизи ӕмӕ ӕнӕгъдау хъуыддӕгтӕй дард лидздзыстӕм (Псалом 11:5; Ефесӕгтӕм 5:3–5).

⁶ Ӕнӕххӕст кӕй стӕм, уый тыххӕй нын алы хатт ӕнцон нӕ вӕййы, раст цы у, уымӕ тырнын. Хъуамӕ нӕ зӕронд удыхъӕд йӕ митимӕ ныууадзӕм ӕмӕ йӕ ногмӕ раивӕм. Библийы фыст ис, зӕгъгӕ, удыхъӕд «ног кӕны» бӕлвырд зонындзинӕдты фӕрцы (Колоссӕгтӕм 3:9, 10). «Ног кӕнын» амоны, адӕймаджы ӕдзух фыдӕбон кӕнын кӕй хъӕуы, цӕмӕй йӕ удыхъӕд ногмӕ раива. Раст цы у, уый аразыныл фӕархайӕм, фӕлӕ ӕнӕххӕст кӕй стӕм, уый тыххӕй хатт ныхасӕй кӕнӕ хъуыддагӕй фӕрӕдийӕм йе та ӕвзӕр цӕуылдӕр ахъуыды кӕнӕм (Ромӕгтӕм 7:14–20; Иаковы 3:2).