Фарстыты асыкк

◼ Раст уаид ӕмбырдӕн баххуыс кӕныны тыххӕй истытӕ асламдӕрӕй уӕй кӕнын кӕнӕ ӕхца ӕмбырд кӕнын?

Афтӕ арӕх фӕкӕнынц алыхуызон динтӕ, зӕгъӕм, сихортӕ саразынц, истытӕ асламдӕрӕй ауӕй кӕнынц, йе та бӕрӕгбӕттӕ скӕнынц. Кӕд уый кӕмӕдӕр хорз кӕсы, уӕддӕр уыдон иууылдӕр сты ӕхца ӕмбырд кӕнынӕн. Йегъовӕйы Ӕвдисӕнтӕ та афтӕ нӕ кӕнынц.

1879 азы августы мӕйы, «Хъахъхъӕнӕн мӕсыг»-ы дыккаг номыры фыст уыд: «Мах уырны, „Сионы хъахъхъӕнӕн мӕсыг“ мыхуыр кӕнынӕн Йегъовӕ кӕй арфӕ кӕны. Уымӕ гӕсгӕ мах никӕмӕн лӕгъстӕ кӕндзыстӕм, ӕмӕ адӕмӕй ӕххуыс нӕ агурдзыстӕм. Афтӕ чи загъта, зӕгъгӕ, ӕрхуы дӕр ӕмӕ сыгъзӕрин дӕр мӕн сты, уый нын куы нӕ ӕххуыс кӕна, уӕд бамбардзыстӕм, журнал уадзын кӕй нал хъӕуы».

Мах дӕр ӕххӕст кӕнӕм Библийы фӕдзӕхст: «Алчидӕр кӕнӕд, йӕхицӕн куыд загъта, афтӕ – мацы кӕнӕд ӕвӕндонӕй кӕнӕ тыххӕй кӕнӕгау, уымӕн ӕмӕ Хуыцау, зӕрдиагӕй чи дӕтты, уый уарзы» (2 Кор. 9:7). Паддзахады залты ис мысайнӕгтӕн асыччытӕ, цӕмӕй, кӕй фӕнда, уый дзы мысайнаг ныппара (4 Пад. 12:9). Йегъовӕйы Ӕвдисӕнтӕ мысайнӕгтӕ тыхкуырд нӕ кӕнынц ӕмӕ сӕ уый тыххӕй дӕр нӕ дӕттынц, цӕмӕй фӕстӕмӕ исты райсой.