22:20—22​— Иегъовӕ Валааммӕ цӕмӕн смӕсты? Иегъовӕ пехуымпар Валаамӕн комкоммӕ загъта, зӕгъгӕ, израилӕгты ма ралгъит (Нымӕцтӕ 22:12). Фӕлӕ уӕддӕр Валакы хъузӕттимӕ ацыд израилӕгты ралгъитынмӕ. Йӕ уд скъуыдта моаваг паддзахы зӕрдӕ ссарын ӕмӕ дзы исты лӕвар райсыныл (2 Петры 2:15, 16; Иудӕйы 11). Иегъовӕ йын йе ’лгъыст арфӕмӕ куы фӕкодта, уӕд ӕй уый дӕр нӕ баурӕдта: фӕндыдис ӕй паддзахы хорзӕх ссарын. Ӕмӕ йӕм бацыд ахӕм фӕндонимӕ, зӕгъгӕ, израилаг лӕгтыл Ваалӕн кувӕг сылгоймӕгты бафтау (Нымӕцтӕ 31:15, 16). Ныр ӕмбарӕм, Хуыцау Валааммӕ мӕстӕй йӕ кӕрӕфдзинады тыххӕй кӕй рафыхт.

Фӕнды дӕ, цӕмӕй дӕм бацӕуой?

Ацы змӕст дунейы дӕр дӕ бон у, ӕмӕ амондджын уай, Библи Хуыцауы, йӕ Паддзахады ӕмӕ йӕм адӕмӕн цы диссаджы фӕнд ис, уый тыххӕй цы бӕлвырд зонындзинӕдтӕ дӕтты, уыдон руаджы. Кӕд дӕ фӕнды фылдӕр базонын кӕнӕ дӕм цӕмӕй хӕдзармӕ цӕуой ӕмӕ демӕ Библи лӕвар ахуыр кӕной, уӕд, табуафси, ныффысс Иегъовӕйы Ӕвдисӕнтӕм 2-аг фарсыл амынд адристӕй сӕ иуыл.