Библи кӕсыны график

Библийы ис, царды стыр ӕххуыс чи сты, ахӕм зондджын уынаффӕтӕ. Алы бон дӕр Библи куы кӕсай ӕмӕ йыл куы хъуыды кӕнай, стӕй, цы базоныс, уымӕ гӕсгӕ куы архайай, «уӕд уыдзынӕ ӕнтыстджын» (Йесо Навин 1:8; Псалом 1:1–3). Уымӕй уӕлдай ма хуыздӕр базондзынӕ Хуыцауы ӕмӕ йӕ Фырт Йесо Чырыстийы. Ӕмӕ уыцы зонындзинӕдтӕ та ӕнӕмӕнг сты, цӕмӕй адӕймаг фервӕза (Иоанны 17:3).

Библийы чингуытӕ алыхуызӕтты ис кӕсӕн. Ацы график дын баххуыс кӕндзӕн Библийы чингуытӕ фӕд-фӕдыл кӕнӕ темӕтӕм гӕсгӕ кӕсынӕн. Зӕгъӕм, дӕ бон у бакӕсын, Хуыцау ӕнусты дӕргъы рагон Израилӕн куыд уыд, уый тыххӕй. Стӕй дӕ бон у базонын, фыццаг ӕнусы чырыстон ӕмбырд куыд фӕзынд ӕмӕ куыд рӕзыд, уый тыххӕй. Алы бон дӕр Библийӕ скъуыддзаг ацы графикмӕ гӕсгӕ куы кӕсай, уӕд ӕй иу азмӕ ӕнӕхъӕнӕй бакӕсдзынӕ.

Кӕд дӕ фӕнды Библи алы бон кӕсынӕн кӕнӕ йӕ афӕдзмӕ бакӕсынӕн пълан скӕнын, йе та дӕ фӕнды Библи кӕсын райдайын, уӕд дын ацы график баххуыс кӕндзӕн. Библи кӕсыны график рафысс ӕмӕ Библи абон кӕсын райдай.