Ӕцӕг чырыстӕтты ’хсӕн ис уарзондзинад. Хиуарзон ма ут ӕмӕ-иу уайтагъд ма рамӕсты ут

АХСДЖИАГ ЦӔМӔН У. Чырысти дзырдта, йӕ ахуыргӕнинӕгты сӕ уарзондзинадӕй базонӕн кӕй уыдзӕн (Ин 13:34, 35). Цӕмӕй ахӕм уарзондзинад ӕвдисӕм, уый тыххӕй хъуамӕ, иннӕтӕн куыд хуыздӕр уа, ууыл архайӕм ӕмӕ-иу уайтагъд ма рамӕсты уӕм (1Кр 13:5).

УЫЙ КУЫД ИС АРАЗӔН

• Кӕйдӕр ныхӕстӕ кӕнӕ хъуыддӕгтӕ нӕм хъыг куы фӕкӕсой, уӕд-иу ӕрлӕууӕм ӕмӕ-иу ахъуыды кӕнӕм, хъуыддаг цӕй мидӕг ис, ууыл ӕмӕ куыд бакӕнынмӕ хъавӕм, уый цӕмӕ ’ркӕндзӕн (Ӕм 19:11).

• Хъуамӕ нӕ зӕрдыл дарӕм, не ’ппӕт дӕр ӕнӕххӕст кӕй стӕм ӕмӕ иуӕй-иу хатт нӕ ныхӕстыл кӕнӕ нӕ хъуыддӕгтыл кӕй фӕфӕсмон кӕнӕм

• Кӕрӕдзи цыдӕр хъуыддаджы куы нӕ бамбарат, уӕд-иу уайтагъд аныхас кӕнут ӕмӕ-иу бафидаут

БАКӔСУТ ВИДЕОРОЛИКМӔ «„УӔ КӔРӔДЗИЙЫ... УАРЗУТ“. ХИУАРЗОН МА УТ ӔМӔ-ИУ УАЙТАГЪД МА РАМӔСТЫ УТ» ӔМӔ АНЫХАС КӔНУТ АЦЫ ФАРСТАТЫЛ:

• Ларри Томы ныхӕстӕм цы цӕстӕй ракаст?

• Томӕн цы баххуыс кодта, цӕмӕй ма смӕсты уыдаид?

• Том дзуапп фӕлмӕнӕй кӕй радта, уый фӕрцы хъуыддаг цӕуыл ахицӕн?