Programä pa rä semänä 28 de rä septiembre

Rä jähñä 102 ꞌne rä sadi

Rä Ntꞌudi de rä Mäkä Tꞌofo ha rä Mhuntsꞌi

fg rä ntheke 4, rä ntꞌani 4 ꞌne 5 (30 min.)

Rä Ngunsadi pa toꞌo udi rä Noya Äjuä

Hñeti rä Mäkä Tꞌofo: 2 Reyes 23 asta 25 (8 min.)

Thoꞌtsi 1: Colosenses 1:1-12 (Hindä thogi de 3 min.)

Thoꞌtsi 2: ¿Por hanja yä testigo rä Jeoba bi hyoki rä Traducción del Nuevo Mundo? (jl rä ntheke 4) (5 min.)

Thoꞌtsi 3: ¿Te bi ja rä Adan ꞌne rä Eba nuꞌmu̱ bi yꞌo̱te rä Zithu? (ll rä nxii 10 ꞌne 11) (5 min.)

Rä Mhuntsꞌi pa Hanja gä Pe̱phu̱ Äjuä

Rä tema pa nunä zänä: Xa ma gä uñhu̱ ntꞌo̱de yä rꞌayꞌo hogä noya (Hechos 20:24).

Rä jähñä 93

10 min. Pablo ꞌne yä ntsitsꞌi xa bi ungä ntꞌo̱de ha Filipos. Yꞌapäbi rä mfatsꞌi nuꞌu̱ xä ntini. Mbitabi toꞌo dä hñeti Hechos 16:11-15 ꞌne yꞌambäbi yä ku hanja dä za dä maxkägihu̱ nuꞌmu̱ di uñhu̱ ntꞌo̱de.

20 min. «Ma gä usahu̱ rä foyeto Yä hogä noya.» Yꞌo̱tꞌe yä ntꞌani. Mꞌe̱fa de rä parrafo 3, thoꞌtsi nꞌa rä demostrasion habu̱ nꞌa rä publikador xä ñhoki xä ñho pa dä mu̱di nꞌa rä estudio ko rä foyeto Yä hogä noya. Ma dä hñeti nꞌa rä parrafo ꞌne ma dä yꞌambäbi te di mbeni näꞌä jäꞌi.

Rä jähñä 114 ꞌne rä sadi