Programä pa rä semänä 5 de rä oktubre

Rä jähñä 12 ꞌne rä sadi

Rä Ntꞌudi de rä Mäkä Tꞌofo ha rä Mhuntsꞌi

fg rä ntheke 5, yä ntꞌani 1-3 (30 min.)

Rä Ngunsadi pa toꞌo udi rä Noya Äjuä

Hñeti rä Mäkä Tꞌofo: 1 Crónicas 1 asta 4 (8 min.)

Thoꞌtsi 1: Colosenses 2:1-12 (Hindä thogi de 3 min.)

Thoꞌtsi 2: ¿Te mä kꞌoi te̱ni yä kristianu mäpaya de hanja o̱tꞌe yä mhuntsꞌi? (jl rä ntheke 5, rä parr. 1 ꞌne 2) (5 min.)

Thoꞌtsi 3: Mi nja näꞌä rä Däta däyꞌe: ¿toꞌo bi yꞌo̱te Äjuä ꞌne toꞌo hinä? (ll rä nxii 12 ꞌne 13) (5 min.)

Rä Mhuntsꞌi pa Hanja gä Pe̱phu̱ Äjuä

Rä tema pa nunä zänä: Xa ma gä uñhu̱ ntꞌo̱de yä rꞌayꞌo hogä noya (Hechos 20:24).

Rä jähñä 82

10 min. Nuꞌu̱ yä he̱ꞌmi ma gä unihu̱ pa rä oktubre. Yꞌapäbi rä mfatsꞌi nuꞌu̱ xä ntini. Thoꞌtsi yoho yä demostrasion nuꞌu̱ hutsꞌi ha nunä nxii. Mꞌe̱fa yꞌapäbi yä ku dä mää te dä za gä pädihu̱ de kada nꞌa de nuya yä demostrasion.

10 min. Habu̱ di japä mꞌe̱di dä mpe̱fi rä mhuntsꞌi.

10 min. ¿Hanja bi maxkägihu̱? Yꞌapäbi rä mfatsꞌi nuꞌu̱ xä ntini. Mbitabi yä publikador dä mää hanja bi matsꞌi rä artikulo «Hanja dä za gä uñhu̱ ntꞌo̱de mänꞌa xä ñho: habu̱ ja yä negosio». Yꞌapäbi yä ku dä mää nuꞌu̱ yä hogä esperiensia bi me̱ꞌtsi.

Rä jähñä 98 ꞌne rä sadi