Turimu̱i po yä jäꞌi

Näꞌä bi me̱fi rä Hesu

RÄ BIDEO: Rä Hesu bi ñäui nꞌa rä ꞌme̱hñä ha nꞌa rä poso

1. Hyandi rä BIDEO o hñeti Juan 4:​6-9. ꞌNepu̱ thädi nuya yä ntꞌani:

1. ¿Te bi yꞌo̱tꞌe ngue̱nda rä Hesu änte de bi ñäui näꞌä ꞌme̱hñä?

2. Rä Hesu bi ꞌñembi: «Rꞌakä tsꞌu̱ rä zi dehe gä tsi». ¿Por hanja bi hogi näꞌä bi me̱fi rä Hesu pa bi mu̱di bi ñäui näꞌä ꞌme̱hñä?

¿Te utkägihu̱ rä ejemplo rä Hesu?

2. Mu̱ di nehu̱ ge yä jäꞌi dä yꞌo̱xkägihu̱ ora di predikahu̱, mähyoni gä o̱tꞌehu̱ ngue̱nda te tupäbi yä mu̱i.

De̱mbäbi rä ejemplo rä Hesu

3. Hyandi te tupäbi yä mu̱i yä jäꞌi. Mänꞌa dä hogi gi ñäui yä jäꞌi de näꞌä tupäbiꞌu̱ yä ꞌmu̱i, hingä de näꞌä go gi hoge. Mꞌai ꞌne ñꞌanise̱:

1. «¿Te xä mhängä ha yä notisia?».

2. «¿Te pede nuꞌu̱ mä nꞌaꞌngu, nuꞌu̱ di ñꞌoui ha rä me̱fi o nuꞌu̱ di pe̱ui ha rä skuela?».

4. Jamäsu näꞌä gi handi. Ñꞌanise̱:

1. «¿Te pe̱fi nuni zi jäꞌi? ¿Ngu te di mbeni?».

2. «Po näꞌä jaua ha rä nguu, po hanja xä ñhoki ꞌne hanja xä ñhee, ¿ngu te mä relijion pe̱ꞌtsi ꞌne te kamfri?».

3. «¿Dä hogi gä ñäui o di handi ge ja ndunthi rä ꞌme̱fi?».

5. Jamäsu näꞌä xiꞌi.

1. Oxa gi ñä ndunthi.

2. Hyopi dä mää te di mbeni näꞌä zi jäꞌi. Mu̱ dä za, yꞌo̱tpäbi yä ntꞌani pa gi pädi te di mbeni.