Hanja dä za gä uñhu̱ ntꞌo̱de mänꞌa xä ñho: Fu̱di gi platika ko yä jäꞌi ꞌne tal vez asta dä za gi predikabi

Rä Hesu bi za bi predikabi de manera informal nꞌa rä samaritana, ngeꞌä näꞌä bi mu̱di nꞌa rä platika kongeꞌä de mä nꞌa rä tema. ¿Te dä za gä pe̱fihu̱ pa gä fu̱di gä ñäuihu̱ yä jäꞌi mäske hindi konosehu̱?

• ꞌÑudi rä ñhojäꞌi ꞌne trata gi platika ko yä jäꞌi. Mäske rä Hesu xki zabi, näꞌä bi mplatika ko nꞌa rä samaritana. ¿Hanja bi ja? Ho̱nse̱ bi mu̱di bi yꞌadi rä dehe pa dä ntsithe. Nuꞌi dä za gi fu̱di gi ze̱njua nꞌa rä jäꞌi ko rä tꞌekꞌei ꞌne tal vez dä za gi ñähu̱ de rä tse̱, de rä pahyadi o de märꞌa yä tꞌo̱tꞌe nuꞌu̱ ja getya xä thogi. Nuju̱ di ne gä ñäuihu̱ yä jäꞌi, pe pa geꞌä mähyoni gä ñäuihu̱ de nuꞌu̱ yä tema tupäbi yä mu̱i. Mu̱ näꞌä rä jäꞌi hingi thädi, ogi turimu̱i. Tsapi gi ñäui mä nꞌa rä jäꞌi. Yꞌapäbi rä Zi Dada Jeoba ge dä rꞌaꞌi rä balo (Ne 2:4; Hch 4:29).

• Hyoni yä oportunida pa gi ñä de rä Tsꞌu̱tꞌhui Äjuä ko yä jäꞌi, pe ogi predikabi nguntꞌä. Hyopi ge ri platikahu̱ dä gu̱se̱ rä ꞌñuu. Mu̱ gi ne gi predikabi nguntꞌä, zäi ge ya hingä ma dä ne dä ñä kongeꞌi. Ogi turimu̱i mu̱ ya himbi zu̱di rä tiempo gi predikabi näꞌä jäꞌi. Mu̱ di jaꞌi xä ñhei gi fu̱di gi predika de rä Tsꞌu̱tꞌhui Äjuä, dä za gi fu̱di gi ñäui yä jäꞌi mäske hingi mbeni gi predikabi. [Yꞌe̱ntsꞌi rä bideo 1 ꞌne yꞌapäbi rä mfatsꞌi nuꞌu̱ xä ntini].

• Trata gi no̱ni rꞌa de nuꞌu̱ mä jamfri di pe̱ꞌtsihu̱ pa njabu̱ näꞌä jäꞌi dä ne dä yꞌo̱tꞌe yä ntꞌani. Por ejemplo, rä Hesu bi no̱ni nꞌa rä tꞌo̱tꞌe näꞌä bi japi rä samaritana dä ne dä yꞌo̱tpäbi yä ntꞌani. Hänge ora rä Hesu bi xipäbi de rä Tsꞌu̱tꞌhui Äjuä, näꞌä ho̱nse̱ mi thädi nuꞌu̱ yä ntꞌani mi o̱tpäbi näꞌä samaritana. [Yꞌe̱ntsꞌi rä bideo 2 ꞌne yꞌapäbi rä mfatsꞌi nuꞌu̱ xä ntini, jabu̱ ꞌnehe ko rä bideo 3].