Xä thogägihu̱ xa mähotho

Rä rey Dabid bi hñudi bi ntso̱ꞌmi ꞌne bi hyandi ge gatꞌho nuꞌu̱ yä tꞌo̱tꞌe ja, udi nuꞌu̱ yä hogä mꞌu̱i pe̱ꞌtsi Jeoba. Hänge nixi bi duda de dä umbäbi rä te pa bi me̱päbi rä bolunta.

Nuꞌmu̱ Dabid mi hudi mi ntso̱ꞌmi de gatꞌho nuꞌu̱ yä tꞌo̱tꞌe xä hyoki Jeoba, geꞌä bi japi dä mädi ꞌne dä nsundabi rä thuhu. Näꞌä bi ꞌñenä:

139:14

• «Di nsundaꞌi ngeꞌä nixi di pädi te gä mää nuꞌmu̱ di handi ge xkä hyogägi xa mähotho.»

139:15

• «Mä ndoyꞌo himbi ntꞌägi de geꞌi, mientra ndi yꞌo ndi te ha näꞌä luga habu̱ hinto mi tsa dä hyanꞌgägi.»

139:16

• «Ri da bi hyandi nuꞌmu̱ ja mi po̱ho̱ mä ndoyꞌo; ꞌne gatꞌho yä parte ya mi hutsꞌi ha ri libro.»