Yꞌadi ha ri sadi po nuꞌu̱ yä ku o fadi o thogi yä ntꞌu̱tsate

Rä Mäkä Tꞌofo mää ge rä Zithu ma dä japi yä jäꞌi dä u̱tsagihu̱ pa njabu̱ gä he̱gihu̱ de gä uñhu̱ ntꞌo̱de (Jn 15:20; Rev 12:17). ¿Hanja dä za gä faxu̱ nuꞌu̱ mä kuhu̱ o fadi o thogi yä ntꞌu̱tsate? Dä za gä adihu̱ ha mä sadihu̱ po geꞌu̱. Rä Mäkä Tꞌofo mää ge pe̱ꞌtsi ndunthi rä tsꞌe̱di rä sadi nꞌa rä jäꞌi näꞌä ꞌmu̱i ngu di mända Äjuä (Snt 5:16).

¿Te ri ꞌñehe 2adihu̱? Dä za gä aphu̱ Jeoba ge dä umbäbi rä balo kada nꞌa de geꞌu̱ ꞌne dä matsꞌi pa hindä ntsu (Isa 41:10-13). Ha mä sadihu̱, ꞌnehe dä za gä adihu̱ ge nuꞌu̱ yä tsꞌu̱tꞌhui o yä gobiernu dä hyokägihu̱ gä uñhu̱ ntꞌo̱de rä Noya Äjuä, pa njabu̱ gä sigi gä ꞌmu̱hu̱ temäꞌentho ꞌne nsi yä ntꞌu̱tsate (1Ti 2:1, 2).

Nuꞌmu̱ rä apostol Pablo ꞌne rä apostol Pedro bi thogi yä ntꞌu̱tsate, yä kristianu de rä mu̱di siglo bi yꞌadi ha yä sadi po geꞌu̱. Mi no̱ni kada nꞌa de geꞌu̱ po yä thuhu ꞌne mi apäbi Jeoba ge dä matsꞌi (Hch 12:5; Ro 15:30, 31). Mu̱ hindi pähu̱ te yä thuhu nuꞌu̱ mä kuhu̱ bi o fadi o bi thogi yä ntꞌu̱tsate, za dä za gä no̱nihu̱ te mä mhuntsꞌi, hnini o dähni habu̱ yä mengu nuꞌu̱ mä kuhu̱ ꞌne gä adihu̱ po geꞌu̱.

Yꞌofo yä thuhu nuꞌu̱ yä luga habu̱ bi ꞌmu̱i nuꞌu̱ yä ku thogi yä ntꞌu̱tsate pa gi ja yä sadi po geꞌu̱.