Fatsꞌi ri familia pa nzäntho dä beni Jeoba

Jeremías bi mhändabi dä xipäbi yä judio ge Jeoba ma xä huatiꞌu̱ ngeꞌä xki ꞌuengi de rä ꞌñuu (Jer 13:25). ¿Hanja bi ꞌuengi de rä ꞌñuu Jeoba rä hnini Israel? Ngeꞌä yä familia xki mꞌe̱di näꞌä rä hogä ntsitsꞌi mi pe̱ꞌtsi ko Jeoba. Nuꞌu̱ yä ñäxu de yä familia, hixki jamäsu nuꞌu̱ yä tsꞌofo Jeoba hutsꞌi ha Deuteronomio 6:5-7.

Mäpaya, nuꞌu̱ yä familia pe̱ꞌtsi nꞌa rä hogä ntsitsꞌi ko Jeoba faxte pa dä ze̱di yä mhuntsꞌi. Yä dada dä za dä matsꞌi yä familia pa hindä pumfri Jeoba mu̱ tatꞌä semänä dä yꞌo̱tꞌe xä ñho yä Mhuntsꞌi de gä Familia (Sl 22:27). Mꞌe̱fa de gi hyandihu̱ rä bideo «Nuya yä noya [...] pe̱ꞌtsi te dä mꞌu̱i ha ri koraso»: Nꞌa rä entrebista bi tꞌo̱tꞌpäbi rꞌa yä familia, thädihu̱ nuya yä ntꞌani:

• Mäske gatꞌho yä familia thogi yä xuñha, ¿te xä me̱fi rꞌa de geꞌu̱ pa hinxä hye̱gi de dä me̱ꞌtsi yä Mhuntsꞌi de gä Familia?

• ¿Te mä jäpi xä hñäni ngeꞌä o̱tꞌe ntsꞌe̱di po dä me̱ꞌtsi tatꞌä semänä yä Mhuntsꞌi de gä Familia?

• ¿Te mä xuñha japi xä ñhei gä o̱tꞌe mä Mhuntsꞌi de gä Familia ꞌne te ma gä pe̱fi pa gä täpäbi nuꞌu̱ xä xuñha?