Ma gä kombibihu̱ ho̱nse̱ ko nuꞌu̱ mädi Jeoba

¿Por hanja debe gä kombibihu̱ ko nuꞌu̱ mädi Jeoba? Nuꞌu̱ yä ntsitsꞌi di pe̱ꞌtsihu̱ dä za dä maxkägihu̱ o dä za dä perjudikagihu̱ (Pr 13:20). Por ejemplo, rä rey Jehoás «bi me̱fi näꞌä xä ñho ante yä da Jeoba» mientra mi kombibi ko Jehoiadá, näꞌä rä ꞌme̱go Jeoba (2Cr 24:2). Pe mi du Jehoiadá, Jehoás bi me̱ꞌtsi yä tsꞌo ntsitsꞌi ꞌne bi ꞌuege de Jeoba (2Cr 24:17-19).

Ha rä mu̱di siglo, rä apostol Pablo bi usa nꞌa rä ejemplo pa bi kompara rä mhuntsꞌi ko «nꞌa rä däta nguu», ꞌne nuꞌu̱ «yä kosa» ja mboo, geꞌu̱ nuꞌu̱ di ntini ha rä mhuntsꞌi. Nuju̱ di njahu̱ ngu nuꞌu̱ «yä kosa» di sirbe «pa nꞌa rä hogä tꞌo̱tꞌe» mu̱ hindi ntsitsꞌihu̱ ko nuꞌu̱ yä jäꞌi pe̱fi näꞌä u̱tsa Jeoba. Hää, di ꞌuegehu̱ de geꞌu̱ mäske nuꞌu̱ yä jäꞌiꞌu̱ yä testigo rä Jeoba o mä familiahu̱ (2Ti 2:20, 21). Hänge ma gä kombibihu̱ ho̱nse̱ ko nuꞌu̱ mädi Jeoba ꞌne faxkägihu̱ pa gä pe̱päbihu̱ mänꞌa xä ñho.

HYANDIHU̱ RÄ BIDEO ꞌUEGE DE NUꞌU̱ YÄ TSꞌO NTSITSꞌI. MꞌE̱FA THÄDIHU̱ NUYA YÄ NTꞌANI:

• ¿Hanja dä za dä yu̱tꞌi ha mä mꞌu̱ihu̱ yä tsꞌo ntsitsꞌi?

• ¿Te bi matsꞌi nuꞌu̱ hñuu yä ku pa bi ꞌuege de nuꞌu̱ yä tsꞌo ntsitsꞌi?

• ¿Te mä testo de rä Mäkä Tꞌofo ma dä maxkägihu̱ pa gä huahnihu̱ xä ñho toꞌo ma gä ntsixkuihu̱?