Rꞌa yä idea pa gi nxadi rä Mäkä Tꞌofo

¿Habu̱ dä za gä tinihu̱ nuꞌu̱ yä mpadi xä bo̱ni?

Xi nꞌa rä däta nsu näꞌä di pe̱ꞌtsihu̱ ha nuya yä gäxä pa habu̱ di handihu̱ hanja rä Zi Dada Jeoba xä maxkägihu̱ pa gä ntiendehu̱ mänꞌa xä ñho näꞌä udi rä Mäkä Tꞌofo (Dan. 12:4). Pe mäske njabu̱, zäi ge rꞌabu̱ di jakägihu̱ xä ñhei gä nxadihu̱ gatꞌho nuꞌu̱ yä mpadi xä uni rä hnini rä Zi Dada Jeoba de hanja di debe gä ntiendehu̱ rꞌa yä ntꞌudi de rä Mäkä Tꞌofo. ¿Pe habu̱ dä za gä tinihu̱ gatꞌho nuꞌu̱ yä mpadi xä bo̱ni?

• Rä Índice de las publicaciones Watch Tower habu̱ enä «Aclaración de creencias» ehe nꞌa rä lista de gatꞌho nuꞌu̱ yä mpadi xä bo̱ni tatꞌä je̱ya. Pa gi hyandi näꞌä rä lista, ku̱tꞌi ha rä Watchtower Library o ha rä BIBLIOTECA EN LÍNEA Watchtower^™ ꞌne yꞌofo njaua ko yä comilla: “aclaración de creencias”.

• Ha rä Guía de estudio para los testigos de Jehová ehe nꞌa rä tꞌu̱kä lista habu̱ ehe en orden nuꞌu̱ yä mpadi. Pa gi tini nunä rä lista, ku̱tꞌi ha rä Guía de estudio para los testigos de Jehová ꞌne hyoni habu̱ enä «Los testigos de Jehová», «Opiniones y creencias», ꞌnepu̱ habu̱ enä «Aclaración de nuestras creencias».

Xi nuꞌi, ¿dä za gi yꞌo̱tꞌe ntsꞌe̱di po gi nxadi nꞌa de nuya yä mpadi tatꞌä semänä ora gi nxadi rä Mäkä Tꞌofo? Imbestiga te ndi kamfrihu̱ mä mꞌe̱tꞌo ꞌne te mä mpadi ja xä bo̱ni de hanja di debe gä ntiendehu̱ mäpaya näꞌä rä ntꞌudiꞌä. Hyandi te mä raso uni rä Mäkä Tꞌofo de por hanja bi tꞌo̱tꞌe näꞌä rä mpadiꞌä.