¿Ri ꞌñepäbi yä kristianu dä nthintꞌi ha yä gerra? | ¿Te udi rä Biblia?

Nuꞌu̱ yä jäꞌi gu̱tꞌi rä ꞌñuu ha yä nijä xä ꞌñudi ge di apoya näꞌä rä gerra bi ja ha Ucrania. Hyandihu̱ te xä me̱fi kada nꞌa de geꞌu̱.

• Di umbäbihe njamädi gatꞌho nuꞌu̱ yä soldado de rä dähni Ucrania, ngeꞌä di ñängägihu̱ de nuꞌu̱ mä nkontrahu̱. Di ne gi pähu̱ ge nzäntho ma gä faxꞌäꞌihe ꞌne ma gä xatuäbihe Äjuä po geꞌähu̱ (rä majhä Epifanio I de Kiev, The Jerusalem Post, 16 de rä märso de rä 2022).

• Nunä ndomingo, nꞌa de nuꞌu̱ yä jäꞌi di gu̱tꞌi rä ꞌñuu ha rä nijä ortodoxa de Rusia, bi yꞌo̱tꞌe nꞌa rä mixa habu̱ bi ꞌñembäbi nuꞌu̱ yä soldado ge dä sigi dä defende yä dähni «ja ngu pädi dä jahu̱». Pe rä dähni Moscú tobe sigi pe̱hni yä soldado pa dä ntuhni kontra Ucrania (Reuters, 3 de rä abril de rä 2022).

¿Ri ꞌñepäbi yä kristianu dä nthintꞌi ha yä gerra? ¿Te udi rä Biblia?

Näꞌä udi rä Biblia

Rä Biblia udi ge nuꞌu̱ xa mäjuäni de̱mbäbi rä ejemplo rä Hesu, hingi nthintꞌi ha yä gerra.

• «Nuꞌmu̱ rä Hesu bi ꞌñembäbi nuꞌä mi hä rä majuai: “Pe̱ꞌtsä ri juai ha rä ntꞌoo, ngeꞌä gatꞌho nuꞌu̱ toꞌo hote ko rä juai, ko rä juai di tho ꞌnehe”» (Mateo 26:52).

  Mu̱ nꞌa rä jäꞌi di nthintꞌi o di apoya yä gerra, ¿dä za gä mäñhu̱ ge di jamäsu nunä tsꞌofo bi uni rä Hesu?

• «Nubye̱ nꞌa rä rꞌayꞌo mhända di tsokꞌähu̱, mädihu̱ nꞌa ngu mänꞌaa ja ngu xtä mäꞌähu̱, njabu̱ ꞌnehe gi mädihu̱ nꞌa ngu mänꞌaa. Mu̱ gi mädihu̱ nꞌa ngu mänꞌaa, nuꞌmu̱ njabu̱ dä bädi gatꞌho yä jäꞌi ge mäjuäni mä nxadiꞌihu̱» (Juan 13:34, 35).

  Mu̱ nꞌa rä jäꞌi di nthintꞌi o apoya yä gerra, ¿dä za gä mäñhu̱ ge xa mäjuäni udi näꞌä rä mäte bi ꞌñudi rä Hesu?

Mu̱ gi ne gi pädi mä nꞌa tu̱i, hyandi rä artikulo «El cristianismo y la guerra: ¿son compatibles?».

Nuꞌu̱ xa mäjuäni yä kristianu hingi nthintꞌi ha yä gerra

¿Ri ꞌñepäbi nꞌa rä kristianu dä nthintꞌi ha rä gerra? Hinä, hyandi näꞌä udi rä Biblia. Rä Biblia udi ge ha nuya «yä gäxä pa» ma xä ꞌmu̱i rꞌa yä jäꞌi nuꞌu̱ hingä ma xä nthintꞌi ha yä gerra. Rä Biblia enä: «Ya hingä ma dä gu̱tsꞌi yä däjuai yä dähni kontra märꞌa yä dähni, ngeꞌä nuꞌu̱ ya hingä ma dä bädi yä tuhni» (Isaías 2:2, 4). ¿Hänge mäjuäni ge nuya yä noya di nthe̱e̱ ko näꞌä bi mängä rä Hesu?

• Pa gi pädi mä nꞌa tu̱i, hyandi nuꞌu̱ yä artikulo ehe ha rä revista La Atalaya «¿Qué piensa Dios de las guerras?».

Mänꞌitꞌho Jeoba,a «näꞌä rä Zi Dada de rä paz», ma dä usa näꞌä rä Gobiernu xä hñutsꞌi ha mähetsꞌi pa dä ñäni gatꞌho nuꞌu̱ yä zi jäꞌi tꞌo̱tꞌpäbi rä ntsꞌomꞌu̱i ꞌne di sufri po ränge yä gerra (Filipenses 4:9; Salmo 72:14).

• Pa gi pädi mä nꞌa tu̱i, hyandi rä bideo ¿Te me̱ꞌä rä Tsꞌu̱tꞌhui Äjuä?