¿Toꞌo ma dä matsꞌi ꞌne dä su nuꞌu̱ yä zi jäꞌi di sufri po ränge yä gerra? | ¿Te udi rä Biblia?

Nꞌa grupo yä dähni fädi ngu Las Naciones Unidas, enä:

• Dende rä 7 asta rä 23 de rä oktubre de nunä je̱ya 2023, nuꞌu̱ yä jäꞌi o̱tꞌe yä tuhni ha Gaza ꞌne Israel bi hyo thogi de 6.400 yä jäꞌi ꞌne 15.200 bi zoogi erido. Ndunthi de nuya yä jäꞌi hinte mä tsꞌoki tu, nixi xki nthintꞌi ha nuya yä gerra. Pe hingä ho̱nse̱ꞌä, asta mäpaya yä mꞌotho nuꞌu̱ yä jäꞌi xä zopu̱ yä ngu po nuya yä gerra.

• Pa rä 24 de rä septiembre de nunä je̱ya 2023, ha näꞌä rä gerra entre Rusia ꞌne Ucrania ya xki du thogi de 9.701 yä zi jäꞌi ꞌne mä 17.748 nuꞌu̱ mi ꞌmu̱i erido se̱he̱ de rä dähni Ucrania. Nuya yä zi jäꞌi hinte mä tsꞌoki tu, nixi xki nthintꞌi ha nuya yä gerra.

Pe zäi ge nuꞌi gi ñꞌanise̱: «¿Te ma dä thogi ko nuꞌu̱ yä zi jäꞌi di sufri? ¿Dä za dä do̱ꞌmi ge xudi ndämäni dä za dä me̱ꞌtsi nꞌa rä mꞌu̱i temäꞌentho?». Hyandi te udi rä Biblia.

Nuꞌi dä za gi kamfri ge ma dä nja nꞌa rä mꞌu̱i temäꞌentho

Rä Mäkä Tꞌofo udi ge Äjuä ma dä hñäki yä gerra po gatꞌho rä Xiꞌmhai (Salmo 46:9). Pa geꞌä, ma dä hñäki gatꞌho nuꞌu̱ yä gobiernu ja mäpaya. ¿Gi pädi? Äjuä ya xä ꞌñegi rä Gobiernu ha mähetsꞌi (Daniel 2:44). Rä Tsꞌu̱tꞌhui Äjuä geꞌä rä Gobiernu ma dä za dä matsꞌi ꞌne dä umbäbi gatꞌho näꞌä japäbi mꞌe̱di yä zi jäꞌi.

Hyandi te ma dä me̱fi Ñhesukristo ngu rä Rey de rä Gobiernu Äjuä:

• «Näꞌä ma dä matsꞌi nuꞌu̱ yä zi hyoya mafi adi rä mfatsꞌi, ꞌne nuꞌu̱ yä umilde ꞌne gatꞌho nuꞌu̱ joꞌo toꞌo dä matsꞌi. Ma dä hueki nuꞌu̱ yä umilde ꞌne yä hyoya, ꞌne nuꞌu̱ yä zi hyoya ma dä ñämbäbi yä te. Ma dä ñäni de yä ntꞌu̱tsate ꞌne de yä ntsꞌomꞌu̱i» (Salmo 72:12-14).

Äjuä ma dä usa rä Gobiernu pa dä hñäki gatꞌho nuꞌu̱ yä u̱gi ꞌne yä sufrimiento xpä hä yä ntsꞌomꞌu̱i ꞌne yä gerra.

• «Äjuä ma dä dukuäbi gatꞌho yä gidaꞌu̱. Ya hindä nja rä du, ni yä tsꞌoni, ni yä dumu̱i, nixi yä u̱gi, ngeꞌä nu yä tꞌo̱tꞌe mi ja mä mꞌe̱tꞌo, nubye̱ ya otho» (Apocalipsis 21:4).

Mänꞌitꞌho, rä Gobiernu Äjuä ma dä hä yä mpadi ha rä Xiꞌmhai. ¿Hanja di pädihu̱? Ngeꞌä gatꞌho näꞌä mängä rä Biblia ngu yä gerra ꞌne yä tuhni ya di handihu̱ di kumpli mäpaya (Mateo 24:6). Nuya yä thogi ꞌne märꞌaa, udi xä ñho ge ya di ꞌmu̱ihu̱ ha nuya yä gäxä pa ꞌne mänꞌitꞌho ma dä uadi rä gobiernu yä mexiꞌmhai (2 Timoteo 3:1).