Ñhesukristo ma dä huati yä gerra

Mi mꞌu̱kua rä Hesu ha rä Xiꞌmhai, bi ꞌñudi ge xa mi mäkägihu̱: asta bi uni rä te por gekhu̱ (Mateo 20:28; Juan 15:13). Mänꞌitꞌho, mänꞌaki ma dä ꞌñudi hängu di mäkägihu̱: ngu rä Rey de rä Tsꞌu̱tꞌhui Äjuä, ma dä huati «yä gerra po gatꞌho rä xiꞌmhai» (Salmo 46:9).

Hyandi te udi rä Mäkä Tꞌofo ge ma dä me̱fi rä Hesu:

• «Näꞌä ma dä ñäni nuꞌu̱ toꞌo mafi po rä mfatsꞌi, ꞌne rä umilde ꞌne gatꞌho nuꞌu̱ toꞌo hingi pe̱ꞌtsi toꞌo dä matsꞌi. Ma dä me̱ꞌspäbi rä nhuekäte rä umilde ꞌne rä zi hyoya, ꞌne ma dä ñämbäbi yä te nuꞌu̱ yä zi hyoya. Ma dä ñäniꞌu̱ de dä ꞌme̱go ꞌne de yä ntsꞌomꞌu̱i» (Salmo 72:12-14).

¿Hanja dä za gä udihu̱ ge di jamädibihu̱ rä Hesu po gatꞌho näꞌä ya xä me̱fi ꞌne po gatꞌho näꞌä ma dä sigi dä me̱fi po gekhu̱ xudi ndämäni? Dä za gä udihu̱ ge di jamädihu̱ mu̱ gä sigi gä pädihu̱ de rä Gobiernu Äjuä, näꞌä rä Gobiernu bi predika rä Hesu mi mꞌu̱kua ha rä Xiꞌmhai (Lucas 4:43). Pa gi pädi mä nꞌa tu̱i hñeti rä artículo «¿Qué es el Reino de Dios?»