ꞌÑudi rä ñhojäꞌi

Näꞌä bi me̱fi rä Hesu

RÄ BIDEO: Rä Hesu bi yꞌo̱the nꞌa rä ñꞌo̱ho̱ mrä goda

1. Hyandi rä BIDEO o hñeti Juan 9:​1-7. ꞌNepu̱ thädi nuya yä ntꞌani:

1. Te bi me̱fi mꞌe̱tꞌo rä Hesu, ¿bi yꞌo̱the näꞌä rä jäꞌi o bi ꞌñuti de rä Noya Äjuä? (Hyandi Juan 9:​35-38).

2. ¿Por hanja näꞌä ñꞌo̱ho̱ bi ne bi yꞌo̱de näꞌä bi xipäbi rä Hesu?

¿Te utkägihu̱ rä ejemplo rä Hesu?

2. Ora yä jäꞌi di da ngue̱nda ge xa mäjuäni di tumämu̱ihu̱ po geꞌu̱ ꞌne di ne gä fatsꞌihu̱, mänꞌa ma dä ne dä yꞌo̱xkägihu̱.

De̱mbäbi rä ejemplo rä Hesu

3. ꞌÑudi rä nhuekäte. Tsapi gi imäjinä te senti ꞌne te di mbeni näꞌä jäꞌi.

1. Ñꞌanise̱: «¿Ngu te mä tꞌo̱tꞌe tupäbi rä mu̱i? ¿De te dä hohmä gä ñäui o te japäbi mꞌe̱di dä bädi?». Nuya yä ntꞌani ma dä maxꞌäꞌi pa nzäntho gi ꞌñudi rä ñhojäꞌi dende ha ri koraso.

2. Mu̱ nꞌa rä jäꞌi petꞌäꞌi te senti o näꞌä thogi, jamäsu näꞌä xiꞌäꞌi. Mu̱ gi jabu̱, ma gi ꞌñudi ge xa mäjuäni gi turimu̱i po geꞌä.

4. Ñä ko rä mhäte ꞌne rä tꞌekꞌei. Po näꞌä rä modo de hanja gi zofo, yä jäꞌi nguntꞌä di da ngue̱nda mu̱ xa mäjuäni gi mädi ꞌne gi turimu̱i po geꞌu̱. Hänge xa mähyoni gi huahni xä ñho näꞌä ma gi xipäbi ꞌne te mä noya ma gi usa pa njabu̱ hingi u̱mbäbi yä mfeni.

5. Uni rä mfatsꞌi. Hyandi te pe̱fi näꞌä jäꞌi ꞌne mu̱ dä za hyoni hanja gi fatsꞌi. Mu̱ gi pe̱fi njabu̱, geꞌä ma dä xoki rä goxthi pa gi mplatikaui.