¿Té ma nto̱de ra zo i ʼbu̱i pa nugohu̱?

1. ¿Té ma nto̱de ra zo i petsi rä Tsi Mähkí Tá pa nugohu̱?

Rä Tsi Mähkí Tá i ne ge yä kjäʼni da petsi ʼna nzahki ma ra zo pa da mpohmu̱. I petsi hmädi po yä kjäʼni, nge bi o̱te nu̱ jitsi ʼne goʼtho kʼa i ʼbu̱hkua ha nu̱ Joi. Ya hin da de pa da gu̱ʼtsi yä dumu̱i pa ge yä kjäʼni de goʼtho yä luga da petsi ʼna nzahki ma ra zo pa ri mäni. Nu̱ Biblia i mä: “ʼNge nugose di pädi ra ndo̱ zo yä mfeni dra mbeni pa nukehu̱ [...], di petsi yä nfeni ra ndo̱ zo pa nukehu̱ nge hin di petsi yä ntsʼo mfeni pa nukehu̱, pa go raʼkihu̱ yä mpa nihi ʼna humu̱i pa ri mäni” (Jeremías 29:11).

Nindi ʼna ndä de yä kjäʼni i tso da gu̱ʼtsi yä ntu, yä gihí ni ra du. Pe i ʼbu̱i yä raʼyo nto̱de ra zo: ʼbe̱htho chu̱tho, pa ge rä Tsi Mähkí Tá da ma gu̱ʼtsi goʼtho yä ndä de nuna ximojoi ʼne da ma ítsi kʼa ro Reino. Ro hnini rä Tsi Mähkí Tá da ʼmu̱i ra ndo̱ zo ʼne hin da petsihu̱ yä gihí. Xödi Isaías 25:8; 33:24, ʼne Daniel 2:44.

2. ¿Ó ra ndo̱ zo gehya nto̱de?

Pa ya hin da ʼmu̱i yä ntʼo̱te ra ntsʼo, rä Tsi Mähkí Tá petsite da gu̱ʼtsi yä tsʼo kjäʼni de goʼtho nu̱ Ximojoi (Sofonías 2:3). ¿Pe kjaʼmu̱ da thogi? Ta ma kjaʼmu̱ nu̱ Biblia xi mä ge ndi thogi yä dumu̱i i kjahpi da nsenti yä kjäʼni. Yä ntʼo̱te ra ntsʼo i thohya i uhtigihu̱ ge rä Tsi Mähkí Tá hin da de pa da gu̱ʼtsi. Xödi 2 Timoteo 3:1-5.

3. ¿Té da zo go pe̱hmu̱?

Petsite go pädihu̱ de rä Tsi Mähkí Tá mu̱ go xödihu̱ ra Biblia, kjangú ʼna tá i uni ʼna he̱ʼmi yo bähtsi nge i ndo̱ mädi. Ro Hñä rä Tsi Mähkí Tá i xihkihu̱ ankja da zo go mu̱fu̱ ra zo nuyá, ʼne i mä té ra zo go pe̱hmu̱ pa go petsihu̱ pa ri mäni ʼna nzahki pa zäi. Di pädihu̱ ge hi goʼtho yä kjäʼni da mpohmu̱ mu̱ da núhu̱ ge gi xödi ra Biblia. Pe hin gi he̱gi gi xödi nu̱ Biblia ʼne hin gi nsenti, nge ku̱ nkjähpi gi ma petsi ri mäni ma ra ndo̱ zo. Xödi Proverbios 29:25 ʼne Revelación (Apocalipsis) 14:6, 7.