NTʼUDI 02
Nu̱ Biblia i nahkígihu̱ yä hñähtí
Yu̱ kjäʼni de goʼtho nu̱ ximojoi i ndo̱ ʼñonfenihu̱, i nsentihu̱ nihi i tsohu̱ kʼa ra ʼu̱ po goʼtho yä dumu̱i i thohmu̱. Nuke, ¿kja ko thogi nkjapu̱? Mu̱ nuke gi nsenti po ʼna gihí gi ʼñoui o xi dú ʼna ri tsi miní o nihi ko ʼñöni kja da zo̱ʼ ʼna mpa go ʼmu̱fu̱ ra zo. Nu̱ Biblia i thädí gehya ntʼöni di kjáhu̱.
1. ¿Té ma hñähtí i mä nu̱ Biblia?
Nu̱ Biblia i xihkígihu̱ ó i ndo̱ kjá yä dumu̱i nuua ha nu̱ ximojoi, nihi i xihkígihu̱ ge gehya dumu̱i hi zäi da ma ʼmu̱i, xo da ma nkju̱ʼtsí. Nu̱ Biblia i mä ge nuke da zo gi peʼtsi “yä chala mpa nihi gi ʼmu̱i ra zo pa ri mäní” (xödí Jeremías 29:11, 12). Gehya xi nthutsí i föxkígihu̱ pa go tse̱htíhu̱ yä dumu̱i nihi pa go peʼtsihu̱ yä mfeni ra zo, nihi i xihkígihu̱ ge zäi da zo go mpohmu̱.
2. Té i mä nu̱ Biblia, ¿a da ma nkja yu̱ mpa pa ri mäní?
Nu̱ Biblia i mä ge ri mäní “nu̱ dú ya hin da ʼmu̱i nindi ʼna da nsenti ni tó da nzoní ni tó da zo ra ʼu̱” (xödí Apocalipsis 21:4). Yu̱ dumu̱i i kjá go nsentihu̱ da ma nkju̱ʼtsí ngu nu̱ gihí ko nu̱ dú, nindi ʼna da kjágihu̱ kʼa ra ntsʼo. Nu̱ Biblia i xih yu̱ kjäʼni ge da ma meʼtsihu̱ ndunthi té da zihu̱ nihi zäi da mpohmu̱ mu̱ nu̱ joi da nkja ra nchala.
3. ¿Té da möxkí pa gi íhkji kʼa i mä nu̱ Biblia?
Ndunthi yä kjäʼni i to̱ʼmihu̱ ge da zo̱ʼ ʼna mpa go ʼmu̱fu̱ ra zo, pe hi i pädihu̱ kja hä da thogi nkjanu̱. Ko nu̱ Biblia hi i nkjapu̱. Da zo go íhkjihu̱ kʼa i mä, mu̱ go xödíhu̱ “ra zo kʼa xi nthutsi”, nsohtho, ra zo gi xödí nu̱ Biblia (Hechos 17:11). Nuná da möxkí pa gi núse kja da zo gi íhkji kʼa té da ma thogi pa ri mäní.
MA PÄDIHU̱ MÁ RA NGU DE NU̱ TEMA
Ma núhu̱ ʼra de ku̱ xi nthutsí ha nu̱ Biblia ge da ma thogi pa ri mäní, nihi go ma núhu̱ ankja kʼa xi nthutsí, nuyá i fötsí ndunthi yä kjäʼni.
4. Nu̱ Biblia i xihkígihu̱ ge ya hin go túhu̱ nihi ge zäi go ʼmu̱fu̱ ra zo
Nú ku̱ nkjähpí di tötihu̱ ha nu̱ Biblia. De ku̱ xi nthuxkua, ¿ndänaku̱ má gi ne gi pädi? ¿ó i nkjapu̱?
Xödíhu̱ yo xe̱ni de nu̱ Biblia ba íhkua nihi ñähu̱ de gehna:
¿Nuke gi beni ge gehya xe̱ni da zo da möxkí? Nihi, ¿kja da zo da mötsí ku̱ ri miní ko ku̱ ri ntsitsi?
Beni ge ya kra ʼbu̱i ha ʼna joi ngu kʼa xi nthuxkua:
NINDI ʼNA... |
GOʼTHO YÄ KJÄʼNI... |
|---|---|
|
|
|
|
|
|
|
|
|
|
5. Kʼa xi nthutsí ha nu̱ Biblia da zo da möxkígihu̱ pa má go ʼmu̱fu̱ ra zo
Ndunthi yä kjäʼni i nsentihu̱ nihi i ndo̱ po̱ʼ yo kue̱ po goʼtho yu̱ dumu̱i i thohya. ʼRa i honíhu̱ té da pe̱hmu̱ pa da gu̱ʼtsihu̱ goʼtho gehya dumu̱i. Nú ankja kʼa xi nthutsí ha nu̱ Biblia nuyá i fötsí ndunthi yä kjäʼni. Núhu̱ nu̱ VIDEO nihi ñähu̱ de gehna:
Ngu i mä nu̱ video, ¿té ma dumu̱i mi kjá di ʼñonfeni kʼa Rafika?
Mahke hin ga thege ku̱ dumu̱i mi nú kʼa Rafika, ¿ankja ga mötsí nu̱ Biblia?
Kʼa xi nthutsí ha nu̱ Biblia da zo da möxkígihu̱ pa go mpohmu̱ nihi pa go tse̱htíhu̱ yu̱ dumu̱i i kjaya. Xödíhu̱ Proverbios 17:22 ko kʼa Romanos 12:12, nihi ñähu̱ de gehna:
¿Kja gi beni ge kʼa xi nthutsí ha nu̱ Biblia da zo da möxkí nuyá pa má da nkja ra zo nu̱ ri nzahki? ¿Ó i nkjapu̱?
KʼA I MÄHMU̱ PIʼRA YÄ KJÄʼNI: “Kʼa i mä nu̱ Biblia ra ndo̱ zo pa da thogi”.
Xi hnú ge kʼa i mä nu̱ Biblia hä da ma nkjá, ¿kja ra zo gi xödí pa gi pädi? ¿ó i nkjapu̱?
KʼA KO PÄDI
Kʼa i xihkígihu̱ nu̱ Biblia da ma thogi i kjá go mpohmu̱ nihi i föxkígihu̱ go tse̱htíhu̱ yu̱ dumu̱i di thogihu̱.
Kʼa to núhu̱
¿Ó i honí yu̱ kjäʼni má da ʼmu̱i ra zo?
¿Té i mä nu̱ Biblia da ma thogi pa ri mäní?
Nuyá, ¿ankja da zo da möxkí nu̱ Biblia pa da zo gi to̱ʼmi kʼa ra zo?
MÁ GI PÄDI DE GEHNA
Ra zo má gi pädi de kʼa tse̱dí i peʼtsi mu̱ té gi to̱ʼmi.
“Kʼa ra zo di to̱ʼmihu̱: ¿abu̱ go tötihu̱?” (¡Despertad!, 22 de abril de 2004)
Nú ankja kʼa ra zo di to̱ʼmihu̱ i fötsí yä kjäʼni i peʼtsi ʼna gihí ya hi i käni.
“¿Da zo da möxkígihu̱ nu̱ Biblia go tse̱htíhu̱ mu̱ di peʼtsihu̱ ʼna gihí?” (Töti nuná ha nu̱ jw.org)
Mu̱ gi nú nuná video ga ʼbidá, mbeni ge gi ndo̱ mpoho ko ku̱ ri miní ha kʼa chala joi i ñähtí nu̱ Biblia.
Nú ankja bi mbödi ro nzahki de ʼna kjäʼni mi ndo̱ honí yä ntú mu̱ nga bädi de kʼa ra zo i mä nu̱ Biblia da thogi.
“Ya hin di ne go kjá ge yä kjäʼni da mbödi kʼa i benihu̱” (La Atalaya, 1 de julio de 2013)