NTʼUDI 19
¿Yu̱ testigo ga Jehová gehyu̱ chala kristiano?
Yu̱ testigo ga Jehová di íhkjihe ge di nkjahe yu̱ chala kristiano. ¿Ó i nkjapu̱? Ma núhu̱ abu̱ ri ʼni kʼa di íhkjihe, nihi nuná thuhu i kjágihe naʼño de yu̱ maʼra yä íhkji, nihi ma núhu̱ kʼa hmädí di úhtitehe ʼra ko maʼra.
1. ¿Abu̱ ri ʼni kʼa i íhkjihu̱ yu̱ testigo ga Jehová?
Kʼa Hesu bi xiʼ kʼa Tsi Mähkí Tá: “nu̱ ri hñä hi ro ʼbe̱thrí” (Juan 17:17). Yu̱ testigo ga Jehová di kjáhe kʼa mi kjá kʼa Hesu: zäi di íhkjihe kʼa i mä nu̱ ro hñä kʼa Tsi Mähkí Tá. Núhma ankja ga mu̱dí yu̱ testigo ga Jehová de yu̱ ma mpahu̱. Po kʼa kjea 1870, ʼra yä kjäʼni mi xödí nu̱ Biblia bi hmuntsihu̱ pa di núhu̱ má ra zo kʼa bi ntsutsí ha ro hñä kʼa Tsi Mähkí Tá. Bi íhkjihu̱ kʼa ka nthutsí ha nu̱ Biblia mahke kʼa bi mu̱dí bi íhkjihu̱ hi mi úhtite ku̱ nikjä. Nkjanu̱ bi mu̱dí bi úhtibihu̱ ku̱ kjäʼni, kʼa ka dötihu̱ ha nu̱ Biblia.a
2. ¿Ó i thsihkíhe yo testigo kʼa Jehová?
Kʼa Jehová i mä ge ku̱ kjäʼni i xo̱hkimbenibi, genku̱ yo testigo, xo zäi i ñähu̱ ra zo de gege (Hebreos 11:4-12:1). Ma núhu̱ kʼa bi thogi ku̱ yo mpa kʼa Israel, kʼa Tsi Mähkí Tá bi xiʼ kʼa ro hnini: “Nukehu̱ gi nkjahu̱ yu̱ ma testigo” (xödí Isaías 43:10). Nihi kʼa Hesu i thsifí “kʼa Testigo Hi i ʼUege” (Apocalipsis 1:5). Nsohtho kʼa kjea 1931 do juahnihe kʼa thuhu testigo ga Jehová. Di ndo̱ mpohme po gehna thuhu di peʼtsihe.
3. ¿Ankja ga úhtite yu̱ testigo ga Jehová kʼa ro hmädí kʼa Hesu?
Kʼa Hesu mi ndo̱ mädí ku̱ yo te̱nite, ta mi nú ngu kʼa ro miní (xödí Marcos 3:35). Yu̱ testigo ga Jehová nihi di nkjahe ngu ʼna miní po goʼtho nu̱ ximojoi. Nsohtho di goʼthohe di ñähe ga “ku” (Filemón 1, 2). Nihi, di ʼo̱htehe gehna hmända: “Peʼtsihu̱ hmädí ko goʼtho yä ku” (1 Pedro 2:17). Yu̱ testigo ga Jehová di úhtitehe nuná hmädí; di kjáhe mu̱ di fötsíhe yu̱ ma kuhe de goʼtho nu̱ ximojoi mu̱ i thogihu̱ ku̱ ra nthí.
MA PÄDIHU̱ MÁ RA NGU DE NU̱ TEMA
Ma pädihu̱ kʼa bi thogi yu̱ testigo ga Jehová nihi ma núhu̱ maʼra yä rraso ge i úhtigihu̱ ge di nkjahe yu̱ chala kristiano.
Yu̱ chala kristiano i íhkjihu̱ kʼa xi nthutsí ha nu̱ Biblia, nihi i ñähu̱ ko yu̱ kjäʼni de kʼa xi bädihu̱.
4. Di íhkjihe kʼa i mä nu̱ Biblia
Kʼa Jehová bi mä ge kʼa xi nthutsí ha nu̱ Biblia di phädi ra zo. Xödíhu̱ Daniel 12:4 nihi ñähu̱ de gehna:
¿Té ʼbenkʼa di “ndo̱ bädi” ku̱ yo te̱nite kʼa Tsi Mähkí Tá mu̱ di xödíhu̱ nu̱ Biblia?
Nú ankja mi xödíhu̱ ro hñä kʼa Tsi Mähkí Tá ʼna lengu hmuntsi de ku̱ mi xödí nu̱ Biblia, ʼna de geʼku̱, kʼa Charles Russell. Núhu̱ nu̱ VIDEO nihi ñähu̱ de gehna:
Ngu i mä nu̱ video, ¿ankja mi xödí kʼa ro hñä kʼa Tsi Mähkí Tá kʼa Charles Russell ko ku̱ piʼra mi xödí nu̱ Biblia?
¿Ngi pädina?
ʼRa yä bes, to pödihe ʼra de ku̱ ndi íhkjihe. ¿Ó to kjáhe nkapu̱? Xi nkjanu̱ xo kʼa Tsi Mähkí Tá xi he̱gi ge ʼra ma chichu̱ go pädihe ra zo kʼa i mä nu̱ ro hñä, gentho mu̱ ga bo̱x nu̱ jiadi, mu̱ ba yoti i kjá go käʼtihu̱ ʼra ma chichu̱ goʼtho ku̱ ra ndo chala xi o̱te kʼa Tsi Mähkí Tá (xödíhu̱ Proverbios 4:18). Po gehna, mahke nu̱ Biblia hi i mbödi, mu̱ má dra pädihu̱ kʼa di xödíhu̱ má da mbödi kʼa di íhkjihu̱.
5. Di o̱tehe kʼa i mä nu ma thuhuhe
¿Ó do juahnihe kʼa thuhu testigo ga Jehová? Núhu̱ nu̱ VIDEO nihi ñähu̱ de gehna:
¿Ó ra ndo̱ zo kʼa thuhu testigo ga Jehova?
¿Ó xi juahni kʼa Jehová yä kjäʼni pa da nkjahu̱ yo testigo? Xo, xi hmä ndunthi yä ʼbe̱thrí de gege, nsohtho gehya kjäʼni i mähmu̱ kʼa ra zo de kʼa Jehová. Ma núhu̱ ʼra yä ʼbe̱thrí xi hmä de gege.
ʼRa yä íhkji i úhtitehu̱ ge kʼa Tsi Mähkí Tá i ne go xo̱hkimbenihu̱ po madé yä kjä. ¿Pe hä i nkjanu̱? Xödíhu̱ Levítico 26:1 nihi ñähu̱ de gehna:
Ngu i mä nuná xe̱ni, ¿ndänakʼa hi ro ʼbe̱thrí? ¿Té i beni kʼa Tsi Mähkí Tá de yä kjä?
ʼRa yä ndä de yu̱ nikjä i mähmu̱ ge kʼa Hesu ro Tsi Mähkí Tá. ¿Pe hä i nkjanu̱? Xödíhu̱ Juan 20:17 nihi ñähu̱ de gehna:
Ngu i mä nuná xe̱ni, ¿ndänakʼa hi ro ʼbe̱thrí? ¿Kja i nkjaui ʼnatho kʼa Tsi Mähkí Tá ko kʼa Hesu?
¿Té gi tsoge mu̱ gi pädi ge kʼa Jehová i xiʼ ku̱ yo testigo da ma gu̱ʼtsihu̱ ku̱ ʼbe̱thrí xi hmä de gege nihi de kʼa Hesu?
6. Di nmädíhe ʼra ko maʼra
Nu̱ Biblia i he̱ti yu̱ kristiano ngu ro ndoʼyo ʼna kjäʼni. Xödíhu̱ 1 Corintios 12:25, 26 nihi ñähu̱ de gehna:
¿Té i ro̱ʼmi da me̱hyu̱ chala kristiano mu̱ ku̱ yo ku i thogihu̱ ku̱ ra nthí?
Ko kʼa ko núge, ¿ankja ga úhtitehu̱ kʼa hmädí yu̱ testigo ga Jehová?
Mu̱ yu̱ testigo ga Jehová de ʼna hnini i thogihu̱ kʼa ra nthí, ku̱ yo kuhu̱ de goʼtho nu̱ ximojoi bix ki núhu̱ kʼa da ma me̱hmu̱. Pa go pädihu̱ ankja i kjáhu̱, núhu̱ nu̱ VIDEO. ʼMe̱fa ñähu̱ de gehna:
¿Da zo gi mä ge ko kʼa mföxte i ʼun ku̱ testigo ga Jehová i úhtitehu̱ kʼa hmädí? ¿Ó i nkjapu̱?
Yu̱ chala kristiano i ʼunihu̱ hmädí ku̱ tó i höni da ʼbötsí.
KʼA I MÄHMU̱ PIʼRA YÄ KJÄʼNI: “Yu̱ testigo ga Jehová kja xi bo̱ntho”.
¿Kjaʼmu̱ bi mu̱dí bi xiʼ kʼa Jehová “testigo” yu̱ kjäʼni i xo̱hkimbenibi?
KʼA KO PÄDI
Yu̱ testigo ga Jehová yo chala kristiano. Di nkjahe ʼna miní po goʼtho nu̱ ximojoi, xo di xo̱hkimbenihe kʼa Tsi Mähkí Tá, di íhkjihe goʼtho kʼa xi nthutsí ha nu̱ Biblia, nihi di úhtitehe kʼa ra zo to pädihe de kʼa Jehová.
Kʼa to núhu̱
¿Ó do juahnihe kʼa thuhu testigo ga Jehová?
¿Ankja dra úhtitehe kʼa hmädí ʼra ko maʼra?
¿Nuke gi be̱ni ge yu̱ testigo ga Jehová gehyu̱ hä yo chala kristiano?
MÁ GI PÄDI DE GEHNA
Pädi má ra zo kʼa to thogihe.
Yu̱ testigo ga Jehová: kʼa xi to̱te ko ndunthi íhkji. Thehke 1: I po̱nihu̱ de kʼa ʼmenxuy (1:00:53)
Nú ʼna ʼbe̱thrí xi döti yu̱ testigo ga Jehová ge i úhtite yu̱ nikjä.
Töti kʼa má gi ne gi pädi de yu̱ testigo ga Jehová.
“Yä ntʼöni má i nkjáhpi yu̱ testigo ga Jehová” (Sección de jw.org)
Kʼa Stephen mi ndo̱ tsʼo ku̱ kjäʼni nsohtho mi ʼu̱nku̱. Nú kʼa bi käʼti mi pe̱hyu̱ testigo ga Jehová ge bi kjá di mbödi kʼa ro nzahki.
“Zäi ndi kjá kʼa mbra ntsʼo” (La Atalaya, 1 de julio de 2015)
a La Atalaya, ge nu̱ ma he̱ʼmihu̱ i po̱ni kada zänä, desde kʼa kjea 1879.