NTʼUDI 18
Ankja da fädi tó genku̱ chala kristiano
Ndunthi yä millón ga kjäʼni i mähmu̱ yo kristiano, pe hi goʼthohu̱ i hñe̱hmi kʼa i íhkjihu̱ nihi hi i kjáhu̱ ku̱ ra zo. Po gehna, ¿ankja da zo go pädihu̱ tó genku̱ hä yo chala kristiano?
1. ¿A i nkja ʼna chala kristiano?
Yu̱ chala kristiano i nkjahu̱ yo te̱nite kʼa Hesukristo (xödí Hechos 11:26). ¿Ankja ga úhtitehu̱ ge hä i te̱nihu̱? Kʼa Hesu bi mä: “Mu̱ hin gi ʼuegehu̱ de kʼa di úhtite, gi nkjahu̱ ma te̱nite” (Juan 8:31). Nuná i ne da mä ge ku̱ chala kristiano petsite da ʼyo̱htehu̱ kʼa i úhtite kʼa Hesu. Yu̱ chala kristiano i íhkjihu̱ kʼa i mä nu̱ Biblia, kjangu kʼa Hesu nihi mi íhkji, nsohtho mi úhtite kʼa ka nthutsí ha ro Hñä kʼa Tsi Mähkí Tá (xödí Lucas 24:27).
2. ¿Ankja ga úhtitehu̱ hmädí yu̱ chala kristiano?
Kʼa Hesu bi xiʼ ku̱ yo te̱nite : “Ge gi nmädíhu̱ ʼra ko maʼra kjangú nugo to mäʼkíhu̱” (Juan 15:12). ¿Ankja ga úhtite kʼa Hesu ge mi mädí ku̱ yo te̱nite? Zäi mi ʼbu̱i ko gegehu̱, bi möxku̱, nihi ta bi ʼun kʼa ro nzahki po gegehu̱ (1 Juan 3:16). Ngu kʼa Hesu, yu̱ chala kristiano hi ho̱nse i mähmu̱ ge i nmädíhu̱; nihi ko kʼa i pe̱hmu̱ i úhtitehu̱ ge i nmädíhu̱ ʼra ko maʼra.
3. ¿Ndänakʼa ʼbe̱fí má ra zo i o̱te yu̱ chala kristiano?
Kʼa Hesu bi ʼuni nuná ʼbe̱fí ku̱ yo te̱nite, “bi xiʼku̱ di ma úhtitehu̱ de kʼa ro Reino kʼa Tsi Mähkí Tá” (Lucas 9:2). Ku̱ ʼme̱tʼo kristiano hi ho̱nse mi ñähu̱ de kʼa Tsi Mähkí Tá abu̱ mi hmuntsihu̱ pa di xo̱hkimbenibihu̱, nihi mi pöhmu̱ abu̱ mi thogi ndunthi yä kjäʼni, nihi mi pöhmu̱ ha ku̱ yo nguu (xödí Hechos 5:42; 17:17). Nihi yu̱ chala kristiano de yu̱ ma mpahu̱ i úhtitehu̱ de nu̱ Biblia abu̱ i ʼbu̱i yä kjäʼni. Yu̱ kristiano i mädíhu̱ yu̱ kjäʼni, nsohtho i kju̱hu̱ kʼa ro tiempo ko ndunthi mpoho pa da xihmu̱ yu̱ kjäʼni de kʼa hñähtí, nihi i xihmu̱ ankja i jóhtigihu̱ nu̱ Biblia (Marcos 12:31).
MA PÄDIHU̱ MÁ RA NGU DE NU̱ TEMA
Ma núhu̱ ó hi i hñe̱hmi yu̱ chala kristiano ko yu̱ kjäʼni hi i kjáhu̱ kʼa bi úhtite ko kʼa bi me̱ʼ kʼa Hesu.
4. I höníhu̱ kʼa xi nthutsí ha nu̱ Biblia
Ku̱ ʼme̱tʼo kristiano mi pädihu̱ kʼa ra ndo̱ zo kʼa nthutsí ha ro hñä kʼa Tsi Mähkí Tá.
Hi goʼtho ku̱ i mähmu̱ yo kristiano i kjáhu̱ kʼa i úhtite nu̱ Biblia. Núhu̱ nu̱ VIDEO nihi ñähu̱ de gehna:
ʼRa yä nikjä i mähmu̱ yo kristiana xi kjáhu̱ ge yä kjäʼni hin da bädihu̱ kʼa bi úhtite kʼa Hesu, ¿ankja ga kjáhu̱?
Kʼa Hesu bi úhtite kʼa ka nthutsí ha nu̱ ro Hñä kʼa Tsi Mähkí Tá. Xödíhu̱ Juan 18:37 nihi ñähu̱ de gehna:
Ngu bi mä kʼa Hesu, ¿ankja da zo da mphädi tó genku̱ kristiano ge i “kjáhu̱ kʼa i mä nu̱ Biblia”?
5. I úhtitehu̱ kʼa xi nthutsí ha nu̱ Biblia
Ku̱ ʼme̱tʼo kristiano mi úhtitehu̱ de kʼa Reino.
Ante di bo̱x a jitsi kʼa Hesu, bi xiʼ ku̱ yo te̱nite di kjáhu̱ ʼna ndo̱ ʼbe̱fí ge ta nuyá i nkjá. Xödíhu̱ Mateo 28:19, 20 ko kʼa Hechos 1:8, nihi ñähu̱ de gehna:
¿Ta kjäʼmu̱ petsite di tʼúhtite de nu̱ Biblia nihi ta abu̱ di zo̱te?
6. I úhtitehu̱ de nu̱ Biblia ko kʼa i pe̱hmu̱
¿Ó mi pädi kʼa Tom ge kʼa döti kʼa chala kristianismo? Núhu̱ nu̱ VIDEO nihi ñähu̱ de gehna:
Ngu i mä nu̱ video, ¿ó kʼa Tom ya hin ga ne ga bädi de kʼa íhkji?
¿Ó i pädi kʼa Tom ge xi döti kʼa chala íhkji?
Kʼa di mähmu̱ go úhtitehu̱ ko kʼa di pe̱hmu̱. Xödíhu̱ Mateo 7:21 nihi ñähu̱ de gehna:
¿Té ʼbenkʼa má i nú ra zo kʼa Hesu: kʼa di mähmu̱ ge di íhkjihu̱, gua kʼa di úhtitehu̱ ko kʼa di pe̱hmu̱?
7. I nmädíhu̱ ʼra ko maʼra
Ku̱ ʼme̱tʼo kristiano mi nmädíhu̱ ʼra ko maʼra.
¿Kja xi ne xi ʼuni yo nzahki yu̱ chala kristiano po ku̱ yo kuhu̱ espiritual? Núhu̱ nu̱ VIDEO nihi ñähu̱ de gehna:
¿Ó bi ne kʼa ku Lloyd bi ʼun kʼa ro nzahki po kʼa ku Johansson?
¿Gi beni ge kʼa bi me̱ʼ kʼa ku Lloyd bi úhtite ge mi nkja ʼna chala kristiano?
Xödíhu̱ Juan 13:34, 35 nihi ñähu̱ de gehna:
¿Ankja petsite di nú ku̱ yo te̱nite kʼa Hesu —yu̱ chala kristiano— yu̱ kjäʼni de maʼra yä hnini?
¿Nihi ankja da zo da kjáhu̱ mu̱ i ndo̱ ntú yu̱ hnini?
KʼA I MÄHMU̱ PIʼRA YÄ KJÄʼNI: “Yu̱ kristiano xi o̱tehu̱ ku̱ ra ndo̱ ntsʼo. ¿Ankja da zo da nkjahu̱ kʼa íhkji ra zo?”.
¿Té ma xe̱ni de nu̱ Biblia da zo gi xödí pa gi úhtite tó genku̱ chala kristiano?
KʼA KO PÄDI
Yu̱ chala kristiano i kjáhu̱ kʼa i mä nu̱ Biblia, i o̱tehu̱ tse̱dí pa da mötsíhu̱ yu̱ maʼra po kʼa hmädí i tsohu̱ nihi i úhtitehu̱ kʼa i mä nu̱ Biblia.
Kʼa to núhu̱
¿Té i kju̱hu̱ yu̱ chala kristiano pa da úhtitehu̱ abu̱ ri ʼni kʼa i íhkjihu̱?
¿Té ma chala ʼmu̱i i peʼtsi yu̱ chala kristiano?
Nihi, ¿té ma ʼbe̱fí i pe̱hmu̱?
MÁ GI PÄDI DE GEHNA
Pädi ra zo de ʼna hmuntsi i o̱te tse̱dí pa da kjá kʼa bi úhtite kʼa Hesukristo.
Xödí ankja ʼna ʼbe̱hña ka nkja monja bi döti “ʼna chala miní espiritual.
“Bi dähtígihu̱ goʼtho kʼa ndi ne gua pädi ko nu̱ Biblia” (La Atalaya, 1 de abril de 2014)
Nú ankja yu̱ chala kristiano i úhtibihu̱ hmädí ku̱ yo ku mu̱ i höníhu̱ yä nfoxte.
Di fötsihe̱ yu̱ ma kuhe mu̱ i thogi kʼa ro tse̱dí nu̱ ximojoi (nu̱ hiʼtsa i dé) (3:57)
Kʼa Hesu bi mä ankja di nkja ku̱ yo te̱nite. Nú ankja i hñe̱hmi ku̱ ʼme̱tʼo kristiano ko yu̱ chala kristiano de yu̱ ma mpahu̱.
“¿Ankja dra pädihu̱ tó genku̱ chala kristiano?” (La Atalaya, 1 de marzo de 2012)