NTʼUDI 22
¿Ankja da zo gi úhtitege yu̱ chala noticia?
Mu̱ má gri pädi kʼa ra zo i mä nu̱ Biblia, nuke ta gi beni: “¡Goʼtho yä kjäʼni petsite da bädi nuná!”. Hä i nkjapu̱; xo goʼtho nu̱ ximojoi petsite da bädi. Pe, kue ta gi ntsú mu̱ gi beni gi xifí yu̱ piʼra de kʼa gra pädi ha kʼa ri nxödí. Ma núhu̱ kʼa da zo gi pe̱fí pa hin gi ntsú, nihi ankja da zo gi mpoho mu̱ gi ñä ko yu̱ kjäʼni de yu̱ chala noticia ba íʼ ha nu̱ Biblia.
1. ¿Ankja da zo gi xih yu̱ kjäʼni gi mpädiui kʼa gra pädi de nu̱ Biblia?
Ku̱ yo te̱nite kʼa Hesu bi mähmu̱: “Hin da zo go he̱gíhe go ñähe de kʼa to o̱dehe nihi de kʼa to käʼtihe” (Hechos 4:20). Mi ndo̱ mädíhu̱ kʼa ka bädihu̱ de kʼa Hesu, nsohtho mi ne di xihmu̱ goʼtho yu̱ kjäʼni de gege. ¿Gi tsoge nkjapu̱ nihi? Mu̱ i nkjapu̱, nú kjäʼmu̱ da zo gi xih yu̱ ri miní ko yu̱ ri amigo kʼa gra pädi (xödí Colosenses 4:6).
ʼRa yä mföxte pa gi fu̱htí gi ñä
Mu̱ gra ñäui ko ʼna ri miní de nu̱ Biblia da zo gi mä nuná “Kʼa to pädi nuná ngo ra ndo̱ zo”.
Mu̱ i hniní o i ndo̱ ʼñonfeni ʼna ri amigo, da zo gi úhtibi ʼna xe̱ni de nu̱ Biblia pa da mötsí.
Mu̱ yu̱ ri kompa da ʼyönkí té go pe̱fí mu̱ nga thege nuná ngo, xiʼ kʼa ko pädi ha kʼa ri nxödí de nu̱ Biblia o ha kʼa hmuntsi.
Úhtibi ku̱ ri amigo kʼa sitio ga internet jw.org.
Xifí ʼra de ku̱ gi mpädiui da íʼ da ʼyo̱de kʼa gra pädi de nu̱ Biblia o xifí ankja da zo da ʼyödí ʼna nxödí de nu̱ Biblia ha nu̱ jw.org.
2. ¿Ó ra ndo̱ zo gi ma úhtite de nu̱ Biblia ko nu̱ hmuntsi?
Ku̱ yo te̱nite kʼa Hesu hin ga he̱gí ga ñähu̱ de yu̱ chala noticia ko ku̱ mi mpädihu̱. Kʼa Hesu “bi xiʼ ku̱ yo te̱nite di möhmu̱ ga yoho ha goʼtho ku̱ hnini” pa di ma úhtitehu̱ (Lucas 10:1). Ko genkʼa ʼbe̱fí ra zo bi kjáhu̱ bi mötsí ndunthi yä kjäʼni pa di zo di o̱dehu̱ yu̱ chala noticia. Nihi, ku̱ te̱nite mi ndo̱ mpohmu̱ mu̱ goʼthohu̱ mi paʼ mbra úhtitehu̱ de yu̱ chala noticia (Lucas 10:17). ¿Xiʼmu̱ nuke nihi gi beni gi mä úhtite de nu̱ Biblia ko nu̱ hmuntsi?
MA PÄDIHU̱ MÁ RA NGU DE NU̱ TEMA
Ma núhu̱ té da zo gi pe̱fí pa ya hiʼtsa gi ntsú nihi pa da zo gi mpoho mu̱ gi ñä de yu̱ chala noticia.
3. Kʼa Jehová da ʼmu̱i ko nuke
ʼRa yä kjäʼni i ne da ñähu̱ de nu̱ Biblia i tsúhu̱ de ankja da dädí yu̱ kjäʼni nihi kʼa da beni de gegehu̱.
Xi nuke, mu̱ gi beni gi ñä ko ku̱ kjäʼni de kʼa gra pädi, ¿gi ntsú, gua hina? ¿Ó i nkjapu̱?
Núhu̱ nu̱ VIDEO nihi ñähu̱ de gehna:
¿Ankja ya hin ga ntsú yu̱ bähtsí de nu̱ video?
Xödíhu̱ Isaías 41:10 nihi ñähu̱ de gehna:
¿Ó ra zo gi ñäui ko kʼa Tsi Mähkí Tá mu̱ gi ntsú?
¿Ngi pädina?
Ndunthi de yu̱ testigo ga Jehová de yu̱ ma mpahu̱ mi benihu̱ ge hin di zo di ñähu̱ de nu̱ Biblia. Ma núhu̱ kʼa bi thogi ʼna ʼño̱ho̱ ro thuhu Sergey, gege mi tso ge xaʼtho mi o̱te ra zo, nihi mi tso ra nthí di ñä ko ku̱ kjäʼni. Pe, ʼna mpa bi fu̱dí bi xödí nu̱ Biblia. Gege i mä: “Mahke ndi ntsú, do fu̱dí do ñä ko ku̱ kjäʼni de kʼa ndra pädi. Do ndo̱ ʼyo̱htho mu̱ do nú ge ya hiʼtsa ndi ntsú mu̱ ndi ñä ko ku̱ kjäʼni de nu̱ Biblia, nuná bi kjá má di ze̱di nu ma íhkji”.
4. Nú ankja gi ñä
Ante gi úhtibi ʼna kjäʼni de nu̱ Biblia hi ho̱nse gi beni té gi xifí nihi beni ankja di xifí. Xödíhu̱ 2 Timoteo 2:24 ko kʼa 1 Pedro 3:15, nihi ñähu̱ de gehna:
¿Ankja da zo gi kjá kʼa i mä gehya xe̱ni mu̱ gi ñä de nu̱ Biblia ko piʼra yä kjäʼni?
Mu̱ ʼra de ku̱ ri miní ko ku̱ ri amigo hi i núhu̱ ra zo kʼa gi pe̱hke. ¿Té da zo gi pe̱fí? ¿Nihi té ʼbenkʼa hi ra zo gi pe̱fí?
¿Ó ra zo go núhu̱ ankja go ñähu̱ ko gegehu̱ pa hin go xihmu̱ kʼa petsite da íhkjihu̱?
5. Mu̱ di ñähe de yu̱ chala noticia di mpohohe
Kʼa Jehová bi xiʼ kʼa Hesu di úhtite yu̱ chala noticia. ¿Ankja mi nú kʼa Hesu genkʼa ʼbe̱fí? Xödíhu̱ Juan 4:34 nihi ñähu̱ de gehna:
Mu̱ go tsihu̱ ku̱ hñuni ra zo, da kjá go mpohohu̱ nihi da kjá go ʼmu̱fu̱ ra zo. ¿Ó bi mä kʼa Hesu ge mu̱ go kjáhu̱ kʼa i ne kʼa Tsi Mähkí Tá, mu̱ di úhtitehu̱ yu̱ chala noticia i nkja ngu mu̱ di tsihu̱?
Nuke té gi mä, ¿gi beni ge da zo gi mpoho mu̱ gi ñä de yu̱ chala noticia?
ʼRa yä mföxte
Mu̱ i nkjá kʼa hmuntsi ga madé ngo, nú ʼra yä mföxte ra tʼúhtitenu̱ pa gi fu̱dí gi ñä.
ʼYöni kʼa tó i úhtiki de nu̱ Biblia té ʼbenkʼa da zo gi pe̱fí pa da nthutsí kʼa ri thuhu ha kʼa hmuntsi ga madé ngo. Kʼa da thsiʼkí gi úhtite da möxkí pa má gi pädi mu̱ gi ñä ko yu̱ kjäʼni de kʼa gra pädi.
Da zo da möxkí abu̱ i mä “Kʼa i mähmu̱ piʼra yä kjäʼni” nihi “Kʼa i ʼñönihu̱ piʼra yä kjäʼni” de nuná tʼúhtite pa gi pädi ankja gi thädí mu̱ te da tʼönkí, o té gi mä mu̱ yu̱ kjäʼni hi i ne da o̱dehu̱ de nu̱ Biblia.
KʼA I ʼÑÖNIHU̱ PIʼRA YÄ KJÄʼNI: “¿Ankja gi ʼbu̱i? ¿Kja gi pohtho?”.
¿Ankja da zo gi xiʼ kʼa kjäʼni gra ñäui kʼa ko pädi de nu̱ Biblia?
KʼA KO PÄDI
Mu̱ di ñähe de yu̱ chala noticia i kjá go mpohme, nihi mu̱ nuke gi fu̱dí gi ñä de nu̱ Biblia gi nú ge hiʼtsa ra nthí ngu ki mbeni.
Kʼa to núhu̱
¿Té ʼbenkʼa da kjáʼki gi ne gi ñä de yu̱ chala noticia?
¿Té da zo gi kjáge pa gi ñä ra zo?
¿Té da möxkí pa ya hiʼtsa gi ntsú?
MÁ GI PÄDI DE GEHNA
Nú goho yä mföxte hi ra nthí di peʼtsihu̱ pa go úhtitehu̱ de nu̱ Biblia ko yu̱ tarjehta ga contacto ga jw.org.
Yä mföxte pa go úhtitehu̱ yä tarjehta ga contacto ga jw.org (1:43)
Nú goho tsi chala ʼmu̱i ge da zo da möxkí pa gi ñä de yu̱ chala noticia.
“¿Kja nuke gi ne gi fötsí yä kjäʼni?” (La Atalaya, septiembre de 2020)
Nú kʼa xi nthutsí ha nu̱ Biblia ge da möxkí pa hin gi ntsú mu̱ gi úhtite de nu̱ Biblia mahke gro bähtsítho.
Pädi ankja da zo gi ñä ko yu̱ ri miní ge ʼbe̱di da bädihu̱ de kʼa Jehová.