¿Té bi me̱ʼ kʼa Hesu mu̱ nga ʼmu̱hkua ha nu̱ Joi?

Mu̱ yu̱ kjäʼni i benihu̱ kʼa Hesu, ho̱nse i käʼtihu̱ ngu ʼna tsi ʼuene, ʼna chala profehta o ʼna ʼño̱ho̱ ya ra tú. Pe, ¿gi beni ge mu̱ má go xödíhu̱ de nu̱ ro nzahki mu̱ nga ʼmu̱hkua ha nu̱ Joi má go pädihu̱ ra zo a mi nkja gege? Ha nuná ntʼudi, go ma núhu̱ ʼra yä ʼbe̱fí ra ndo̱ zo bi o̱te kʼa Hesu nihi ankja da zo da möxkí goʼtho kʼa bi o̱te.

1. ¿Ndänakʼa ʼbe̱fí má bi kjá kʼa Hesu?

Kʼa ʼbe̱fí má bi kjá kʼa Hesu, bi nkja mu̱ nga “úhtite yu̱ chala noticia de kʼa ro Reino kʼa Tsi Mähkí Tá” (xödí Lucas 4:43). Bi úhtite kʼa chala noticia ge kʼa Tsi Mähkí Tá da ma ʼítsi ʼna reino o ʼna gobierno pa da gu̱ʼtsí goʼtho yu̱ ra nthí i thogi yu̱ kjäʼni.a Po hñu kjea madé, kʼa Hesu zäi bi úhtite nuná noticia ra ndo̱ zo (Mateo 9:35).

2. ¿Té bi úhtite ku̱ yo milagro de kʼa Hesu?

Nu̱ Biblia i mä “ge kʼa Tsi Mähkí Tá bi úni kʼa tse̱dí kʼa Hesu pa di o̱te yä milagro nihi pa di o̱te yä ʼbe̱fí ko ndunthi tse̱dí, ta i kjá ge ʼna da ʼyo̱tho” (Hechos 2:22). Kjamädí po kʼa ro tse̱dí kʼa Tsi Mähkí Tá, kʼa Hesu bi kjá di ʼmöy ʼna ndo̱ ʼye, bi ʼuiní ndunthi yä kjäʼni, bi ʼyo̱the ku̱ mi hniní nihi ta bi kjá di näntsi ku̱ kʼa dú (Mateo 8:23-27; 14:15-21; Marcos 6:56; Lucas 7:11-17). Ku̱ milagro bi o̱te kʼa Hesu bi úhtite ge kʼa Tsi Mähkí Tá bo kjá di ʼnihkua. Nihi, bi úhtite ge kʼa Jehová i peʼtsi kʼa tse̱dí pa da gu̱ʼtsí goʼtho yu̱ ra nthí di thogihu̱.

3. ¿Té i úhtigihu̱ kʼa ro nzahki bi meʼtsi kʼa Hesu?

Kʼa Hesu zäi bi ʼyo̱htebi kʼa Jehová (xödí Juan 8:29). Mahke ga böʼti hin ga ʼuege de kʼa ro Tá, nihi bi o̱te goʼtho kʼa ka thsifí mahke hi mi the̱gí di ñä. Bi úhtite ge yu̱ kjäʼni da zo go pe̱hpíbihu̱ kʼa Tsi Mähkí Tá mahke go thogihu̱ yu̱ ra nthí. Nkjanu̱, kʼa Hesu “bi úhtibi” ku̱ yo te̱nite “di kjáhu̱ kʼa bi kjá gege” (1 Pedro 2:21).

5. Kʼa Hesu bi úhtite yä ntʼsofo ra ndo̱ zo

Mahke mi úhtite yu̱ chala noticia de kʼa ro Reino kʼa Tsi Mähkí Tá, nihi kʼa Hesu bi úhtite yä ntʼsofo ra ndo̱ zo. Ma núhu̱ ʼra de ku̱ bi mä mu̱ nga no̱ni kʼa Sermón de kʼa Xo̱ntho̱. Xödíhu̱ Mateo 6:14, 34 ko kʼa 7:12, nihi ñähu̱ de gehna:

• ¿Té ma chala ntʼsofo bi ʼun kʼa Hesu ha gehya xe̱ni?

• ¿Nuke gi beni ge gehya ntʼsofo da zo da mötsí yu̱ kjäʼni i ʼbu̱i nuyá?

6. Kʼa Hesu bi o̱te yä milagro

Kʼa Jehová bi ʼuni tse̱dí kʼa Hesu pa di o̱te ndunthi yä milagro. Ma núhu̱ ʼna de genku̱ milagro, xödíhu̱ Marcos 5:25-34 o núhu̱ nu̱ VIDEO. ʼMe̱fa ñähu̱ de gehna:

VIDEO: Bi ʼyo̱the ʼna ʼbe̱hña mi hniní (5:10)

• Ngu i mä nu̱ video, ¿té ʼbenkʼa mi pädi kʼa ʼbe̱hña?

• ¿Té ʼbenkʼa má go núge ra zo de gehna milagro?

Xödíhu̱ Juan 5:36 nihi ñähu̱ de gehna:

• ¿Té i “úhtite” yu̱ milagro bi o̱te kʼa Hesu?

KʼA KO PÄDI

Kʼa Hesu zäi mi úhtite de kʼa ro Reino kʼa Tsi Mähkí Tá, mi o̱te yä milagro nihi zäi mi o̱htebi kʼa Jehová.

Kʼa to núhu̱

• ¿Ndänakʼa ʼbe̱fí má bi kjá kʼa Hesu mu̱ nga ʼmu̱hkua ha nu̱ Joi?

• ¿Té bi úhtite ku̱ yo milagro de kʼa Hesu?

• ¿Té ma chala ntʼsofo bi úhtite kʼa Hesu?

MÁ GI PÄDI DE GEHNA

¿Té ʼbenkʼa má mi úhtite kʼa Hesu?

“¿Ó kʼa Hesu i ndo̱ mädí kʼa ro Reino kʼa Tsi Mähkí Tá?” (La Atalaya, 1 de octubre de 2014)

Nú ó di íhkjihu̱ ge ku̱ milagro bi o̱te kʼa Hesu hä bi thogi.

“Ko ku̱ milagro bi o̱te kʼa Hesu: ¿té da zo gi pädi?” (La Atalaya, 15 de julio de 2004)

Xödí ankja ʼna ʼño̱ho̱ bi mbödi kʼa ro nzahki mu̱ nga bädi ge kʼa Hesu mi ndo̱ mädí yu̱ kjäʼni.

“Ndi beni ge kʼa má mbra zo ndi peʼtsi mi ge kʼa ma nzahki” (La Atalaya, 1 de octubre de 2014)

Nú ku̱ má ra zo bi thogi ha ro nzahki kʼa Hesu, kjaʼmu̱ nihi ankja ga thogi.

“Kʼa ro nzahki kʼa Hesu nua ha nu̱ joi” (La Biblia. Traducción del Nuevo Mundo, apéndice A7)