NTʼUDI 23

Kʼa nxixthe: genkʼa má ra zo go kjáhu̱

Edición impresa

Kʼa Hesu bi úhtite ge petsite da nxixthe ʼna kjäʼni pa da zo da nkjá kristiano (xödí Mateo 28:19, 20). ¿Pe té ʼbenkʼa nxixthe? ¿Nihi té da zo da me̱fí ʼna kjäʼni pa da zo da nxixthe?

1. ¿Té ʼbenkʼa nxixthe?

Kʼa hñä nxixthe ba íʼ de ʼna hñä griega ge i ne da mä “nku̱ʼmi”, kʼa i ne da mä, ge kʼa kjäʼni da nku̱ʼmi a dehe. Mu̱ nga nxixthe kʼa Hesu, bi nku̱ʼmi ha kʼa däthe Jordán ʼme̱fa bi “bo̱ni de kʼa dehe” (Marcos 1:9, 10). Mu̱ yu̱ chala kristiano da nxixthe, nihi i nku̱ʼmihu̱ ra zo a dehe pa nkjanu̱ goʼtho nu̱ dehe da goʼmi.

2. ¿Té i úhtite ʼna kjäʼni mu̱ i nxixthe?

Mu̱ ʼna kjäʼni i nxixthe, i úhtite ge ya xi ñäui ko kʼa Jehová, xi xifí ge i ne da pe̱hpíbi. Pe, ¿té da zo go pe̱hmu̱ pa go ʼunihu̱ nu ma nzahkihu̱ kʼa Jehová? Ma nzosehu̱ kʼa Tsi Mähkí Tá pa go xihmu̱ ge di ne go ʼunihu̱ nu ma nzahkihu̱ pa zäi go pe̱hpíbihu̱. Nuná go kjáhu̱ ante go nxixthehu̱. Mu̱ kʼa kjäʼni da nzofo kʼa Tsi Mähkí Tá da xifí ge ho̱nse gege da xo̱hkimbenibi nihi ge zäi da pe̱hpíbi ngu i ne gege. Nihi, i ne da kjá kʼa bi o̱te kʼa Hesu ko kʼa bi úhtite, xo gege bi mä: “Mu̱ tó i ne da nkja ma te̱nite, da he̱gí kʼa i nese [...] nihi zäi da de̱nigi” (Mateo 16:24). Mu̱ ʼna kjäʼni i ne da nkja ro amigo kʼa Jehová nihi ko yu̱ piʼra kjäʼni i xo̱hkimbenibi petsite da nxixthe nihi i xifí kʼa Tsi Mähkí Tá ge da ʼuni kʼa ro nzahki pa zäi da pe̱hpíbi.

3. ¿Té ʼbenkʼa go pe̱hmu̱ pa da zo go nxixthehu̱?

Mu̱ nuke gi ne gi nxixthe, ʼme̱tʼo gi pädi de kʼa Jehová nihi gi kjá da te nu ri íhkji po gege (xödí Hebreos 11:6). Mu̱ má gi pädi de kʼa Jehová má da te nu ri íhkji, nihi má gi mädí. Nkjanu̱ gi ne gi ma úhtite de nu̱ Biblia nihi gi ʼmu̱i ngu i ne kʼa Jehová (2 Timoteo 4:2; 1 Juan 5:3). Mu̱ ʼna kjäʼni da mu̱dí da ʼmu̱i “ra zo ngu i ne kʼa Jehová”, da zo da xifí ge zäi da pe̱hpíbi nihi ge i ne da nxixthe (Colosenses 1:9, 10).a

MA PÄDIHU̱ MÁ RA NGU DE NU̱ TEMA

Ma núhu̱ té i úhtigihu̱ ro nxixthe kʼa Hesu nihi té da zo da me̱fí ʼna kjäʼni pa da zo da nxixthe.

4. Kʼa i úhtigihu̱ ro nxixthe kʼa Hesu

Pa má go pädihu̱ de kʼa ro nxixthe kʼa Hesu, xödíhu̱ Mateo 3:13-17. ʼMe̱fa ñähu̱ de gehna:

Mu̱ kʼa Hesu bi nxixthe, ¿mbro tsi ʼuene?
¿Ho̱nse bi thsiʼtsibi chichu̱ dehe ha ro ñä? Xiʼmu̱, ¿ankja ga nxixthe?

Mu̱ nga nxixthe kʼa Hesu, bi fu̱htí kʼa ʼbe̱fí ka xiʼ kʼa Tsi Mähkí Tá di kjá. Xödíhu̱ Lucas 3:21-23 ko kʼa Juan 6:38, nihi ñähu̱ de gehna:

Mu̱ nga guadi ga nxixthe kʼa Hesu, ¿té ma ʼbe̱fí má bi nú ra zo di kjá?

5. Goʼtho kʼa i ne da nxixthe da zo da kjá

Ta ngu gi ntsú mu̱ gi beni gi xiʼ kʼa Jehová ge gi ne gi pe̱hpíbi nihi mu̱ gi ne gi nxixthe. Pe, mu̱ hin gi hie̱gi kʼa gra pädi de kʼa Jehová má gi pädi a i nkja gege, má gi ne gi pe̱hpíbi, nihi hin gi ntsú mu̱ gi ne gi nxixthe. Pa gi käʼtihu̱ ankja ga kjáhu̱ ʼra yä kjäʼni, núhu̱ nu̱ VIDEO.

VIDEO: Má gi mpädiui ra zo ko kʼa Jehová (1:11)

Xödíhu̱ Juan 17:3 ko kʼa Santiago 1:5, nihi ñähu̱ de gehna:

¿Té da mötsí ʼna kjäʼni pa da zo da nxixthe?

A. ʼNa ʼbe̱hña ra ñäui ko kʼa Tsi Mähkí Tá pa da xifí ge zäi da pe̱hpíbi.

B. Kʼa ʼbe̱hña ra nxixthe pa da nkja testigo ga Jehová. ʼNa ku̱ ra ku̱ʼmi goʼtho ha nu̱ dehe.

Di ʼunihu̱ nu ma nzahkihu̱ kʼa Jehová mu̱ di xihmu̱ ge zäi go pe̱hpíbihu̱.
Mu̱ di nxixthehu̱, di úhtibihu̱ yu̱ kjäʼni ge to xihmu̱ kʼa Tsi Mähkí Tá ge zäi go pe̱hpíbihu̱.

6. Mu̱ go nxixthehu̱ da zo go nkjahu̱ de kʼa ro miní kʼa Jehová

Mu̱ di nxixthehu̱, di nkjahu̱ de ʼna miní hi i ʼuege ge i ʼbu̱i po goʼtho nu̱ ximojoi. Mahke hi i gentho kʼa ma hninihe nihi kʼa to pe̱hme ma kjaʼmu̱, nuyá goʼtho di peʼtsihe ʼnatho íhkji, nihi di kjáhe ha nu ma nzahkihe kʼa to pädihe ha nu̱ Biblia. Xödíhu̱ Salmo 25:14 ko kʼa 1 Pedro 2:17, nihi ñähu̱ de gehna:

Ngu i mä gehya xe̱ni, ¿ankja i föxkígihu̱ nu̱ nxixthe?

Yä nkʼoi de ʼna ku̱ xi nxixthe ge i ndo̱ mpoho mu̱ i beni ge i mpädi ra zo ko goʼtho yu̱ ku de nu̱ hmuntsi: 1. Ra xifí ʼna ku kʼa ra thogi. 2. Ra fötsí ʼna ku ge hi i tso da ʼño. 3. Ra tsi ko ku̱ yo amigo mahke hi ra gentho ku̱ yo kjeyahu̱. 4. Ra úhtibi ʼna ʼño̱ho̱ de nu̱ Biblia ko piʼna ku. 5. Ra kju̱hki ʼna foto ha ʼna ndo̱ hmuntsi ko yoho yä testigo ri ʼni de naʼño hnini.

KʼA I MÄHMU̱ PIʼRA YÄ KJÄʼNI: “Di tso ge hiʼbe da zo go nxixthe”.

Mu̱ nuke gi tso nkjanu̱, ¿kja hi ra zo gi o̱te tse̱dí pa gi nxixthe?

KʼA KO PÄDI

Kʼa Hesu bi mä ge go nxixthehu̱ pa da zo go nkjahu̱ kristiano. Pe, pa da zo go kjáhu̱, ma kjáhu̱ má da ze̱di nu ma íhkjihu̱ po kʼa Jehová, ma kjáhu̱ ku̱ yo hmända nihi ma xihmu̱ ge zäi di ne go pe̱hpíbihu̱.

Kʼa to núhu̱

¿Té ʼbenkʼa nxixthe, nihi ó ra ndo̱ zo go kjáhu̱?
¿Té i úhtite kʼa nxixthe?
¿Té ʼbenkʼa da me̱fí ʼna kjäʼni mu̱ ʼbe̱htho da ʼuni nu ro nzahki kʼa Jehová nihi mu̱ ʼbe̱di da nxixthe?

Kʼa mpa bi theʼ kʼa ntʼudi:

Kjá nuná

Xödí abu̱ xi nthutsí “¿Kja ya i tso go ma úhtite de nu̱ Biblia ko nu̱ hmuntsi?” nihi “¿Kja ya i tso go nxixthe?” (abu̱ ri guadi nu̱ thehke 4) pa gi nú kja ya kra o̱te kʼa i tʼödí.

Té má da zo gi kjá:

Té má da zo gi kjá

MÁ GI PÄDI DE GEHNA

Pädi té ʼbenkʼa i ne da mä kʼa nxixthe nihi nú ʼra yä ʼbe̱thrí xi hmä de nu̱ nxixthe.

“¿Té ʼbenkʼa nxixthe?” (Artículo de jw.org)

Nú ʼra yä mföxte da möxkí pa gi nxixthe.

“Kʼa hmädí di tsohu̱ po kʼa Jehová nihi mu̱ di ʼunihu̱ kjamädí i kjá go ne go nxixthehu̱” (La Atalaya, marzo de 2020)

Xödí de ʼna ʼño̱ho̱ ge bi nxixthe, pe bi mbeni ra zo ante di kjá.

“Mi nehu̱ gua tötise kʼa ra zo i nthutsí ha nu̱ Biblia” (La Atalaya, 1 de febrero de 2013)

Nú ankja goʼtho ku̱ i ne da nxixthe da zo da kjá, nihi té ʼbenkʼa da zo gi kjáge pa gi nxixthe.

“¿Kja ya ra zo go nxixthe?” (Lo que los jóvenes preguntan. Respuestas prácticas [volumen 2], capítulo 37)

a Mu̱ ʼna kjäʼni ya xi nxixthe ha piʼna nikjä, petsite pi da nxixthe. ¿Ó i nkjapu̱? Xo genkʼa nikjä hin ga úhtite ra zo kʼa i mä nu̱ Biblia (käʼti Hechos 19:1-5 nihi nu̱ ntʼudi 13).