NTʼUDI 30
¡Pi da zo da ʼmu̱i yu̱ ri miní xi dú!
Nu̱ dú i kjá go ndo̱ nsentihu̱. Nsohtho nu̱ Biblia i mä ge nu̱ dú i nkja ʼna nkontra (1 Corintios 15:26). Ha nu̱ ntʼudi 27, go pädi ge kʼa Jehová da ma gu̱ʼtsi genkʼa nkontra. Pe, ¿té da thogi ko ku̱ kjäʼni ya xi dú? Ha gehna ntʼudi, gi ma pädi piʼna hñähtí ra ndo̱ zo i ʼun kʼa Jehová: gege da ma xotsi ndunthi yä kjäʼni xi dú pa zäi da ʼmu̱fu̱ ra zo. ¡Pi da zo da ʼmu̱fu̱! ¿Kja hä da thogi nkjanu̱? ¿Abu̱ da thsotsihu̱ ha nu̱ jitsi, gua ha nu̱ Joi?
1. ¿Té i ne da o̱te kʼa Jehová po ku̱ ma miníhu̱ xi dú?
Kʼa Jehová i ndo̱ ne da koʼtsibi yo nzahki de ku̱ kjäʼni xi dú. Kʼa Job, mi ge ʼna ʼño̱ho̱ mi ndo̱ peʼtsi íhkji, gege mi pädi ra zo ge kʼa Tsi Mähkí Tá hin di däbeni mu̱ di dú mahke ya “tro tʼögí”. Bi xiʼ kʼa Tsi Mähkí Tá: “Nuke gi nzohkí nugo go thähtíki” (xödí Job 14:13-15).
2. ¿Ankja dra pädihu̱ ge ku̱ kjäʼni xi dú da ma thsotsi?
Mu̱ nga ʼmu̱h kʼa Hesu nua ha nu̱ Joi, kʼa Tsi Mähkí Tá bi ʼuni tse̱dí pa di xotsi ku̱ kjäʼni kʼa dú. Nsohtho kʼa Hesu bi koʼtsibi ro nzahki ʼna tsi xuhtsí ma e̱ 12 yä kjea nihi bi koʼtsibi kʼa ro tʼu̱ ʼna ʼranxu (Marcos 5:41, 42; Lucas 7:12-15). ʼMe̱fa, bi dú kʼa ro amigo Lázaro. Pe, kʼa Hesu bi xotsi mahke ya ka thogi goho yä mpa ka dú nihi ya ka tʼögí. Mu̱ nga guadi ga nzoʼ kʼa Tsi Mähkí Tá, bi hantí abu̱ kʼa tʼögí nihi bi maʼtí: “¡Lázaro, po̱ni!”. Nkjanu̱ “kʼa ka dú bi bo̱ni”, ¡pi bi meʼtsi nzahki! (Juan 11:43, 44). ¿Gi beni te tangu bi mpoho kʼa ro miní ko ku̱ yo amigo kʼa Lázaro?
3. ¿Pi da zo da ʼmu̱i ku̱ ri miní xi dú?
Nu̱ Biblia i mä ge “da ma näntsi ku̱ kjäʼni xi dú” (Hechos 24:15). Ku̱ kjäʼni bi xotsi kʼa Hesu hi ka möhmu̱ a jitsi (Juan 3:13). Goʼtho bi ndo̱ mpohmu̱ kʼa pi ga meʼtsihu̱ nzahki nihi kʼa pi ga ʼmu̱fu̱ ha nu̱ Joi. Ngu dra núhu̱, nihi kʼa Hesu ya hin da ndé da xotsi ndunthi yä kjäʼni xi dú, pa zäi da ʼmu̱fu̱ ha kʼa chala Joi. Gege bi mä ge “goʼtho ku̱ xi tʼögí”—kʼa di ne go mähmu̱, ku̱ i ʼbu̱i ha ro mfeni kʼa Tsi Mähkí Tá—da näntsihu̱ de nu̱ dú, nihi ta ku̱ kjoʼtho i beni (Juan 5:28, 29, nota).
MA PÄDIHU̱ MÁ RA NGU DE NU̱ TEMA
Ma núhu̱ kʼa i mä nu̱ Biblia, ge ku̱ xi dú da zo da thsotsi de nu̱ dú nihi ge hä da ma nkjá kʼa xi hmä. Nihi ma núhu̱ ankja da jóʼtiki kʼa hñähtí de mu̱ ta thsotsi ku̱ xi dú.
4. Kʼa Hesu bi úhtite ge i tso da xotsi ku̱ xi dú
Nú té má bi o̱te kʼa Hesu po kʼa ro amigo Lázaro. Xödíhu̱ Juan 11:14 ko nu̱ 38-44, nihi ñähu̱ de gehna:
¿Ankja dra pädihu̱ ge kʼa Lázaro hä ka dú? (Núhu̱ kʼa xe̱ni 39).
Mu̱ kʼa Lázaro di maʼ a jitsi, ¿gi beni ge kʼa Hesu mbra kjáhpi kʼa ra zo mu̱ pi bo tsíhi nua Joi?
5. ¡Ndunthi yä kjäʼni xi dú pi da zo da ʼmu̱fu̱!
Xödíhu̱ Salmo 37:29 nihi ñähu̱ de gehna:
¿Abu̱ da ʼmu̱i goʼtho ku̱ kjäʼni mu̱ ta thsotsi de nu̱ dú?
Kʼa Hesu hi ho̱nse da ma xotsi ku̱ kjäʼni mi xo̱hkimbenibi kʼa Jehová; má ra zo da koʼtsibi ro nzahki ndunthi yä kjäʼni. Xödíhu̱ Hechos 24:15 nihi ñähu̱ de gehna:
Mu̱ ta thsotsi ku̱ xi dú, ¿tó gi ne gi käʼti?
Beni nuná: kʼa Hesu hi i nú ra nthí da xotsi ku̱ kjäʼni xi dú, xo i nkja ngu ʼna tá mu̱ i xotsi kʼa ro tʼu̱.
6. Kʼa i ñähtí nu̱ Biblia de mu̱ ta thsotsi ku̱ kjäʼni xi dú da zo da jóhtiki
Kʼa i mä nu̱ Biblia de kʼa ro tʼixu kʼa Jairo xi mötsí nihi xi jóhti ku̱ kjäʼni xi dú ʼna ro miní. Xödíhu̱ kʼa bi thogi nuná kjäʼni ha nu̱ Lucas 8:40-42 ko nu̱ 49-56.
Ante di thsotsi kʼa xuhtsí de nu̱ dú, kʼa Hesu bi xiʼ kʼa Jairo: “Hin gi ntsú, peʼtsi íhkji” (núhu̱ nu̱ xe̱ni 50). Nuke, ¿ankja da zo da möxkí kʼa to núhu̱ ha nu̱ Biblia de kʼa thsotsi...
... mu̱ da dú ʼna ri miní gi ndo̱ mädí?
... mu̱ da thogi kʼa ra nthí nu ri nzahki?
Núhu̱ nu̱ VIDEO nihi ñähu̱ de gehna:
¿Ankja bi jóʼti nihi ankja bi mötsí ku̱ yo tá kʼa Phelicity kʼa i mä nu̱ Biblia de mu̱ ta thsotsi ku̱ xi dú?
KʼA I MÄHMU̱ PIʼRA YÄ KJÄʼNI: “Ra ndo̱ nthí go íhkji ge pi da näntsi ku̱ kjäʼni xi dú pa da ʼmu̱fu̱ua ha nu̱ Joi”.
¿Té gi benige?
¿Té ma xe̱ni de nu̱ Biblia da zo gi kju̱ pa gi úhtite ge hä da ma thsotsi ku̱ kjäʼni xi dú, pa pi da ʼmu̱fu̱ua ha nu̱ Joi?
KʼA KO PÄDI
Nu̱ Biblia i mä ge ndunthi yä kjäʼni da ma näntsihu̱ de nu̱ dú. Kʼa Jehová i ndo̱ ne ge pi da ʼmu̱i ku̱ kjäʼni xi dú, nsohtho xi ʼuni tse̱dí kʼa Hesu pa da xoxku̱.
Kʼa to núhu̱
¿Ankja dra pädihu̱ ge kʼa Jehová ko kʼa Hesu i ndo̱ neui da koʼtsibiui ro nzahki de ku̱ kjäʼni xi dú?
¿Abu̱ da ʼmu̱i ku̱ ndunthi yä kjäʼni da ma näntsi de nu̱ dú: ha nu̱ jitsi, gua ha nu̱ Joi? ¿Ó gi beni nkjanu̱?
¿Té i kjá gi íhkji ge pi da zo da näntsi ku̱ ri miní xi dú?
MÁ GI PÄDI DE GEHNA
Xödí ʼra yä mföxte ba íhkua pa gi jóʼti ku̱ xi dú ʼna ro miní.
“Yä mföxte pa ku̱ xi dú ʼna ro miní” (¡Despertad!, núm. 3 2018)
¿Da zo da mötsí nu̱ Biblia ʼna kjäʼni xi dú ʼna ro miní?
Nú ankja da zo gi fötsí ʼna tsi bähtsí mu̱ xi dú ʼna ro miní.
¿I ʼbu̱i kʼa tó da thsotsi de nu̱ dú ha nu̱ jitsi? ¿I ʼbu̱i kʼa tó hin da thsotsi de nu̱ dú?