NTʼUDI 25
¿Té i ne kʼa Tsi Mähkí Tá pa nugohu̱?
Nu̱ Biblia i mä ge “hi i dé ga thege nu ro nzahki yu̱ kjäʼni nihi i ndo̱ thogihu̱ yu̱ ra nthí” (Job 14:1). Pe, ¿kja gehna nzahki i ne kʼa Tsi Mähkí Tá pa nugohu̱? Xiʼmu̱ hi i nkjanu̱, ¿té i ne pa nugohu̱? ¿Da zo̱ʼ ʼna mpa da nkja kʼa i ne gege? Nú kʼa thädí ra ndo̱ zo i mä nu̱ Biblia.
1. ¿Té ma nzahki i ne kʼa Tsi Mähkí Tá go peʼtsihu̱?
Kʼa Jehová i ne kʼa ra ndo̱ zo pa nugohu̱. Mu̱ nga o̱te ku̱ ʼme̱tʼo kjäʼni—kʼa Adán ko kʼa Eva—, bi he̱gí di ʼmu̱fu̱ ha ʼna chala joi: kʼa chala joi mi ʼbu̱i a Edén. Nupu̱ “kʼa Tsi Mähkí Tá bi kjähpíui nihi bi xifíui: ‘ʼÑibi ndunthi yä bähtsí, nxäntiui pa gi ñuhtíui nu̱ joi, nihi nupu̱ gi mändaui’” (Génesis 1:28). Kʼa Jehová mi ne ge kʼa Ádan ko kʼa Eva di ʼñibi yo bähtsí pa di kjáui ra nchala goʼtho nu̱ Ximojoi nihi di mödíui goʼtho yu̱ zuʼui. Mi ne ge goʼtho yu̱ kjäʼni di ʼmu̱fu̱ ra zo, hin di hniníhu̱ nihi ge zäi di ʼmu̱fu̱.
Mahke hin ga thogi kʼa mi ne kʼa Tsi Mähkí Tá,a kʼa mi beni hi xi mbödi (Isaías 46:10, 11). Nuyá gege i netho ge yu̱ kjäʼni i o̱hte ku̱ yo hmända da ʼmu̱fu̱ ngu mi ne ma ʼme̱tʼo (xödí Apocalipsis 21:3, 4).
2. ¿Ankja nuyá da zo go peʼtsihu̱ ʼna nzahki má ra zo?
Kʼa Jehová bi o̱tegihu̱ pa go “höníhu̱ kʼa Tsi Mähkí Tá”, hä, kʼa di ne go mähmu̱, ge go pädihu̱ tó genkä nihi go xo̱hkimbenihu̱ (xödí Mateo 5:3-6). Kʼa Tsi Mähkí Tá i ne go mpädihu̱ má ra zo ko gege, go ʼñohu̱ “ha goʼtho ku̱ yo ʼñu”, go mädíhu̱ nihi go pe̱hpíbihu̱ ko goʼtho ma korasohu̱ (Deuteronomio 10:12; Salmo 25:14). Mu̱ go kjáhu̱ nuná, da zo go mpohmu̱ mahke go thogihu̱ ku̱ ra nthí. Mu̱ di xo̱hkimbenihu̱ kʼa Jehová i kjá go mpohmu̱ nihi go ʼmu̱fu̱ má ra zo.
MA PÄDIHU̱ MÁ RA NGU DE NU̱ TEMA
Ma núhu̱ té ta ngu hmädí bi úhtite kʼa Jehová mu̱ nga o̱te nu̱ ximojoi pa nugohu̱, nihi kʼa i úhtite nu ro Hñä pa go ʼmu̱fu̱ ra zo.
3. Kʼa Jehová i ne ge yu̱ kjäʼni go peʼtsihu̱ ʼna chala nzahki
Núhu̱ nu̱ VIDEO nihi ñähu̱ de gehna:
¿Ó kʼa Tsi Mähkí Tá bi o̱te ra ndo̱ nchala nu̱ ximojoi?
Xödíhu̱ Eclesiastés 3:11 nihi ñähu̱ de gehna:
¿Nuná té i úhtigihu̱ de kʼa Jehová?
4. Kʼa mi ne kʼa Jehová hi xi mbödi
Xödíhu̱ Salmo 37:11, 29 ko nu̱ Isaías 55:11, nihi ñähu̱ de gehna:
¿Ankja di pädihu̱ ge hi xi mbödi kʼa i ne kʼa Jehová pa nugohu̱?
ʼNa nguu ra ndo̱ ntsʼo da zo da thohki. Nihi i nkjanu̱ ko nu̱ Ximojoi: yu̱ kjäʼni xi kjá da ntsʼoni nu̱ joi, pe kʼa Tsi Mähkí Tá da ma johki pa yu̱ kjäʼni i mädí.
5. Mu̱ go xo̱hkimbenihu̱ kʼa Jehová da kjá go ʼmu̱fu̱ má ra ndo̱ zo
Mu̱ go pädihu̱ ó bi tʼahkígihu̱ nu ma nzahkihu̱ da kjá má go mpohmu̱. Núhu̱ nu̱ VIDEO nihi ñähu̱ de gehna:
¿Ankja ga mötsí kʼa Terumi mu̱ nga bädi ankja di ʼmu̱i má ra ndo̱ zo?
Xödíhu̱ Eclesiastés 12:13 nihi ñähu̱ de gehna:
Ko goʼtho kʼa to núhu̱, ¿té ʼbenkʼa da zo go pe̱hmu̱ pa go ʼunihu̱ kjamädí kʼa Jehová?
KʼA I ʼÑÖNIHU̱ PIʼRA YÄ KJÄʼNI: “¿Ó di ʼbu̱fu̱ua? ¿Té ʼbenkʼa go pe̱hmu̱ pa da zo go ʼmu̱fu̱ má ra ndo̱ zo?”.
¿Nuke té gi thädí?
KʼA KO PÄDI
Kʼa Jehová i ne ge zäi go ʼmu̱fu̱ua ha nu̱ Joi. Nihi ge nuyá da zo go peʼtsihu̱ ʼna nzahki má ra zo mu̱ go xo̱hkimbenihu̱ kʼa Jehová ko goʼtho ma korasohu̱.
Kʼa to núhu̱
Mu̱ kʼa Jehová bi o̱te kʼa Adán ko kʼa Eva, ¿té mi ne pa gegeui?
¿Ankja dra pädihu̱ ge kʼa Tsi Mähkí Tá hi xi mbödi kʼa mi ne pa yu̱ kjäʼni?
¿Té da möxkí pa gi peʼtsi ʼna nzahki má ra ndo̱ zo?
MÁ GI PÄDI DE GEHNA
Nú ó di mähme ge hä mi ʼbu̱i kʼa chala joi a Edén.
“Kʼa chala joi ga Edén, ¿hä bi ʼmu̱i gua hina?” (La Atalaya, 1 de enero de 2011)
Nú ó di íhkjihe ge nu̱ Joi hin da yo̱te.
Xödí kʼa i mä nu̱ Biblia de ankja da zo go ʼmu̱fu̱ mára ndo̱ zo.
“¿Té ʼbenkʼa i kjá go ʼmu̱fu̱ má ra zo?” (Artículo de jw.org)
Nú ankja ʼna ʼño̱ho̱ mi beni ge mi peʼtsi goʼtho, pe bi nú ge hi mi nkjanu̱.
a Ha kʼa piʼna ntʼudi go ma núhu̱ ó hin ga bo̱ni ra zo kʼa mi ne.