NTʼUDI 26
¿Ó i ndo̱ thogi ku̱ ra ntsʼo nihi ku̱ ra nthí?
Mu̱ i thogi ku̱ ra nthí, ndunthi yä kjäʼni i ʼñönihu̱ “¿Ó i thogi nkjanu̱?”. Di tsohu̱ ra tsi zo mu̱ di pädihu̱ ge nu̱ Biblia i thädí gehna ntʼöni.
1. ¿Té bi me̱ʼ kʼa Zithú pa di ñu̱ti kʼa ra ntsʼo ha nu̱ ximojoi?
Kʼa Zithú hin ga o̱hte kʼa Tsi Mähkí Tá. Gege mi ne di mända goʼtho yu̱ kjäʼni, nsohtho bi kjá ge—kʼa Adán ko kʼa Eva—hin di o̱hteui kʼa Tsi Mähkí Tá. Bi thogi nkjapu̱ mu̱ nga xiʼ kʼa Eva ʼna ʼbe̱thrí (Génesis 3:1-5). Bi xifí ge kʼa Jehová hi mi kjá kʼa ra zo nsohtho hin di meʼtsi ʼna chala nzahki. Kʼa mi ne di mä ge yu̱ kjäʼni má di mpohmu̱ mu̱ hin di o̱htehu̱ kʼa Tsi Mähkí Tá. Mu̱ kʼa Zithú bi xiʼ kʼa Eva ge hin di dú, mbra mä kʼa ʼme̱tʼo ʼbe̱thrí. Nsohtho nu̱ Biblia i mä ge gege “ro me̱thrí nihi kʼa tá de kʼa ʼbe̱thrí” (Juan 8:44).
2. ¿Té ʼbenkʼa bi kjáui kʼa Adán ko kʼa Eva?
Kʼa Jehová bi ʼuni goʼtho kʼa Adán ko kʼa Eva. Bi xifí ge di zo di ziui goʼtho ku̱ íxi mi ho̱ ha kʼa chala joi ga Edén, pe hin di zaui de ʼna íxi (Génesis 2:15-17). Pe hin ga o̱hteui, xo bi zaui de genkʼa íxi. Kʼa Eva “bi me̱ntí kʼa íxi nihi bi mu̱dí bi za”. ʼMe̱fa, kʼa Adán nihi “bi mu̱dí bi za” (Génesis 3:6). Xo nkjanu̱, hin ga ʼyo̱hteui kʼa Tsi Mähkí Tá. Kʼa Adán ko kʼa Eva hi mi peʼtsiui kʼa tsʼohki, di zo di o̱teui kʼa ra zo xo nkjanu̱ kʼa tʼo̱teui. Pe mu̱ hin ga o̱hteui kʼa Tsi Mähkí Tá mahke mi pädiui ge hi mbra zo kʼa bi me̱hmí, nkjanu̱ bi meʼtsiui kʼa tsʼohki nihi hin ga neui ge kʼa Tsi Mähkí Tá di nkja kʼa ro Ndä. Kʼa bi me̱hmí bi kjá di thogiui ku̱ ra nthí (Génesis 3:16-19).
3. ¿Té ʼbenkʼa di thogihu̱ po kʼa bi o̱te kʼa Adán ko kʼa Eva?
Mu̱ kʼa Adán ko kʼa Eva hin ga o̱hteui bi meʼtsiui kʼa tsʼohki, nkjanu̱ bi ʼrahtsibiui kʼa tsʼohki goʼtho ku̱ yo bähtsí. Nu̱ Biblia i mä de kʼa Adán: “Po madé de ʼnatho ʼño̱ho̱, nu̱ tsʼohki bi ñu̱ti ha nu̱ ximojoi, nihi po madé nu̱ tsʼohki bi ñu̱ti nu̱ dú, nkjanu̱ nu̱ dú bi ntu̱ngi po goʼtho yä kjäʼni” (Romanos 5:12).
Nsohtho, ¿ó di thogihu̱ ku̱ ra nthí? Xo ʼra yä bes, hin di benihu̱ ra zo kʼa go pe̱hmu̱. ʼRa yä bes, po kʼa hi ra zo i o̱te yu̱ kjäʼni. Nihi, piʼra yä bes di thogihu̱ ku̱ ra nthí, xo dra ʼbofu̱, o dra ʼbu̱fu̱ ha kʼa luga hi peʼtsite gua ʼmu̱fu̱ (xödí Eclesiastés 9:11).
MA PÄDIHU̱ MÁ RA NGU DE NU̱ TEMA
Ma núhu̱ ó hi ra zo go mähmu̱ ge ro tsʼohki kʼa Tsi Mähkí Tá yu̱ ra ntsʼo nihi yu̱ ra nthí i thogi ha nu̱ ximojoi, nihi té i tso gege mu̱ i kähtigihu̱ di ndo̱ nsentihu̱.
4. Kʼa i peʼtsi kʼa Tsʼohki de kʼa ra nthí di thogihu̱
Ndunthi yä kjäʼni i benihu̱ ge kʼa Tsi Mähkí Tá i mända ha nu̱ ximojoi. Pe, ¿kja hä i nkjapu̱? Núhu̱ nu̱ VIDEO.
Xödíhu̱ Santiago 1:13 ko kʼa 1 Juan 5:19, nihi ñähu̱ de gehna:
¿Kja ro tsʼohki kʼa Tsi Mähkí Tá ku̱ ra ntsʼo nihi ku̱ ra nthí i thogi ha nu̱ ximojoi?
5. Kʼa i thogi ha nu̱ ximojoi mu̱ nga mu̱dí bi mända kʼa Zithú
Xödíhu̱ Génesis 3:1-6 nihi ñähu̱ de gehna:
¿Té ma ʼbe̱thrí bi mä kʼa Zithú? (Núhu̱ yu̱ xe̱ni 4 ko nu̱ 5).
¿Ankja ga mä kʼa Zithú ge kʼa Jehová hi mi he̱gí ge ku̱ kjäʼni di meʼtsihu̱ kʼa mbra zo?
Ko kʼa bi mä kʼa Zithú, ¿kja i höní yu̱ kjäʼni kʼa ro mföxte kʼa Jehová pa da zo da mpohmu̱?
Xödíhu̱ Eclesiastés 8:9 nihi ñähu̱ de gehna:
De goʼtho ku̱ mpa hi xi nkjá Ndä kʼa Jehová ha nu̱ ximojoi, ¿ankja ga ʼmu̱i yu̱ kjäʼni?
Kʼa Adán ko kʼa Eva hi mi peʼtsiui kʼa tsʼohki nihi mi ʼbu̱bi ha kʼa chala joi, pe bi ʼo̱hteui kʼa bi mä kʼa Zithú, nkjanu̱ hin ga ʼyo̱hteui kʼa Jehová.
Mu̱ kʼa Adán ko kʼa Eva hin ga o̱hteui, bi ntu̱ngi po goʼtho nu̱ ximojoi kʼa tsʼohki, yu̱ ra ntsʼo nihi nu̱ dú.
Kʼa Jehová da ma gu̱ʼtsi nu̱ tsʼohki, yu̱ ra ntsʼo nihi nu̱ dú. Da ma gu̱ʼtsibi kʼa tsʼohki i peʼtsi yu̱ kjäʼni pa da zo da ʼmu̱fu̱ ha kʼa Chala Joi.
6. Kʼa Jehová i tso ra u̱ mu̱ di thogihu̱ ku̱ ra nthí
¿Kja i hä ro guenda kʼa Tsi Mähkí Tá mu̱ di thogihu̱ kʼa ra nthí? Nú kʼa bi hutsí kʼa David ko kʼa apóstol Pedro. Xödíhu̱ Salmo 31:7 ko kʼa 1 Pedro 5:7, nihi ñähu̱ de gehna:
¿Té gi tso mu̱ nuyá ko pädi ge kʼa Jehová i hä ro guenda kʼa ra nthí di thogihu̱ nihi ge i tso ra u̱ mu̱ di nsentihu̱?
7. Kʼa Tsi Mähkí Tá da gu̱ʼtsi goʼtho yu̱ ra nthí i thogi yu̱ kjäʼni
Xödíhu̱ Isaías 65:17 ko kʼa Apocalipsis 21:3, 4, nihi ñähu̱ de gehna:
Kʼa Jehová i mä ge da ma gu̱ʼtsi goʼtho yu̱ ra nthí i thogi yu̱ kjäʼni, nihi i mä ge pi da ma o̱te goʼtho ra zo. ¿I jóʼtiki gehna hñähtí? ¿Ó i nkjapu̱?
¿Ngi pädiná?
Ko kʼa ʼme̱ʼto ʼbe̱thrí bi mä kʼa Zithú, bi poxkibi ro thuhu kʼa Jehová. Ko genkʼa ʼbe̱thrí, bi mä ge kʼa Tsi Mähkí Tá hi i nkja ʼna chala Ndä. Ya hin da ndé, mu̱ kʼa Jehová da gu̱ʼtsi goʼtho yu̱ ra nthí i thogi yu̱ kjäʼni, nkjanu̱ da duhkise kʼa ro thuhu. Nkjanu̱, kʼa Tsi Mähkí Tá da úhtite ge gege i nkja kʼa Ndä má ra zo. Mu̱ da duhkí kʼa ro thuhu̱ kʼa Jehová genkʼa má ra zo da nkjá (Mateo 6:9, 10).
KʼA I MÄHMU̱ PIʼRA YÄ KJÄʼNI: “Kʼa Tsi Mähkí Tá pa zigihu̱ua ho̱nse pa go thogihu̱ yu̱ ra nthí”.
¿Té gi mänge?
KʼA KO PÄDI
Ro tsʼohki kʼa Zithú kʼa Adán ko kʼa Eva, goʼtho yu̱ ra nthí i thogi ha nu̱ ximojoi. Kʼa Jehová i ndo̱ nsenti mu̱ i käʼti ge di thogihu̱ yu̱ ra nthí, po gehna ya hin da ndé da gu̱ʼtsi goʼtho yu̱ ra ntsʼo i ʼbu̱i.
Kʼa to núhu̱
¿Té ma ʼbe̱thrí bi xiʼ kʼa Zithú kʼa Eva?
¿Té ʼbenkʼa di thogihu̱ po kʼa bi o̱te kʼa Adán ko kʼa Eva?
¿Ó di mähmu̱ ge kʼa Jehová i tso ra u̱ mu̱ di thogihu̱ ku̱ ra nthí?
MÁ GI PÄDI DE GEHNA
Nú kʼa i mä nu̱ Biblia de nu̱ tsʼohki.
Má gi pädi de kʼa ʼbe̱thrí bi mä kʼa Zithú ha kʼa chala joi ga Edén.
“¿Ó i he̱gí kʼa Tsi Mähkí Tá da thogi yu̱ ra nthí?” (La Atalaya, 1 de enero de 2014)
Do töti ʼna hñä bi jóhtigihe nihi bi dädí ʼna ntʼöni mbra ndo̱ nthí.
“¿Ó bi ndo̱ böʼti ku̱ judío? ¿Ó kʼa Tsi Mähkí Tá bi he̱gí di thogi nkjapu̱?” (Artículo de jw.org)
Nú kʼa bi bädi ʼna ʼño̱ho̱ ge mi ndo̱ thogi ku̱ mbra nthí.