NTʼUDI 20

Ankja ga pe̱fí nu̱ hmuntsi

Edición impresa

Kʼa Jehová i ne ge goʼtho da tʼo̱te ra zo (1 Corintios 14:33). Nsohtho i ro̱ʼmi ge kʼa ro hnini da pe̱fí ra zo. ¿Ankja ga pe̱fí nu̱ hmuntsi kristiana? ¿Ankja da zo go mföxtehu̱ pa da bo̱ni ra zo goʼtho kʼa da to̱ʼte?

1. ¿Tó genkʼa i mända ha nu̱ hmuntsi kristiana?

“Kʼa Kristo genkʼa ro ñä de nu̱ hmuntsi” (Efesios 5:23). Desde a jitsi kʼa Hesu i käʼti kʼa ʼbe̱fí i kjá kʼa ro hnini kʼa Jehová po goʼtho nu̱ ximojoi. Bi juahni kʼa “me̱fí hi i ʼuege nihi i kjá ra zo kʼa ro ʼbe̱fí”: ʼna lengu hmuntsi ga anciano ge i ndo̱ xödíhu̱ nu̱ Biblia, nihi i thsifí kʼa Cuerpo Gobernante (xödí Mateo 24:45-47). Kjangu mi kjáhu̱ ku̱ apóstol nihi ku̱ anciano ga Jerusalén de kʼa ʼme̱tʼo siglo, nihi kʼa Cuerpo Gobernante i nú goʼtho kʼa i pe̱fí nu̱ hmuntsi de goʼtho nu̱ ximojoi (Hechos 15:2). Pe gehya ʼño̱ho̱ hi genku̱ i mända ha nu̱ hmuntsi. Gegehu̱ i höníhu̱ kʼa ro mföxte kʼa Jehová po madé kʼa ro hñä nihi i kjáhu̱ kʼa i mända kʼa Hesu.

2. ¿Té ma ʼbe̱fí i o̱te yu̱ anciano?

Yu̱ anciano kristiano —ge yä ʼño̱ho̱ i ndo̱ pädihu̱ kʼa da me̱hmu̱— i úhtitehu̱ ko nu̱ ro hñä kʼa Tsi Mähkí Tá, i fötsíhu̱ yu̱ ku nihi nu̱ hmuntsi. Nuku̱ hi i nkjuʼtibi po kʼa i pe̱hmu̱. Má ra zo i mföxtehu̱, nihi kʼa i kjáhu̱ “i kjáhu̱ ko ndunthi mpoho pa kʼa Tsi Mähkí Tá”; hi i kjáhu̱ “po hmädí pa da dähmu̱ ko ku̱ hi ra zo, má ra zo i kjáhu̱ ga koraso” (1 Pedro 5:1, 2). Yu̱ anciano i peʼtsihu̱ ro mföxte de ku̱ siervo ministerial, ko yu̱ mpa a thogi nihi mu̱ da kjáhu̱ ra zo kʼa ro ʼbe̱fíhu̱, gegehu̱ nihi da zo da nkjáhu̱ anciano.

Kʼa Cuerpo Gobernante i juahni ʼra yä anciano pa da nkjahu̱ superintendente ga circuito. Gehya ku i paʼ ha yu̱ hmuntsi pa da mötsí nihi pa da jóʼti yu̱ ku po madé nu̱ Biblia. Nihi, yu̱ superintendente ga circuito i núhu̱ kja ʼra yä ʼño̱ho̱ i pe̱hmu̱ ra zo ngu i mä nu̱ Biblia pa da zo da nkjáhu̱ anciano o ciervo ministerial (1 Timoteo 3:1-10, 12; Tito 1:5-9).

3. ¿Té ma ʼbe̱fí i o̱te kada ʼna de yu̱ Testigo?

Goʼthohu̱ i xo̱hkimbenihu̱ “ro thuhu kʼa Jehová” mu̱ i úhtitehu̱ nihi mu̱ i thädíhu̱ ha yu̱ hmuntsi. Nihi i kjáhu̱ nkjapu̱ mu̱ kada ʼna i kjá kʼa i tso da kjá mu̱ i ñähu̱ de nu̱ Biblia (xödí Salmo 148:12, 13).

MA PÄDIHU̱ MÁ RA NGU DE NU̱ TEMA

Ma núhu̱ ankja ga mända kʼa Hesu, ankja yu̱ anciano da zo da mipiahu̱ kʼa bi me̱fí gege nihi ankja da zo go fötsíhu̱ kʼa Hesu ko yu̱ anciano.

4. Kʼa Hesu ge ʼna Ndä i kjá hin go nsentihu̱

Kʼa Hesu i xihkígihu̱ gehya chala hñä. Xödíhu̱ Mateo 11:28-30 nihi ñähu̱ de gehna:

¿Ankja ga mända kʼa Hesu? ¿Nihi té i ne go tsohu̱?

¿Ankja i mipiahu̱ yu̱ anciano kʼa bi me̱ʼ kʼa Hesu? Núhu̱ nu̱ VIDEO.

VIDEO: Kʼa mföxte bi ʼun ku̱ anciano mu̱ nga thogi kʼa ndo̱ ʼñähmojoi a Nepal (4:56)

Nu̱ Biblia i mä ankja yu̱ anciano da zo da kjáhu̱ ra zo kʼa ro ʼbe̱fí.

Xödíhu̱ Isaías 32:2 ko kʼa 1 Pedro 5:1-3, nihi ñähu̱ de gehna:

Kʼa Hesu hi mi kjá di nsenti yu̱ maʼra. ¿Té gi tsoge mu̱ gi pädí ge yu̱ anciano i o̱te tse̱dí pa da kjáhu̱ ngu gege?
¿Té má i o̱te yu̱ anciano pa da mipiahu̱ kʼa bi me̱ʼ kʼa Hesu?

5. Ku̱ anciano i úhtitehu̱ ko kʼa i pe̱hmu̱

¿Ankja i ne kʼa Hesu ge ku̱ anciano da núhu̱ kʼa ro ʼbe̱fí i pe̱hmu̱? Núhu̱ nu̱ VIDEO.

VIDEO: Anciano, ¡gi ʼme̱tʼohu̱! (7:39)

Kʼa Hesu bi mä ra ndo̱ zo ankja da nkjahu̱ yu̱ ku i úhtigihu̱ ha yu̱ hmuntsi. Xödíhu̱ Mateo 23:8-12 nihi ñähu̱ de gehna:

¿Ankja i mä nu̱ Biblia ge peʼtsite da nkja yu̱ anciano? ¿Gi beni ge yu̱ mökjä ko ku̱ i mända ha ku̱ nikjä i kjáhu̱ kʼa i mä nu̱ Biblia?

A. ʼNa anciano ra kjá da ze̱di nu̱ ro íhkji nihi de kʼa ro miní: 1. Ra nzoʼ kʼa Tsi Mähkí Tá ante da xödí nu̱ Biblia. 2. Ra mfötsíui ko kʼa ro ʼbe̱hña pa da úhtibiui de nu̱ Biblia kʼa ro tsi tʼixu.

B. Kʼa anciano ko kʼa ro ʼbe̱hña xi ma käʼtiui ʼna ku i hniní.

Yu̱ anciano i kjáhu̱ da ze̱di kʼa ro íhkjihu̱ ko kʼa Jehová nihi i fötsíhu̱ ku̱ yo miníhu̱ pa nihi da kjáhu̱ nkjanu̱.
Yu̱ anciano i ndo̱ ʼñonfenihu̱ po goʼtho yu̱ ku i ʼbu̱i ha nu̱ hmuntsi.
Yu̱ anciano nihi i ñähu̱ de nu̱ Biblia.
Yu̱ anciano i úhtitehu̱ ra ndo̱ zo. I nkjohkíhu̱ nihi i o̱tehu̱ piʼra yä ʼbe̱fí.

6. Di fötsíhu̱ yu̱ anciano

Nu̱ Biblia i ʼrahkíhu̱ yä rraso ra ndo̱ zo pa go fötsíhu̱ yu̱ anciano. Xödíhu̱ Hebreos 13:17 nihi ñähu̱ de gehna:

¿Ó i mä nu̱ Biblia go ʼo̱htehu̱ ku̱ anciano nihi go kjáhu̱ kʼa i xihkígihu̱? ¿Nuke gi beni ge nuná ra zo? ¿Ó i nkjapu̱?

Xödíhu̱ Lucas 16:10 nihi ñähu̱ de gehna:

¿Ó ra zo go fötsíhu̱ yu̱ anciano ko goʼtho ku̱ ʼbe̱fí i tsihkígihu̱ go pe̱hmu̱ mahke go núhu̱ ge hiʼtsa ra nthí?

KʼA I MÄHMU̱ PIʼRA YÄ KJÄʼNI: “Xaʼtho gi ʼbe̱di mu̱ hin gi peʼtsi ʼna íhkji o mu̱ hin gi maʼ ha ʼna nikjä.

¿Té go tähmu̱ mu̱ go xo̱hkimbenihu̱ kʼa Tsi Mähkí Tá ha ʼna hmuntsi?

KʼA KO PÄDI

Kʼa Hesu genkʼa i mända ha nu̱ hmuntsi kristiana. Yu̱ anciano i ʼo̱htehu̱ kʼa i mä gege, nugohu̱ di mpohohu̱ mu̱ di fötsíhu̱ yu̱ anciano xo i föhkígihu̱ nihi i úhtigihu̱ ko kʼa i pe̱hmu̱.