NTʼUDI 37
Kʼa i mä nu̱ Biblia de nu̱ ʼbe̱fí ko nu̱ domi
¿Kja ko ʼñonfeni ʼna mpa po nu̱ ʼbe̱fí nihi po nu̱ domi? ʼRa yä bes di tsohu̱ ra nthí go peʼtsihu̱ kʼa di höníhu̱ mu̱ di xo̱hkimbenihu̱ kʼa Jehová ngu i ne gege. Pe nu̱ Biblia i nahkígihu̱ yä ntʼsofo ra ndo̱ zo pa da zo go pe̱hpíbihu̱.
1. ¿Té i mä nu̱ Biblia de nu̱ ʼbe̱fí?
Kʼa Tsi Mähkí Tá i ne go mpohmu̱ ko nu ma ʼbe̱fí di peʼtsihu̱. Nu̱ Biblia i mä ge “hi i ʼbu̱i kʼa te má ra zo pa nu̱ ʼño̱ho̱ ge [...] da mpoho po kʼa ro ʼbe̱fí i o̱te” (Eclesiastés 2:24). Kʼa Jehová i ndo̱ pe̱fí. Nihi mu̱ di ndo̱ pe̱hmu̱ di nkjáhu̱ ngu gege, nihi mu̱ go o̱tehu̱ kʼa i ne, nugohu̱ di mpohmu̱.
Mahke nu̱ ʼbe̱fí ra ndo̱ zo pa go tähmu̱ yä domi, kʼa ʼme̱tʼo go kjáhu̱ ha nu ma nzahkíhu̱, go xo̱hkimbenihu̱ kʼa Jehová ngu i ne gege (Juan 6:27). Gege i mä ge da nahkígihu̱ goʼtho kʼa di höníhu̱ mu̱ ʼme̱tʼo go kjáhu̱ kʼa i ne.
2. ¿Ankja dá núhu̱ nu̱ domi?
Mahke nu̱ Biblia i mä ge “nu̱ domi i föxkígihu̱”, nihi i xihkígihu̱ ge nu̱ domi hi zäi da kjá go mpohmu̱ (Eclesiastés 7:12). Po gehna, nu̱ Biblia i xihkígihu̱ ge hi ra zo go mädíhu̱ nu̱ domi nihi i nahkígihu̱ nu̱ná ntʼsofo: “Mpohmu̱ ko kʼa gi peʼtsihu̱” (xödí Hebreos 13:5). Mu̱ di mpohmu̱ ko kʼa di peʼtsihu̱, ya hin go nde go ʼñonfenihu̱ pa má go ne go tähmu̱ yä domi. Nihi hi nde go ndúhpitehu̱ (Proverbios 22:7). Nihi hin go ʼínihu̱ pa go tähmu̱ yä domi, nin go íhkjihu̱ mu̱ tó da xihkígihu̱ ge da zo go tähmu̱ ndunthi yä domi, mahke hiʼtsa go pe̱hmu̱.
3. ¿Ankja da zo go ʼun kʼa ma domihu̱ ko ndunthi mpoho?
Kʼa Tsi Mähkí Tá i ʼun kʼa i peʼtsi, nihi nugohu̱ di nkjahu̱ ngu gege mu̱ hin di nkjahu̱ “xo̱te” nihi mu̱ di “ʼunihu̱” kʼa di peʼtsihu̱ (1 Timoteo 6:18). Da zo go ʼun kʼa ma domihu̱ ko ndunthi hmädí pa go mföxtehu̱ da nkjutʼi kʼa i nkju̱ ha nu ma hmuntsihu̱ nihi go fötsíhu̱ yu̱ xaʼtho i peʼtsi, pe ku̱ má go fötsíhu̱ ge yu̱ ma kuhu̱. Kʼa Jehová hi i nú tengu domi di ʼunihu̱, má ra zo i nú ó di kjáhu̱. Mu̱ di ʼun kʼa ma domihu̱ ko goʼtho ma korasohu̱, di mpohmu̱ nihi di kjáhu̱ da mpoho kʼa Jehová (xödí Hechos 20:35).
MA PÄDIHU̱ MÁ RA NGU DE NU̱ TEMA
Ma núhu̱ té go tähmu̱ mu̱ hin go he̱gíhu̱ ge nu ma ʼbe̱fíhu̱ da ʼmu̱i ʼme̱tʼo ha nu ma nzahkihu̱ nihi mu̱ go mpohmu̱ ko kʼa di peʼtsihu̱.
4. Kjá ra zo kʼa ri ʼbe̱fí pa da hñä ra zo de kʼa Jehová
Kʼa ntsitsi di pe’tsihu̱ ko kʼa Jehová da möxkígihu̱ pa go núhu̱ kʼa ʼbe̱fí ngu i nú gege. Núhu̱ nu̱ VIDEO nihi ñähu̱ de gehna:
¿Té gi núge má ra zo de kʼa ro ʼmu̱i mi peʼtsi kʼa Jason ha kʼa ro ʼbe̱fí?
¿Té bi me̱fí pa di nú kʼa ro ʼbe̱fí ngu mi nú kʼa Jehová?
Xödíhu̱ Colosenses 3:23, 24 nihi ñähu̱ de gehna:
¿Ó ra zo go pe̱hmu̱ “ko goʼtho ma korasohu̱”?
Mahke nu̱ ʼbe̱fí ra nde zo, kʼa ʼme̱tʼo go kjáhu̱, go xo̱hkimbenibihu̱ kʼa Jehová.
5. Kʼa di tähmu̱ mu̱ go mpohmu̱ ko kʼa di peʼtsihu̱
Ndunthi yä kjäʼni i ndo̱ pe̱hmu̱ pa da dähmu̱ dunthi yä domi, pe nu̱ Biblia hi i mä nkjanu̱. Xödíhu̱ 1 Timoteo 6:6-8 nihi ñähu̱ de gehna:
¿Té ma ntʼsofo i nahkígihu̱ nu̱ Biblia?
Da zo go mpohmu̱ mahke hiʼtsa go peʼtsihu̱ yä domi. Núhu̱ nu̱ VIDEO nihi ñähu̱ de gehna:
¿Ó i ndo̱ mpohmu̱ gehya miní mahke hiʼtsa i hähu̱ yo domi?
¿Xiʼmu̱ ya di hähu̱ ma domihu̱ pe má di nehu̱? Kʼa Hesu bi úhtite ó hi ra zo go benihu̱ nkjanu̱. Xödíhu̱ Lucas 12:15-21 nihi ñähu̱ de gehna:
¿Té i úhtiki kʼa Hesu de kʼa bi mä ha nuná xe̱ni? (Käʼti nu̱ xe̱ni 15).
Xödíhu̱ Proverbios 10:22 nihi he̱tihu̱ ko kʼa i mä 1 Timoteo 6:10. ʼMe̱fa ñähu̱ de gehna:
¿Nuke té gi beni má ra zo: go nkjahu̱ yo amigo kʼa Jehová, gua go hähu̱ ndunthi yä domi? ¿Ó i nkjapu̱?
¿Té da thogi mu̱ má go ne go tähmu̱ yä domi?
6. Kʼa Jehová da nahkígihu̱ kʼa di höníhu̱
Ko yu̱ ra nthí i thogi ha nu̱ ʼbe̱fí nihi mu̱ hiʼtsa di hähu̱ yä domi, da möxkígihu̱ pa go pädihu̱ te ta ngu di íhkjibihu̱ kʼa Jehová. Núhu̱ nu̱ VIDEO pa gi pädihu̱ té gi pe̱hmu̱ mu̱ gi thogihu̱ gehya dumu̱i, ʼme̱fa ñähu̱ de gehna:
¿Té ma dumu̱i bi thogi nu̱ ku de nu̱ video?
¿Té bi me̱fí pa di ze̱htí ku̱ ra nthí bi thogi?
Xödíhu̱ Mateo 6:25-34 nihi ñähu̱ de gehna:
¿Té i ñähtíbi kʼa Jehová ku̱ i kjáhu̱ ʼme̱tʼo kʼa i ne gege?
KʼA I MÄHMU̱ PIʼRA YÄ KJÄʼNI: “Petsite go ndo̱ pe̱fí pa go úni goʼtho kʼa i höní nu ma miní. Hi i tso go maʼ ha goʼtho yä hmuntsi”.
¿Té ma xe̱ni de nu̱ Biblia i mä ge ʼme̱tʼo go xo̱hkimbenihu̱ kʼa Jehová?
KʼA KO PÄDI
Kʼa ʼbe̱fí ko nu̱ domi di höníhu̱, pe hin go he̱gihu̱ go pe̱hpíbihu̱ kʼa Jehová.
Kʼa tó núhu̱
¿Té da zo da möxkí pa hi’tsa gi mädí nu̱ domi?
¿Té gi tähä mu̱ gi mpoho ko kʼa gi peʼtsi?
Mu̱ kʼa Jehová xi mä ge da ʼuni goʼtho kʼa i höní ku̱ yo me̱fí, ¿ankja da zo gi úhtite ge gi íhkjibi kʼa i mä?
MÁ GI PÄDI DE GEHNA
Nú kja i mä nu̱ Biblia ge hi ra zo nu̱ domi.
“¿Kja ro tsʼohki nu̱ domi goʼtho yu̱ ra ntsʼo i thogi?” (Artículo de jw.org)
Nú ankja da zo gi ʼun kʼa gi peʼtsi pa da mpoho kʼa Jehová.
“¿Té i mä nu̱ Biblia mu̱ hin dio xo̱tehu̱?” (Artículo de jw.org)
¿Kja ra ntsʼo go ʼínihu̱ pa go tähmu̱ yä domi?
“Kʼa i mä nu̱ Biblia: Yä ntʼíni abu̱ i ʼrähä yä domi” (¡Despertad!, marzo de 2015)
Xödí té bi kjá di mbödi nu̱ ro nzahki ʼna ʼño̱ho̱ mi ʼíni pa di dähä yä domi nihi mi mpí.
“Ndi ndo̱ nú ra zo mu̱ mi he̱tarí ku̱ phani” (La Atalaya, 1 de noviembre de 2011)