Yu̱ íhkji i mä yä ʼbe̱thrí i poxkihu̱ ro thuhu kʼa Tsi Mähkí Tá

Mu̱ kʼa Tsi Mähkí Tá ro hmädí, ¿ó yu̱ íhkji i mähmu̱ ge i kjáhu̱ kʼa i ne gege, i o̱tehu̱ ku̱ ra ndo̱ ntsʼo? I kjáhu̱ nkjanu̱ xo gehya íhkji i mähmu̱ yä ʼbe̱thrí. Kʼa i pe̱hmu̱ ko kʼa i mähmu̱ i poxkihu̱ ro thuhu kʼa Tsi Mähkí Tá. ¿Ankja xi kjáhu̱? ¿Té i tso gege ko kʼa i pe̱hmu̱? Pe, ¿gege té da ma me̱fí?

1. ¿Ankja xi poxkihu̱ ro thuhu kʼa Tsi Mähkí Tá ko kʼa i úhtitehu̱?

Yu̱ íhkji i mä yä ʼbe̱thrí xi pödihu̱ “kʼa ra zo de kʼa Tsi Mähkí Tá po yä ʼbe̱thrí” (Romanos 1:25). Ndunthi de geʼku̱ hi i úhtibihu̱ yu̱ kjäʼni kʼa ro thuhu kʼa Tsi Mähkí Tá. Pe, nu̱ Biblia i mä ge petsite go no̱mbihu̱ kʼa ro thuhu (Romanos 10:13, 14). Yu̱ kjäʼni i úhtitehu̱ ha yu̱ nikjä i mähmu̱ ge mu̱ ʼna kjäʼni i thogi kʼa ra ntsʼo, ge ro tsʼohki kʼa Tsi Mähkí Tá. Pe nuná ro ʼbe̱thrí. Hi ro tsʼohki gege goʼtho yu̱ ra ntsʼo i thogi (xödí Santiago 1:13). Pe, gehya ʼbe̱thrí, xi kjá da ʼuege yu̱ kjäʼni de kʼa Tsi Mähkí Tá.

2. ¿Ankja xi poxkihu̱ ro thuhu kʼa Tsi Mähkí Tá ko kʼa i pe̱hmu̱?

Yu̱ íhkji i mä yä ʼbe̱thrí hi i núhu̱ ra zo yu̱ kjäʼni ngu i nú kʼa Jehová. Nu̱ Biblia i mä ge “yu̱ yo tsʼohkihu̱ xi ndo̱ kjuahtíhu̱ ta nu̱ jitsi.” (Apocalipsis 18:5). Po ndunthi yä siglo yu̱ íhkji i mä yä ʼbe̱thrí xi mötsíhu̱ yu̱ políhtiko pa da ntú yu̱ hnini, nihi xi mföxtehu̱ pa da böʼti ndunthi yä kjäʼni. Yu̱ kjäʼni i úhtitehu̱ ha yu̱ nikjä i peʼtsihu̱ yo chala nguu, yo chala carro, pe i öhpíhu̱ domi yu̱ kjäʼni i pöhmu̱ ha ku̱ yo nikjähu̱ pa zäi da ʼmu̱fu̱ ngu i nehu̱. Ko goʼtho kʼa i pe̱hmu̱ i úhtitehu̱ ge hi i pädihu̱ tó gehkʼa Tsi Mähkí Tá. Nsohtho, ¿ankja da úhtitehu̱ ge i pe̱hpíbihu̱? (Xödí 1 Juan 4:8).

3. ¿Té i tso kʼa Tsi Mähkí Tá mu̱ i nú kʼa i pe̱h yu̱ íhkji i mä yä ʼbe̱thrí?

Mu̱ nuke gi tsʼo kʼa i pe̱h yu̱ íhkji hi ra zo, ¡mbeni té i tso kʼa Jehová! Gege i mädí yu̱ kjäʼni, pe i ndo̱ po̱ʼ ro kue ko yu̱ kjäʼni i úhtitehu̱ ha yu̱ nikjä xo xi poxkibíhu̱ ro thuhu nihi hi i mädíhu̱ ku̱ kjäʼni i pöhmu̱ ha ku̱ yo nikjähu̱. Kʼa Tsi Mähkí Tá i mä ge yu̱ íhkji i mä yä ʼbe̱thrí da ma ku̱ʼtsi, nkjanu̱ “ya kjoʼotho da käʼti” (Apocalipsis 18:21). Ya hiʼtsa da ndé pa da ku̱ʼtsi goʼtho yu̱ íhkji i mä yä ʼbe̱thrí (Apocalipsis 18:8).

MA PÄDIHU̱ MÁ RA NGU DE NU̱ TEMA

4. Kʼa Tsi Mähkí Tá hi i nú ra zo goʼtho yu̱ íhkji

Ndunthi yä kjäʼni i benihu̱ ge yu̱ íhkji i nkjahu̱ ngu yä ʼñu, mahke ri möhmu̱ ʼnanguadi, pe goʼtho da zo̱nihu̱ a i bu̱ʼ kʼa Tsi Mähkí Tá. Pe, ¿hä i nkjanu̱? Xödíhu̱ Mateo 7:13, 14 nihi ñähu̱ de gehna:

• Ngu i mä nu̱ Biblia, ¿a i nkja nu̱ ʼñu ri maʼ ha kʼa nzahki?

Núhu̱ nu̱ VIDEO nihi ñähu̱ de gehna:

¿Kja i nú ra zo kʼa Tsi Mähkí Tá goʼtho yu̱ íhkji? (nu̱ hiʼtsa i dé) (3:22)

• ¿I úhtite nu̱ Biblia ge kʼa Tsi Mähkí Tá i nú ra zo goʼtho yu̱ íhkji?

5. Yu̱ íhkji i mä yä ʼbe̱thrí i úhtitehu̱ ge hi i mädíhu̱ kʼa Tsi Mähkí Tá

Yu̱ íhkji hi ra zo xi poxkihu̱ ro thuhu kʼa Tsi Mähkí Tá ko goʼtho kʼa i pe̱hmu̱, kʼa má i nigi ge mu̱ i nföxtehu̱ pa da ntú yu̱ hnini. Pa da mfädi té bi ʼme̱hmu̱, núhu̱ nu̱ VIDEO. ʼMe̱fa ñähu̱ de gehna:

Kʼa bi me̱h yu̱ nikjä mu̱ nga nkjá kʼa Yoho Ndo̱ Ntú po goʼtho nu̱ Ximojoi (2:22)

• ¿Té bi me̱fí ndunthi yä nikjä mu̱ nga nkjá kʼa Yoho Ndo̱ Ntú po goʼtho nu̱ Ximojoi?

• ¿Nuke té gi beni de kʼa bi me̱hmu̱?

Xödíhu̱ Juan 13:34, 35 nihi nu̱ 17:16. ʼMe̱fa ñähu̱ de gehna:

• ¿Té i tso kʼa Jehová mu̱ i nú ge yu̱ nikjä i mföxtehu̱ pa da ntú yu̱ hnini?

• Yu̱ íhkji i mä yä ʼbe̱thrí xi ndo̱ o̱tehu̱ ku̱ ra ntsʼo, nsohtho hi i úhtitehu̱ kʼa ro hmädí kʼa Tsi Mähkí Tá. ¿Nuke té ʼbenkʼa ko nú ge hä i úhtitehu̱ ge i kjáhu̱ nkjanu̱?

6. Kʼa Tsi Mähkí Tá i ne da gu̱hkí yu̱ kjäʼni de yu̱ nikjä i úhtite yä ʼbe̱thrí

Xödíhu̱ Apocalipsis 18:4a nihi ñähu̱ de gehna:

• Kʼa Tsi Mähkí Tá i ne da mötsí yu̱ kjäʼni xi thöti ko kʼa i úhtite yu̱ nikjä i mä yä ʼbe̱thrí. ¿Ankja gi núge nuná?

7. Hin gi hie̱gi gi pädi de kʼa Tsi Mähkí Tá

¿Kja ra zo gi beni ge ro tsʼohki kʼa Tsi Mähkí Tá kʼa ra ntsʼo xi o̱te yu̱ íhkji yo ʼbe̱thrí? Beni ʼna tʼu̱ ge hi i ne da ʼyo̱hte kʼa ro tá, da bo̱ni da maʼ de ro nguu nihi da o̱te ku̱ ra ndo̱ ntsʼo. Kʼa tá hi i nú ra zo kʼa i o̱te kʼa ro tʼu̱. ¿Kja ra zo go mähmu̱ ge kʼa ra ntsʼo i o̱te kʼa tʼu̱ ro tsʼohki kʼa ro tá?

• ¿Kja ra zo go mähmu̱ ge ro tsʼohki kʼa Jehová po kʼa ra ntsʼo i o̱te yu̱ íhkji hi ra zo nihi go hie̱gihu̱ kʼa dra pädihu̱ de gege?

KʼA KO PÄDI

Yu̱ íhkji i mä yä ʼbe̱thrí xi poxkihu̱ ro thuhu kʼa Tsi Mähkí Tá ko kʼa i úhtitehu̱ nihi ko goʼtho kʼa ra ntsʼo xi o̱tehu̱. Ya hin da ndé pa da gu̱ʼtsí goʼtho gehya íhkji.

Kʼa to núhu̱

• ¿Nuke té gi beni de kʼa xi o̱tehu̱ ko kʼa i úhtitehu̱ yu̱ íhkji hi ra zo?

• ¿Té i beni kʼa Jehová de yu̱ íhkji i mä yä ʼbe̱thrí?

• ¿Té da ma kjáhpi kʼa Tsi Mähkí Tá yu̱ íhkji i mä yä ʼbe̱thrí?

MÁ GI PÄDI DE GEHNA

Kʼa Tsi Mähkí Tá hi i nú ra zo ku̱ íhkji yo ʼbe̱thrí po yoho yä rraso. Nú ndänaku̱.

“¿I kjá go kuatihu̱ ko kʼa Tsi Mähkí Tá goʼtho yu̱ íhkji?” (Artículo de jw.org)

¿Ó i ne kʼa Jehová go hmuntsihu̱ pa go xo̱kimbenihu̱, pe hin go kjásehu̱ ngu di negohu̱?

“¿Kja ra zo go peʼtsihu̱ ʼna íhkji?” (Artículo de jw.org)

ʼNa mökjä mi peʼtsi yä ntʼöni de kʼa ro íhkji. Pe gehya ntʼöni hin bi kjá ge má di ne di bädi de kʼa hä ro Tsi Mähkí Tá.

“ʼNa mökjä bi zogi kʼa ro nikjä” (¡Despertad!, febrero de 2015)

Po ndunthi yä siglo, yu̱ íhkji xi mähmu̱ ʼbe̱thrí de kʼa Tsi Mähkí Tá nihi xi kjáhu̱ ge da beni yä kjäʼni ge hi i peʼtsi hmädí nihi ge i kjá da thogi kʼa ra ntsʼo. Pädi abu̱ ri ʼníhi hñu yä ʼbe̱thrí.

“Yä ʼbe̱thrí i kjá go ʼuegehu̱ de kʼa Tsi Mähkí Tá” (La Atalaya, 1 de noviembre de 2013)