Unonan Samuel

24 Niraya so grupo na saray kailalakan nen Aaron: Saray anak a lalaki nen Aaron et si Nadab, Abihu,+ Eleazar, tan Itamar.+ 2 Balet, si Nadab tan Abihu et mas akaunan inatey nen si ama ra,+ tan ag-ira awalaay anak a lalaki; ingen ta si Eleazar+ tan Itamar et nantultuloy a nanlingkor bilang saserdote. 3 Et inapag-apag ira nen David, kaiba toy Zadok+ a nanlapud saray ananak nen Eleazar tan si Ahimelec a nanlapud saray ananak nen Itamar, unong ed betang da ed panaglingkor. 4 Lapud mas dakel ni ray papangulo ed ananak nen Eleazar nen say diad ananak nen Itamar, inapag-apag da ra: Diad saray ananak nen Eleazar et 16 so lider na saray pamilya na kaamaan da, tan diad saray ananak nen Itamar et 8 so lider na saray pamilya na kaamaan da.

5 Ontan met, inapag-apag da ra diad panamegley na pampapalaranan,+ a say sakey a grupo et kaiba na samay sakey, ta wala ray papangulo diad masanton pasen tan papangulo diad panaglingkor ed tuan Dios manlapud saray ananak nen Eleazar tan ananak nen Itamar. 6 Insan, say sekretaryo na saray Levita a si Semaias ya anak nen Netanel et insulat toy kangaranan da diad arapan na ari, saray prinsipe, si Zadok+ a saserdote, si Ahimelec+ ya anak nen Abiatar,+ tan saray lider na saray pamilya na saray saserdote tan saray Levita, a say sakey a pamilya et apili ed saray ananak nen Eleazar tan say sakey et apili ed saray ananak nen Itamar.

7 Say unonan apili ed pampapalaranan et si Jehoiarib; say komadua et si Jedaias, 8 say komatlo et si Harim, say komapat et si Seorim, 9 say komalima et si Malkias, say komanem et si Mijamin, 10 say komapito et si Hakoz, say komawalo et si Abias,+ 11 say komasiam et si Jesua, say komasamplo et si Secanias, 12 say koma-11 et si Eliasib, say koma-12 et si Jakim, 13 say koma-13 et si Hupa, say koma-14 et si Jesebeab, 14 say koma-15 et si Bilga, say koma-16 et si Imer, 15 say koma-17 et si Hezir, say koma-18 et si Hapizez, 16 say koma-19 et si Petahias, say koma-20 et si Jehezkel, 17 say koma-21 et si Jakin, say koma-22 et si Gamul, 18 say koma-23 et si Delaias, tan say koma-24 et si Maazias.

19 Saraya so betang da ed panaglingkor+ sano onloloob ira ed abung nen Jehova unong ed totontonen ya inter ed sikara nen Aaron ya inmunan ateng da, ya ingganggan ed sikato nen Jehova a Dios na Israel.

20 Tan diad saray arum nin Levita: diad saray anak a lalaki nen Amram,+ si Subael;+ diad saray anak a lalaki nen Subael, si Jedeias; 21 diad kinen Rehabias:+ diad saray anak a lalaki nen Rehabias, si Isias ya ulo; 22 diad saray Izharita, si Selomot;+ diad saray anak a lalaki nen Selomot, si Jahat; 23 tan diad saray anak a lalaki nen Hebron, si Jeria,+ say ulo, si Amarias, say komadua, si Jahaziel, say komatlo, tan si Jekameam, say komapat; 24 diad saray anak a lalaki nen Uziel, si Miqueas; diad saray anak a lalaki nen Miqueas, si Samir. 25 Say agi nen Miqueas et si Isias; diad saray anak a lalaki nen Isias, si Zacarias.

26 Saray anak a lalaki nen Merari+ et si Mali tan Musi; diad saray anak a lalaki nen Jaazias, si Beno. 27 Diad saray anak a lalaki nen Merari: diad kinen Jaazias, si Beno, Soham, Zacur, tan Ibri; 28 diad kinen Mali, si Eleazar, ya anggapon balot so anak ton laki;+ 29 diad kinen Kis: diad saray anak a lalaki nen Kis, si Jerameel; 30 tan saray anak a lalaki nen Musi et si Mali, Eder, tan Jerimot.

Saraya so ananak nen Levi unong ed saray pamilya na kaamaan da. 31 Tan nampapalaranan+ met ira a singa ginawa na saray agagi ra ya ananak nen Aaron diad arapan nen Arin David, Zadok, Ahimelec, tan saray lider na saray pamilya na saray saserdote tan saray Levita. Nipaakar ed saray pamilya na kaamaan, say ulo et pareho labat ed yugtan to.