Salmo

Parad direktor. Maskil.* Salmo nen David, sanen linmay Doeg ya Edomita ed si Saul tan imbaga to a linmay David ed abung nen Ahimelec.+

52 Akin et ilalastog mo ray mauges a kagagawam, sika a makapanyari?+

Agmo ta amta a diad amin a panaon et wadtan so matoor a panangaro na Dios?+

2 Say dilam, a makdem a singa labahas,+

Et manggegetmay makapasakit tan mamapalikdo.+

3 Mas inarom so kaugsan nen say kamaongan,

Say panagtila nen say pansalita na duga. (Selah)

4 Labalabay moy amin a salitan makapasakit,

O dila a mapalikdo!

5 Kanian pinsanan kan deralen na Dios;+

Singkaten to ka tan igayugoy to kan papaway ed toldam;+

Ekalen to ka ed dalin na saray mabilay.+ (Selah)

6 Nanengneng itan na saray matunong tan mandinayew ira,+

Tan sikatoy elekan da.+

7 “Nia so toon agnampasalimbeng ed Dios,+

Noagta nanmatalek ed dakel a kayamanan to+

Tan nandepende* ed saray mauges a pakana to.”*

8 Balet siak, magmaliw ak a singa masalompapak a kiew ya olibo diad abung na Dios;

Say matoor a panangaro na Dios so panmamatalekan ko+ ya anggad angga.

9 Idayew ta ka ya anggad angga lapud kinmiwas ka;+

Diad arapan na saray matoor ed sika

Et manilalo ak ed ngaran mo,+ lapud maong itan.