Jeremias
12 O Jehova, matunong ka a Dios.+ Maptek so pidedeneng mo sano ibabalikas kod sika so reklamok,
Sano ibabagak ed sika so nipaakar ed inkahustisya.
Balet akin et maaligwas so dalan na saray mauges,+
Tan akin et agnapapagaan iramay mansasaol?
2 Intanem mo ra, tan linmamot ira.
Binmaleg ira tan nambunga ra.
Sikay bungay sangi ra, balet anggapo kad sankaaraleman a kanonotan* da.+
3 Balet kabkabat mo ak, O Jehova,+ nanenengneng mo ak,
Inusisam so pusok tan anengneng mon mitunosan itan ed sika.+
Ibiig mo ra a singa saray karnero a pateyen,
Tan isian mo ra parad agew na panamatey.
4 Anggad kapigan a namagaan so dalin,
Tan nalenes iray tanaman ed amin ya uma?+
Lapud inkauges na saray manaayam ditan,
Naupot iray ayayep tan kamanokan.
Ta inkuan dan: “Agto nanengneng no antoy nagawa ed sikatayo.”
Anggano mataletalek ka ed dalin na kareenan,
Anto balet so gawaen mo no wala kad makapal a kakiewan a walad abay na Jordan?
6 Ta anggan saray agagim, say sankaabungan nen amam,
Et nantraidor ed sika.+
Ineyagan da ka.
Agmo ra papanisiaan,
Anggano maabig so ibabaga rad sika.
7 “Tinaynan koy abung ko;+ pinaulyanan koy tawir ko.+
Inyawat ko so totoon pinabpablik* ed saray kalaban to.+
8 Say tawir ko et nagmaliw a singa leon ed katakelan.
Sikatoy inmungol sumpad siak.
Kanian sikatoy binusol ko.
9 Say tawir ko et singa makolor* a manok a managsibar;
Sikatoy pinaliberan tan inataki na saray arum a manok a managsibar.+
Dago kayo, mantitipon kayo, amin yon atap ya ayayep ed uma,
Gali dia ta mangan kayo.+
Say marakdakep a dalin ya apag ko et impagmaliw dan kalawakan ya agnapanayaman.
11 Nagmaliw itan a dalin ya agnapanayaman.
Apaulyanan lay dalin,
Balet anggapoy mangiimano ed satan.+
12 Sinmabi iray managderal diad saray basbas a naynay a dadalanan ed kalawakan,
Ta uupoten na espada nen Jehova iray totoo ed sayan dalin.+
Anggapoy kareenan parad siopaman.*
13 Nantanem ira na trigo, balet sabisabit so inani ra.+
Nankesaw ira, balet anggapoy agunggona ra.
Nabaingan ira ed apawala ran bunga
Lapud mandarlang a sanok nen Jehova.”
14 Oniay inkuan nen Jehova ed amin a mauges a kaabay ko, a manidiwit ed tawir ya inter kon kayarian na Israel a totook:+ “Bagoten ko ra ed dalin da,+ tan bagoten kod sikara so sankaabungan na Juda. 15 Balet kayarik iran bagoten et kasian ko ra lamet tan ipawil ko so balang sakey ed sikara ed tawir to tan ed dalin to.”
16 “Tan no seguroen dan aralen iray paraan na totook tan mansamba ra ed ngaran ko, ‘Unong a mabilay si Jehova!’ a singa impangibangat da ed saray totook a mansamba ed ngaran nen Baal, onaligwas ira ed limog na saray totook. 17 Balet no ag-ira ontulok, bagoten ko met itan a nasyon, bagoten ko tan deralen ko,” so imbaga nen Jehova.+