Salmo

1 Maliket so toon agmanaakar unong ed simbawa na mauges

Tan ag-oonla ed dalan na saray makasalanan+

Tan agmiyuyurong ed saray managbalaw.+

 2 Imbes, say panliliketan to et say ganggan nen Jehova,+

Tan babasaen ton makalna so ganggan To* diad agew tan labi.+

 3 Sikatoy magmaliw a singa kiew ya intanem ed abay na manag-agus iran danum,

Sakey a kiew a manbubunga no panaon to

Tan agnamamagaan iray bulong to.

 4 Aliwan ontan iray mauges;

Singa ra taep ya ipapalir na dagem.

 5 Kanian say mauges et agmansiansian akaalagey diad panangukom;+

Pati saray makasalanan diad limog na saray matunong.+

 6 Ta amta nen Jehova so dalan na matunong,+

Balet say dalan na mauges et mangangga.+