Salmo

 2 Dios ko, sika so panmamatalekan ko;+

Agmo komon aabuloyan a niiyan ak ed kababaingan.+

 3 Seguradon anggapo ed saramay maniilalo ed sika so niiyan ed kababaingan,+

Say nabaingan et saramay nantraidor ya anggapoy makasengeg.+

 4 Ipaamtam pad siak iray dalan mo, O Jehova;+

Ibangat mod siak iray basbas mo.+

 5 Panakar mo ak ed katuaan tan ibangat mo ak,+

Ta sika so Dios na kilalaban ko.

ו [Waw]

 6 O Jehova, nodnonot mo pay inkamapangasim tan say matoor a panangarom,+

A naynay mon ipapatnag.*+

Nonot mo ak unong ed matoor a panangarom,+

Nisengeg ed kamaongan mo, O Jehova.+

 9 Iwanwan to ray mauyamo ed no antoy duga,*+

Tan ibangat tod sikara so dalan to.+

10 Amin a basbas nen Jehova et mankabaliksan na matoor a panangaro tan katooran

Parad saramay manusumpal ed sipanan to+ tan saray panonot to.+

11 Nisengeg ed ngaran mo, O Jehova,+

Perdonam komon so kasalanan ko anggano balbaleg itan.

12 Siopay toon ontatakot ed si Jehova?+

Ibangat tod sikato so dalan a nepeg ton pilien.+

13 Nanengneng to* so kamaongan,+

Tan tawiren na kailalakan* to so dalin.+

14 Say maapit a pikakaaro ed si Jehova et walad saramay ontatakot ed sikato,+

Tan ipapaamta tod sikara so sipanan to.+

15 Saray matak et naynay ya akanengneng ed si Jehova,+

Ta ekalen to ray salik ed iket.+

16 Lingaw mo ak pa tan kasian mo ak,

Ta bukbukor ko tan anggapoy pakayarik.

17 Dinmakel so pakakabelatay pusok;+

Ibulos mo ak pa ed kapagaan ko.

18 Nengneng mo pay paniirap tan pakakagonigon ko,+

Tan perdonam pay amin a kasalanan ko.+

19 Nengneng mo pay karakel na kalaban ko

Tan say inkaruksa na pamubusol dad siak.

21 Say integridad tan kaptekan komon so manprotekta ed siak,+

Ta sikay paniilaloan ko.+

22 O Dios, iliktar* mo komon so Israel ed amin a pakakagonigon to.