LEKSION 46
Akin et Idedikam so Sarilim tan Manpabautismo?
No idedikam so sarilim ed si Jehova, misipanan kad sikato. Diad pikakasim, ipromisam ya sikato labat so dayewen mo tan iyunam ed bilay mo. (Salmo 40:8) Insan ka manpabautismo. Diad satan, ipapanengneng mod arum ya indedikam lay sarilim ed sikato. Say dedikasyon ed si Jehova so sankaimportantian ya desisyon. Seryoso itan ta umanen toy bilay mo. Antoy manpakiwas ed sika ya gawaen itan?
1. Akin et idedika na sakey so sarili to?
Lapud panangaro, idedika tayoy sarili tayo ed si Jehova. (1 Juan 4:10, 19) Oniay bilin nen Jehova ed sikatayo: “Arom si Jehova a Dios mo ed interon pusom tan interon kamarerwam tan interon nonot mo tan interon biskeg mo.” (Marcos 12:30) Ipanengneng tayon inaro tayoy Dios aliwa labat ya diad salita, pati diad gawa. Singa ’tan saninaro, lapud inaro day sakey tan sakey, manpakasal ira. Ontan met, lapud inaro tayoy Jehova, idedika tayoy sarili tayo ed sikato tan manpabautismo.
2. Anto ray bendisyon nen Jehova ed saray bautismadon Tasi to?
No manpabautismo ka, magmaliw kan kabiangan na maliket a pamilya nen Jehova. Naliknam so panangaro to ed sika tan lalo kan onapit ed sikato. (Basaen so Malaquias 3:16-18.) Magmaliw ya Amam si Jehova tan nawalaan kay espiritual ya pamilya ed interon mundo ya mangaaro ed sikato tan sika. (Basaen so Marcos 10:29, 30.) Siempre, wala ray kailangan mon gawaen antis kan nabautismoan. Kailangan mon kabaten tan aroen si Jehova tan nawalaan na pananisia ed Anak to. Insan, kailangan mon idedika so bilay mo ed si Jehova. No gawaen mo iratan tan manpabautismo ka, nawalaan kay maliket ya bilay ya anggapoy anggaan. Ibabaga na Salita na Dios: “Say bautismo . . . so mangililiktar met natan ed sikayo.”—1 Pedro 3:21.
DAKEL NI NAARALAN MO
Amtaen no akin ya importantin idedikam so sarilim ed si Jehova tan manpabautismo.
3. Amin tayo et manpili no siopay panlingkoran tayo
Nensaman diad Israel, say amta na arum et sarag dan pambansagen ya dayewen si Jehova tan say palson dios ya si Baal. Pero imbaki nen Jehova so propeta ton si Elias pian ipetek ira. Basaen so 1 Arari 18:21, insan ebatan iya:
Antoy pampilian na saray Israelita?
Singa saray Israelita, kailangan tayo met so manpili no siopay panlingkoran tayo. Basaen so Lucas 16:13, insan ebatan iraya:
Akin et agtayo napanbansag ya panlingkoran si Jehova tan say arum?
Panon tayon nipanengneng ed si Jehova ya sikato so pinili tayon dayewen?
4. Isip moy panangaro nen Jehova ed sika
Dakdakel so regalo nen Jehova ed sikatayo. Anto met so iter tayod sikato? I-play so VIDEO.
Panon ya impanengneng nen Jehova so panangaro to ed sika? Basaen so Salmo 104:14, 15 tan 1 Juan 4:9, 10, insan ebatan iraya:
Anto ran mablin regalo nen Jehova so pisalsalamatan mo?
Antoy naliliknam ed sikato lapud saratan ya regalo to?
No akaawat tayoy regalo ya agusgustoan tayo, seguradon pisalamatan tayo may angiter. Basaen so Deuteronomio 16:17, insan ebatan iya:
No iisipen moy amin ya ginawa nen Jehova parad sika, diba labay mo met so ombales, anto ray gawaen mo ey?
5. Dakel so bendisyon na dedikasyon
Parad dakel, maliket ira no sikat ira, atagey so inaral da, marakep so trabaho ra, odino makuarta ira. Tua kasi itan? I-play so VIDEO, insan ebatan iraya.
Anggano labalabay nen Andrey so soccer, akin et nandesisyon ya taynan itan?
Indedika toy sarili to ed si Jehova, aliwan diad soccer. Parad sika, duga kasi itan ya desisyon to? Akin ey?
Antis ya nagmaliw ya Kristiano si apostol Pablo, angala na atagey ya propesyon. Inaral toy Judion ganggan, tan sikat so managbangat to. Pero inikbanan to iratan pian magmaliw a Kristiano. Nagbabawian kasi nen Pablo so desisyon to? Basaen so Filipos 3:8, insan ebatan iraya:
Akin et impasen nen Pablo ya “basura” iramay ginawa to nen aliwa nin Kristiano?
Antoy bendisyon ed sikato?
No ikomparam so panlingkor ed si Jehova tan arum nin nayarin pangusaran mo ed bilay mo, dinan so mas maliket?
Nen nagmaliw ya Kristiano si Pablo, ag-akakiking iramay insakripisyo to ed saray bendisyon ya naawat to
IBABAGA NA ARUM: “Sobra met la ’tay iter moy interon bilay mod Dios.”
Parad sika, akin et duga labat ya idedikam so sarilim ed si Jehova?
SUMARYO
Lapud panangaro, idedika tayoy sarili tayo ed si Jehova tan manpabautismo.
Rebyu
Akin et karapatan nen Jehova so interon puson panangaro tan panagdayew tayo?
Anto ray bendisyon nen Jehova ed saray bautismadon Tasi to?
Labay mon idedikay sarilim ed si Jehova?
DISKOBRIEN
Amtaen no akin ya nandesisyon so sakey ya musician tan atleta ya idedikay sarili da ed si Jehova.
Tepet na Saray Kabataan—Antoy Gawaen Kod Bilay Ko?—Saray Agawad Bilay Da (6:52)
Amtaen so arum nin rason no akin ya idedikay sarili.
“Akin ya Idedikam so Inkasika ed si Jehova?” (Say Panag-bantayan, Enero 15, 2010)
Diad sayan music video, imanoen ya malikeliket iramay angidedikay sarili da ed si Jehova.
Diad istorya ya say title to et “Abayag Ko Lan Itetepet, ‘Akin et Wadia Tayo?’” imanoen no antoy akatulong ed sakey a bii ya panisipan no antoy sankaimportantian ed sikato.
“Uumanen na Biblia so Bilay” (Say Panag-bantayan-E, Nobyembre 1, 2012)