LEKSION 49
Panon ya Magmaliw ya Maliket so Pamilyam?—Part 1
Iilaloan na saray balon kasal ya agkomon nabalang may liket ya alikna da nen agew na kasal da. Tan nayarin nagawa ’tan! Apruebaan la itan na saray Kristianon abayag lan sanasawa tan nansagpot ya unoren so bilin na Biblia.
1. Antoy bilin na Biblia ed asawan lalaki?
Inter nen Jehova ed asawan lalaki so responsibilidad ya magmaliw ya ulo na pamilya. (Basaen so Efeso 5:23.) Iilaloan nen Jehova ya say asawan laki so manggawa na saray desisyon ya makatulong ed pamilya to. Bibilinen na Biblia iray asawan lalaki: “Itultuloy yon aroen so kaasawaan yo.” (Efeso 5:25) Antoy labay ton ibaga? Say maaron asawan laki et dugay pantrato tod asawa to, balanglan no sikaran dua labat odino no walay arum ya too. Proprotektaan toy asawa to tan iiter toy pisikal tan emosyonal ya nakaukolan to. (1 Timoteo 5:8) Say sankaimportantian, iiter toy espiritual ya nakaukolan na asawa to. (Mateo 4:4) Singa bilang, sikatoy mangidadaulo na pikakasi tan kaiba ton manbasa na Biblia so asawa to. No maar-aron asikasoen na asawan laki so misis to, agnapultot so pikakaaro to ed si Jehova.—Basaen so 1 Pedro 3:7.
2. Antoy bilin na Biblia ed asawan bibii?
Ibabaga na Salitay Dios ya say asawan bii et “nepeg a walaan na aralem a respeto ed asawa to.” (Efeso 5:33) Panon ton ipanengneng itan? Dapat sankanonot to ray balibalin kualidad tan pansasagpot na asawa to ya asikasoen so pamilya da. Nipanengneng to met so respeto no susuportaan to ray desisyon na asawa to. No bilang et aliwan mananisia so mister to, marespeto nin siansia so pitotongtong tod sikato tan no iistoryaen tod arum.
3. Panon ya napaelet na sanasawa so ulopan da?
Oniay ibabaga na Biblia tungkol ed sanasawa: “Sikaran dua et magmaliw a sakey a laman.” (Mateo 19:5) Labay ton ibaga, agda abuloyan ya ombetel so aroan da. Walay panaon da ya sikaran dua labat. Matua tan maaro dan ibabaga so nalilikna tan iisipen da ed sakey tan sakey. Agda gagawaen ya mas importante so anggan anto odino anggan siopa nen say asawa da, puera labat ed si Jehova. Maalwar ira ed pakikitungo dad agda asawa pian napaliisan iray agmanepeg ya pirerelasyon.
DAKEL NI NAARALAN MO
Amtaen no anto ni ray prinsipyo ed Biblia ya makatulong pian onelet so ulopan yon sanasawa.
4. Asawan lalaki—aro yo tan asikaso yoy asawa yo
Ibabaga na Biblia ya “nepeg ya aroen na saray asawan lalaki so kaasawaan da a singa ed dilin laman da.” (Efeso 5:28, 29) Antoy labay ton ibaga? I-play so VIDEO, insan ebatan iya.
Panon ya nipanengneng na asawan laki ya inaro tan aasikasoen toy asawa to?
Basaen so Colosas 3:12, insan ebatan iya:
Panon ya nipanengneng na asawan laki irayan kualidad ed asawa to?
5. Asawan bibii—aro yo tan respeto yoy asawa yo
Bibilinen na Biblia iray asawan bibii ya respetoen day mister da, balanglan manlilingkor ed si Jehova odino andi. Basaen so 1 Pedro 3:1, 2, insan ebatan iraya:
No aliwan mananisia so asawam, seguradon labay mo ya diad panakar na panaon et manlingkor met lad si Jehova. Parad sika, dinan so mas epektibo, amay lanang mon pulongan so mister mo odino amay ipanengneng moy maong ya ugali tan respeto? Akin ey?
Sarag na asawan laki tan bii so makapanpakna tan manggawa na duga iran desisyon. Pero no maminsan, ompan dumay opinyon na asawan bii ed asawa to. No ontan, nayarin kalmado tan marespeton ibaga na asawan bii so nalilikna to. Pero tandaan to ya inter nen Jehova ed asawan laki so responsibilidad ya mandesisyon parad pamilya da. Kanian suportaan toy desisyon na mister to. No gawaen to itan, sikatoy makatulong pian magmaliw ya maliket so pamilya ra. Basaen so 1 Pedro 3:3-5, insan ebatan iya:
Antoy nalikna nen Jehova no rerespetoen na asawan bii so mister to?
6. Sarag yon naayos iray problema yon sanasawa
Anggapoy perpekton sanasawa. Kanian kailangan ya mantulongan iran dua pian naayos da ray problema ra. I-play so VIDEO, insan ebatan iraya.
Diad video, anto ray pakanengnengan ya ombebetel lay aroan na sanasawa?
Anto ray ginawa ra pian onelet so ulopan da?
Basaen so 1 Corinto 10:24 tan Colosas 3:13. Kayarin basaen so kada teksto, ebatan iya:
Akin et onelet so relasyon na sanasawa no unoren da iyan bilin?
Bibilinen itayo na Biblia ya igalang tayo so sakey tan sakey. Kaibad satan so maaro tan marespeton pantrato ed arum. Basaen so Roma 12:10, insan ebatan iraya:
Alagaren ni kasi na asawan laki odino bii ya sikatoy igalang na asawa to antis to met ya igalang? Akin ey?
IBABAGA NA ARUM: “Tinmabang lay aroan min sanasawa.”
Panon mon ipaliwawa ya natulongan ira na Biblia?
SUMARYO
Maliket so sanasawa no inaro tan rerespetoen day sakey tan sakey, tan uunoren da ray prinsipyo na Biblia.
Rebyu
Antoy gawaen na asawan laki pian maliket iran sanasawa?
Antoy gawaen na asawan bii pian maliket iran sanasawa?
No walay asawam, anton prinsipyo ed Biblia so makatulong pian onelet so ulopan yo?
DISKOBRIEN
Amtaen iray praktikal ya suhestion ya makatulong pian maliket so pamilya yo.
Bantayan so music video ya mangipanengneng ed saray bendisyon no unoren yon sanasawa so bilin na Dios.
Amtaen no antoy labay ya ibaga na manpasakop ed inkaulo na asawan laki.
“Sikayoran Bibii, Akin et Nepeg Kayon Manpasakop ed Inkaulo?” (Say Panag-bantayan, Mayo 15, 2010)
Panon ya naayos na sakey ya sanasawa iray seryoson problema da—kaiba lay impandiborsyo da?
Naapiger so Relasyon Min Sanasawa Diad Tulong nen Jehova (5:14)