Nausar ed Panbangat na Klase

Say libron Life​—How Did It Get Here? By Evolution or by Creation? so nausar ed sakey ya eskuelaan ed California. Salaysayen na sakey a 11-años no panon. “Onnenengneng ak ed libron Creation,” insulat to “tan naimanok a walaray pigaran kapitulo nipaakar ed talba tan saray bitewen. Diad bektan manbabangat ed sikamiy maestra mi nipaakar ed astronomya.

“Kanian nansulat ak ed sakey a pirason papel na saray kapitulon nayarin pangayagaan ton basaen, tan inter ko iman a laktip na say libro. Anggapoy imbaga ton balot ed loob na duaran bulan. Insan ginapoan ton imbangat ed sikamiy nipaakar ed big bang theory. Inkuanton sikatoy manaaral na sakey a libro. Linma ed lamisaan to tan inuyos so Life​—How Did It Get Here? By Evolution or by Creation? Siak so agaylan aliketan!

“Inkuanton saman so sankaabigan a libron abasa to. Insan inlukas to so libro tan impanengneng ed klase iray retrato. Naimanok ya inebatan to so balang sakey ed tepet na libro tan impabitar. Sano sikato so manbabangat ed sikami, lukasan to so libro, insan say parapo so nabasa tan nisalaysay. Sanen sinmabi so panaon parad eksamin, saray tepetepet so walan mismo ed libro. Kanian mainomay parad siak a manaral parad eksamin. . . . Akagamor ak na sakey ya A.”

Nalikna min sikayo met so nabenipisyoan a manlapud sayan libro. No labay yo so makaawat na sakey a kopya, ipangasin sulatan tan ibuson so nilaktip a kupon.

Labay kon makaawat na masekder-apis a 256-pahinan libron Life​—How Did It Get Here? By Evolution or by Creation? (Sulatan so address ed leksab parad inpormasyon. Diad paway na Pilipinas, sulatan so lokal a sanga na Watch Tower parad inpormasyon. Nengnengen so pahina 2.)