Kaliktan Mo ta so Panaon Sano . . .

□ naliknam a maligen tan mareen ed abung mo​—ed antokaman a panaon na agew?

□ anggapolay pankaukolan ed saray kandado, trangka, alarma. panagtakilingan, alar, bantay, managbantay ya aso, tan arum iran sukat parad kaligenan?

□ makapanakar ka ed saray lansangan a bokbokor a nagnap ed kaligenan, anggano ed labi?

□ saray makaderal a druga tan amin a mitukoyan iran prolema et magmaliw lambengat ya apalabas a nonot?

□ amin a bakabakal et ontunda, tan agnagawa iray ayura nisay nisimpen?

□ agkala manaborido ed adutakan a tagano, dagem, tan danum?

□ say terorismo, say panangala na saray kautibo, tan pansigensigen a bomba so nakompleton napaandi?

□ saray palsa et nasalimbengan, namantine, tan nausar a malaknab ed pankaabigan na karaklan?

□ say agum tan inkasiblet et agla manabayobon puersa ed limog na katooan?

□ saray ugugaw et pansiansiaen da a bulos ed kasalanan tan marespeto ed arum tan kayaryan da?

□ saray bibii et agnapairap tan nabiktima?

□ saray ganggan tan totontonen so makatunongan tan manepenepeg a gawaen ed pankaabigan na amin?

□ say gobierno et manggaway desisyon a nibased puron kakaukolanen tan aliwan diad politiko?

□ say kawayangan tan pampapara so aglambengat nipulong noagta agamilen met?

□ say kakulangan so naandi la, balet amin so nawalaan na antokaman a kakaukolanen parad kabunigasan, kaabigan, tan liket?

□ nakaliktan laray ugugaw tan naasikaso tan agbalot naabuso odino nataynanan?

□ say sakit tan ipapatey so naderal, tan anggapo laray makapataktakot a peste?

□ balang sakey a naabet mo et mapangasi, matulong, tan napanmatalkan?

□ say bilay na balang sakey et peteg a napabli, tan amin et makaromog na andi-anggaan a liket?

□ say relihyon et aliwa lan manangibiig a puersa, a mangitonton ed inkapanatiko, panbubusolan, tan bakabakal?

□ amin et nawalaan na magenap tan magaya iran pasen a panayaman, tan say inkaandi na abung et bengatlad apalabas?

No nayari mon ibagan on ed anggan dinan ed tagey, sika so interesadon mamasa ed ontumbok iran artikulo.