Eskedyul ed Pantitipon ed Panagserbi
Simba na Hulyo 10
Kanta 7
12 min: Lokal iran pakabat. Apilin Saray Pakabat manlapud Ministeryo Tayo ed Panarian. Komentoay report ed lawak na kimeyan nen Abril ed Pilipinas tan ed lokal a kongregasyon. Imanoen so kahon a “Nengnengen so Beneg a Pahina,” tan idemostra so sakey ed saray nisuherin presentasyon ya epektibo ed lokal a teritorya.
15 min: “Ag-itayo Ontundan Mansalita.” Agsasabien so sakey minuto parad manangilukas iran komento, insan tumbokan na tepet tan ebat a diskusyon. Idanet iray rason no akin a masimoon ed asainmin tayon manpulong. Ilaktip iray makanan punto manlapud Enero 15, 1997, a Panag-Bantayan, pahina 23-4.
18 min: “Nagawa Komon so Amin a Bengatla Parad Pakapabiskegan.” Singbaten na duaran matatken so artikulo. Basaen so kada parapo tan nisita iran teksto. Ipabitar so nasasaglawin prinsipyo. Idanet so pankaukolan na pakatebek sano asikasoen so nipaakar ed negosyo odino panagpuonan. Repasoen da so simbawa ed Marso 15, 1997, a Panag-Bantayan, pahina 18-19, 22.
Kanta 15 tan pansaran pikakasi.
Simba na Hulyo 17
Kanta 23
10 min: Lokal iran pakabat. Report na kuenta. Ipaliwawan magano so pangusar ed brosyur a Divine Name pian natulongay interesado a mangapresia ed pankaukolay pangamta tan pangusar ed mismon ngaran na Dios—Nengnengen so libron Reasoning, pahina 196-7.
15 min: “Maganat ya Ipulong so Salita.” Agsasabien so sakey minuto parad manangilukas iran komento, insan tumbokan na tepet tan ebat a diskusyon. Ilaktip iray komento ed libron Our Ministry, pahina 170. Mangiter na pigaran praktikal a suhestion no panon a napadaak so panagpulong diad arapen iran bulan.
20 min: Siopa so Nepeg Yon Aligen? Ikondukta na ama so panagaral na pamilya a kaibay sakey odino duaran ananak a tin-edyer. Agano to nin naimano a say pantotongtongan dan naynay et nipaakar ed saray sikat ed isport, artista ed sine, artista ed TV, tan musikero. Ibalikas toy kapagaan to lapud sayan klase na pan-interesan et pakapatnagan na awawey na mundo. Singbaten da so Mayo 22, 1998, ya Awake!, pahina 12-14. Namoria na saray tobonbalo a mapeligro so pan-idolo ed minumundon totoo tan onabobon ira ya anggapoy niiter na minumundon inkaprominenti ed saray Kristiano. Singbaten daray gungguna no aligen da iray atateng, mamatatken, tan arum a napanuliranan ed loob na kongregasyon, tan nagkalalo la ed si Jesu-Kristo.
Kanta 34 tan pansaran pikakasi.
Simba na Hulyo 24
Kanta 45
5 min: Lokal iran pakabat.
15 min: Irekomenda Tayoy Inkasikatayo Bilang Ministros na Dios. Singbaten na duaran ministeryal a lingkor so Makasulatan a panamaseseg a niiter ed Disyembre 15, 1998, a Panag-Bantayan, pahina 19-20. Pablien day pankaukolan na pakakapet diad maabig a dalan bilang ministeryal a lingkor tan repasoen da no panon dan mismon nipanengneng a nasusumpal da iray asainmin da. Natalosan da so kaimportantian na pagmaliw a maabig ya alimbawa nipaakar ed panagpulong tan singbaten da iray paraan pian sikaray makatulong ed saray mamatatken diad personal ya itulong ed arum. Pampaknaan da tan kaliktan dan gawaey anggaay nayarian dan ontulong ed kongregasyon a pablien so inkaganatan na panaon pian sikaray ombulaslas tan onaligwas ed espiritual.
10 min: Sulaten Iray Totoon Agtayo Nakakatongtong. Paliwawa tan singbaten ed dumerengel. Lapud ta mair-irap lan nasabi so totoo ed abung, walaray manangipalapag ya akagamor na maabig iran resulta diad impansulat da. Konsideraen irayan panontonan. Saray sulat so kaukolan ya antikey, nibase ed Kasulatan, tan mapagalang. Agkayo mansusulat ya ag-akaiyan so ngaran yo. Isulat odino imakinilya a malinis tan nabasa. Iter so address na Kingdom Hall tan oras na miting ed kongregasyon insan mangilaktip na imbitasyon pian makaatendi. Ag-uusaren so address na Sosyedad. Repasoen iray suhestion a niiter ed School Guidebook, pahina 87-8, tan say Tepet ed Nobyembre 1996 a Ministeryo Tayo ed Panarian.
15 min: Mangusar na Epektibo Iran Introduksion. Mamili na duara odino taloran introduksion ed pahina 9-15 ed libron Reasoning, tan singbaten no panon iyan usaren ya epektibo ed lokal a teritorya. Itepet ed dumerengel, “Antoran introduksion so usaren yo sano onasingger kayo ed sakey a walad karsada, diad impormal a paraan, odino ed arum nira?” Idemostra so sakey odino duaran introduksion no wala ni oras.
Kanta 54 tan pansaran pikakasi.
Simba na Hulyo 31
Kanta 66
15 min: Lokal iran pakabat. Panonotan so amin ya iter daray report da ed lawak na kimeyan parad Hulyo. Kerewen ed dumerengel a mangisalaysay na personal iran naeksperiensia ra ed sayan bulan diad impanbunog da na saray brosyur.
12 min: Lokal iran pankaukolan.
18 min: “Kasin Papablien Yoy Inkaanos nen Jehova?” Tepet tan ebat. Ilaktip iray matukoy a komento nipaakar ed andukey a panagtepel nen Jehova.—Nengnengen so Insight, Tomo 2, pahina 263-4.
Kanta 75 tan pansaran pikakasi.
Simba na Agosto 7
Kanta 88
10 min: Lokal iran pakabat.
17 min: “Kasin Mabaing Kayo?” Tepet tan ebat. Mangisalaysay na sakey a makapaseseg ya eksperiensia a manlapud 1997 Yearbook, pahina 43-4.
18 min: Magmaliw a Makabat ed Arapen Yo. Paliwawa na matatken. Pilalek na saray kalangweran a panggayagaay maliket ya arapen a kaiba iramay inad-aro ra. Anggaman natural iya, nepeg dan iyaplika so maridios a simbawa no labay day ontalona. (Uli. 19:20) Mabiskeg so ayat na agkapara ed sekso diad inkatobonbalo. No agnapokpokan iray liknaan, makapuy so pansumpalan. Dakel so onlesa iran tepet nipaakar ed kakabatan na saray tin-edyer ya oniibeg ed agda kapara ed sekso, a makapiinaroan ya anggad pi-date da la. Repasoen so pasakbay a niiter ed libron Young People Ask, pahina 231-5. Ipabitar iray manunan punto diad Nobyembre 15, 1999, a Panag-Bantayan, pahina 18-23, ya ipanengneng so kaimportantian na panumpal na saray tobonbalo ed say intiron obligasyon da ed Dios. Pasesegen iray tin-edyer a nodnonoten iyan simbawa tan itongtong da ed atateng da no walaray tepet da.
Kanta 101 tan pansaran pikakasi.