Saray Pakabat

◼ Opresin literatura ed Agosto: Dinanman ed saray brosyur so nayarin iyopresi. Balet, lapud dakel so suplay a brosyur a, Libron Parad Amin a Totoo, pasesegen mi iray kongregasyon a manpedido ed saraya pian usaren iya ed Agosto. Setyembre: Say libron Life​—How Did It Get Here? By Evolution or by Creation? Oktubre: Saray kopya na Say Panag-Bantayan tan Awake! No naromog a walay interesado diad ipawil tayo, nayarin iyopresi so subskripsion. Onggapo ed bandad sampot na bulan, ibunog so Kingdom News No. 36, “Say Balon Melinyo​—Anton Arapen so Itatarya na Saya ed Sika?” Nobyembre: Ituloy ya ibunog so Kingdom News No. 36. No walaray kongregasyon ya asumpal da lay teritorya ra, a naikdan da laray onabung ed kada abung na kopyay Kingdom News No. 36, nayari da lan iyopresi so libron Pikakabat odino brosyur a Kakaukolanen. No wala lay kopya na totoo, nayarin usaren so libron Manbilay na Ando lan Ando odino say libron Creation. IMANOEN: Saray kongregasyon ya agni nanpedido ed asaglawi ed tagey a kampanyan uusaren so nepeg a manggawa ed satan ed ontumbok a binulan a Literature Order Form (S-AB-14) da.

◼ Say manangasikason manangimaton odino siopaman a pabtangan to so nepeg a man-audit ed saray kuenta na kongregasyon no Setyembre 1 odino tampol kayari to no nayadyari. Sano agawa la iya, iyanunsio ed kongregasyon kayarin nabasa so ontumbok a report na kuenta.

◼ Say tinaon ya imbentaryo na amin a walan literatura tan magasin so gawaen no Agosto 31, 2000, odino tampol kayari to no nayadyari. Sayan imbentaryo so mipara ed say aktual a bilang a gagawaen a binulan na coordinator na literatura, tan saray dagup so kaukolan ya ilista ed Literature Inventory form (S-18). Say dagup a bilang na wala niran magasin so naala ed saray mangaasikaso na magasin ed kada kongregasyon diad grupo na literatura. Balang kongregasyon a mangaasikaso so makaawat na taloran Literature Inventory forms (S-18) kaiba lay statement ed Hunyo. Ipangasin ipawit so orihinal a kopya ed Sosyedad ya ag-onlampas ed Setyembre 6. Isimpen yo so komaduan kopya. Nayarin usaren bilang pansulatan so komatlon kopya. Say sekretaryo na mangaasikason kongregasyon so kaukolan a mangimaton ed imbentaryo. Say sekretaryo tan manangasikason manangimaton na kongregasyon a mangaasikaso so manpirma ed say porma.

◼ Katekep ed statement ed Hunyo, makaawat na Congregation Analysis Report (S-10) so balang kongregasyon. Tugyopen na sekretaryo na kongregasyon iray report ta pian susto tan malinis a sulatan iyan porma, kayari na satan et imanoen a maong na service committee. Say orihinal a kopya so kaukolan ya ipawit ed Sosyedad no Setyembre 6. Isimpen yo so duplicate.

◼ Saray pedido parad Usisaen so Kasulatan ya Inagew-agew​—2001 tan say 2001 Calendar so kaukolan ya ipawit la natan ed Sosyedad. Mangipawit kami na special order blank parad saraya katekep na statement ed Hunyo. Sano naawat yo iya, sulatan tan ipawit itan ed Sosyedad ya ag-onlampas ed Setyembre 6.

◼ Wala ni so panaon parad saramay manplaplanon onggapon man-regular payunir no Setyembre 1 a mangiter ed saray aplikasyon da. Sano saya so naaprobaan na service committee, saratan so kaukolan a nipawit a tampol ed Sosyedad ta pian naawat so pakaaproba sakbay na Setyembre 1.

◼ Wala lan Balon Audiocasette:

Appreciating Our Spiritual Heritage​—Ingles (Anengneng iyan drama nen katantaon a distriton kombension)

◼ Wala lan Balon Publikasyon:

Watch Tower Publications Index 1999​—Ingles