Saray Pakabat

◼ Opresin literatura ed Abril tan Mayo: Saray kopya na Say Panag-Bantayan tan Awake! No walay naromog ya interesado ed panagpawil, iyopresi iray subscription. Iyopresi ed interesadon totoo so libron Pikakabat odino brosyur a Kakaukolanen, tan panggunaetan so pangigapo na saray panangiyaral na Biblia. Hunyo: Libron Pikakabat odino brosyur a Kakaukolanen tekep na gunaet a nigapo iray panangiyaral na Biblia. Hulyo tan Agosto: Nayarin iyopresi so dinanman iran brosyur. Balet, lapud agano nin impaway so balon brosyur a, Nayarian Moy Magmaliw a Kaaro na Dios, maabig no ilaktip iyan iyopresi.

◼ Say 2000 Watchtower tan Awake! iran tomo so magano lan niwala tan nayari lan pedidoen natan. Balet, lawas nonoten a saraya so special-request tan nepeg a pedidoen labat sano walay espisipikon request na saray manangipalapag ed saraya. No saray tomo so agni akasabi sano saray pedido et naawat la, onapireng iratan bilang “back-ordered” tan saray tomo so ipawit ed sikayo sano akasabi la iratan manlapud Brooklyn.

◼ Sano mankikimey ed nisulinek iran lugar na teritorya yo legan na saray bulan na tiagew, maabig no iyopresi so libron Pikakabat odino say brosyur a Kakaukolanen. Amin so nepeg a mangawit na nanduruman tract parad saraman so agnasabi ed abung odino agmangala na literatura. Nepeg a panggunaetan a pawilen a tampol iray aromog ya interesado.

◼ Saray sekretaryo na kongregasyon so nepeg a manmantini ed magenap a suplay na saray porma ya Application for Regular Pioneer Service (S-205) tan Application for Auxiliary Pioneer Service (S-205b). Saraya so nayarin pedidoen ed Literature Request Form (S-14). Mantinien so anggad sakey-taon a suplay. Repasoen so amin ya aplikasyon na regular payunir pian naseguro a kompleto iratan ya asulatan. No agnanonotan na mangaaplay so eksakton petsa na bautismo to, kaukolan a padisiran da so petsa tan isimpen so rekord.

◼ Onggapo ed simba na Hulyo 30, 2001, aralen tayo so Isaiah’s Prophecy​—Light For All Mankind I diad Panagaral na Kongregasyon ed Libro.

◼ Balo Iran Biblia a Cebuano tan Iloko: Mitunosan ed niyanunsio ed agano nin “Mananumpal na Salitay Dios” iran Distriton Kombension, say Sosyedad so maliket a mangipakabat ed amin a Cebuano tan Iloko iran Kongregasyon a say New World Translation of the Holy Scriptures ed sarayan lenguahe so nayari lan pedidoen manlapud Sosyedad. Say Iloko ya edisyon so nayarin pedidoen a tampol, bangta say Cebuano ya edisyon so nayarin pedidoen kayari Abril 1, 2001. Saray kongregasyon so nayarin manpedido ed saraya ed Literature Request form (S-14) a singa dati.