Repaso ed Teokratikon Eskuelaan Parad Panagministro
Kaput-libron repaso ed materyal a kinobrian ed saray asainmin ed Teokratikon Eskuelaan parad Panagministro a para ed saray simba na Enero 1 ya anggad Abril 23, 2001. Usaren so akabiig a peligo na papel a pangisulatan ed saray ebat ed anggan panon a karakel na tepet a nayarian yo diad nigeter a panaon.
[Imanoen: Legan na insulat a repaso, say Biblia lambengat so nayarin usaren diad pangebat ed anggan anton tepet. Saray reperensya ya ontumbok ed saray tepet so para ed personal a pansukimat yo. Saray pahina tan numero na parapo so nayarin ag-ompatnag ed amin a reperensya ed Say Panag-Bantayan.]
Ebatan so kada onggendan iran balikas na Tua o Tila:
1. Anggaman agtayon balot abuloyan so liknaan a mamulag ed sikatayo manlapud graben kasalanan, naalig tayo so alimbawa nen Jose diad mapangasin pamerdona ed magbabawin indibidual a nankasalanan ed sikatayo. (Gen. 42:21; 45:4, 5) [w99 1/1 p. 31 par. 2-3]
2. Nilikud ni ed listaan na saray kapolian a lugan na satan, naulit labat ed 1 Awaran so lugan na saray libron Samuel tan Arari. [si p. 75 par. 1]
3. Saksakey lambengat so tinukoy na Biblia ya “antikristo,” ya onlesa ed arapen nin panaon. [rs p. 32]
4. Impanengneng nen Jesus so inkamapaabeba diad impangawat toy nikadkaduman asainmin ya onla’d dalin manlapud mangatatawen ya ayaman tan magmaliw ya ordinaryon too, ya abebbeba nen saray anghel. (Fil. 2:5-8; Heb. 2:7) [w99 2/1 p. 6 par. 3] Tua.
5. Say inlusob nen Sisac ed Juda tan impanamsam ed “saray kayamanan ed abung nen Jehova, tan saray kayamanan ed abung na ari” so pepekderan na arkeolohiya. (2 Awa. 12:9) [Sinimban babasaen ed Biblia; nengnengen so w88 2/1 p. 26 par. 4.]
6. Ag-inagamil na saray inmunan-siglon Kristiano so panagbautismo’d kapangiyanak. [rs p. 55]
7. Kaukolan a manlingkor so sakey ed Dios ya anggapoy iilaloan ton tumang. [w99 4/15 p. 16 par. 1]
8. Diad panutukoy ed “saray ipanabang [“saray gawa,” NW]” nen Jehova, a singa nirekord ed Salmo 103:2, walad kanonotan nen David so pisikal a palsa nen Jehova. [w99 5/15 p. 21 par. 5-6]
9. Saray templon impaalagey di Solomon, Zorobabel, tan Herodes, pati met la’d tabernakulo ya impaalagey nen Moises, so mangililitrato ed saksakey a bengatla. [si p. 87 par. 16]
10. Agtanto makagungguna iray nidatak a kapolian a naromog ed 1 Awaran parad inmunan Kristianon kongregasyon. [si p. 78 par. 23]
Ebatan so onggendan iran tepet:
11. Akin a pirmi so panangukom nen Jehova ed sankaabungan nen Ahab? (1 Ara. 16:31; 2 Ara. 9:7, 26) [si p. 74 par. 34]
12. Singa nipanengneng ed Mateo 24:45-51, antoy kagagawa na saramay magmaliw ya apostata? [rs p. 35]
13. Anton seryoson leksion nipaakar ed saray kinaabig so naaralan tayo manlapud kipapasen nen Arin Uzias ed Judea? (2 Awa. 26:15-21) [Sinimban babasaen ed Biblia; nengnengen so w99 12/1 p. 26 par. 1-2.]
14. Imbes a panangiletneg na sakey a ritual, antoy mapuersan leksion ya inter nen Jesus ed sikatayo diad impanguras to’d kasalian na saray apostol to? (Juan 13:4, 5) [w99 3/1 p. 31 par. 1]
15. Akin a makapainteres so salaysay na 1 Awaran 14:8-17 ed panaon nen Isaias, tan akin a makapainteres met itan ed Kakristianoan natan? (Isa. 28:21) [Sinimban babasaen ed Biblia; nengnengen so w91 6/1 p. 21 par. 2-3.]
16. Antoran aspekto na panagdayew ed Baal so nanggawa ed satan a makapaay-ayat ed dakel ya Israelita? [w99 4/1 p. 29 par. 3-6]
17. Anton praktikal a leksion so naaralan manlapud sagpot nen Ezekias a protektaan tan padaaken so suplay na danum ed Jerusalem? (2 Awa. 32:3, 4) [Sinimban babasaen ed Biblia; nengnengen so w96 8/15 p. 6 pars. 1-2.]
18. Panon a say alimbawa nen Josias et mamaseseg ed saray kalangweran natan a manlingkor ed Dios tan ontalindeg a malet sumpad palson panagdayew? (2 Awa. 34:3, 8, 33) [Sinimban babasaen ed Biblia; nengnengen so w90 8/1 p. 5 par. 2.]
19. Kasin amin a Judio a nansiansia ed Babilonia so agmatoor, tan anton praktikal a leksion so naaralan manlapud saya? (Esd. 1:3-6) [Sinimban babasaen ed Biblia; nengnengen so w86 1/15 p. 8 par. 4, 7.]
20. Unong ed salaysay ed 2 Awaran 5:13, 14, antoy pakapatnagan a tinalineng nen Jehova so marakdakep a togtog na panangidayew na totoo to tan sikato met so aliketan ed satan? [Sinimban babasaen ed Biblia; nengnengen so w94 5/1 p. 10 par. 7.]
Iter so salita o balikas a nakaukolan pian nakompleto so kada onggendan iran balikas:
21. Nepeg a seguroen na samay mangiiter na simbawa ed kaparan Kristiano a say ibaga to et nibase ed maridios a ․․․․․․․․ , aliwan unong ed ․․․․․․․․ tan ․․․․․․․․ na too. (Col. 2:8) [w99 1/15 p. 22 par. 1]
22. Aliwan posibli so pakalay ․․․․․․․․ a talindeg legan na bakal ed ․․․․․․․․. (Mat. 12:30; 2 Tes. 1:8) [rs p. 48]
23. No panon a saray sabsabitan so mangamper ed itubo na saray angkelag nin tanaman, say agnakontrol a ․․․․․․․․ tan say masilib a pakayari na ․․․․․․․․ so mangamper met ed sakey diad iyaligwas ed espiritual ya inkatakken. (Mat. 13:19, 22) [w99 3/15 p. 22 par. 5]
24. Say “nabinyagan nipaakar ed saray inatey,” a singa ed impanaglawi nen Pablo ed 1 Corinto 15:29, et kabaliksan toy kipalseb diad sakey a kurang na bilay a mangitonton ed ․․․․․․․․ a singa ed si Kristo tan ed ․․․․․․․․ ed espiritun-bilay a singa met ed sikato. [rs p. 57]
25. Ta pian natalonaan na tuan Kristiano so sinaewan nen Solomon, nepeg ya italirak ton amin so ․․․․․․․․ odino ․․․․․․․․ ed panagdayew to tan onkiwas unong ed saray salita nen ․․․․․․․․ ya ‘aroen si Jehova a Dios to ed masimoon a puso.’ (Mat. 22:37; 1 Awa. 28:9) [Sinimban babasaen ed Biblia; nengnengen so w86 6/1 p. 19 par. 17-18.]
Pilien so dugan ebat ed kada onggendan iran balikas:
26. Isasalaysay na 2 Arari 17:5, 6 no panon a nilusob nen (Tiglath-pileser; Shalmaneser V; Esar-haddon) so amianen a samploran tribu na panarian na Israel tan inggapo to so taloy taon a panangobkob ed Samaria, a diad kaunoran et tinalo na saray taga-Asirya nen (740; 607; 537) K.K.P. [Sinimban babasaen ed Biblia; nengnengen so w88 2/15 p. 27 par. 1.]
27. Diad pangisalaysay ed saray agawgawa ed Jerusalem kayari na inkibantak ed Babilonia, agdirektan tinukoy na 2 Arari kapitulo 25 si (Daniel; Ezequiel; Jeremias) bilang say managsulat ed libro tan ipapanengneng to met a say inkisulat so akompleto nen ngalngali (580; 537; 455) K.K.P. (2 Ara. 25:27) [Sinimban babasaen ed Biblia; nengnengen so si p. 64 par. 3.]
28. Singa ipapanengneng na Exodo 4:11 unong ed New World Translation, si Jehova a Dios so ‘nanggawa ed emel, ed telek, ed makanengneng, tan ed bulag’ diad pantalos a sikato so (natetel ed saray kaleteyan na totoo; angidesigna ed nanduruman totoo parad pribilihyo ed serbisyo; angiyabuloy ed saray depekto ed laman a napatnagan ed limog na totoo). [w99 5/1 p. 28 par. 2]
29. Say 70-taon a peryodon asalambit ed 2 Awaran 36:17-23 so anampot nen (537; 607; 677) K.K.P. [si p. 84 par. 35]
30. Say duara lambengat a direktan impanukoy ed saray selebrasyon na inkianak diad Biblia so (mangipapanengneng a naabobonan iratan; mangipapanengneng ya agnaabobonan iratan; agbalot angipaliwawa na antokaman nipaakar ed panagselebra’d agew na inkianak). (Gen. 40:20-22; Mat. 14:6-10) [rs p. 68]
Ipetek so onggendan iran teksto ed saray balikas a nilista ed leksab:
Exo. 21:22, 23; Uli. 25:11; Roma 12:2; 2 Ped. 3:15, 16; Apoc. 16:13, 14
31. Kakaukolanen so mabulos a sagpot pian umanen so kaisipan tayo tan panoen so kanonotan tayo na katuaan nipaakar ed Dios. [w99 4/1 p. 22 par. 2]
32. Sano mangiiter na simbawa, importanti a pilien iray matukoy a salita. [w99 1/15 p. 23 par. 1]
33. Impanengneng la nen Jehova a walay eebatan na sakey a too ed inkasakitan na sakey a lukon. [rs p. 25]
34. Say impluensia nen Satanas a Diablo so mangipapaarap ed saray nasyon ed kipapasen na mundon mansumpal ed pibakal ed Dios. [rs p. 48]
35. Say pamikewet ed Kasulatan pian nitukoy iray dilin ideya tayo so mansumpal ed magnayon a kadederal. [rs p. 65]