Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 30, 2004. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 5 ya anggad Agosto 30, 2004. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Panon tayon nipaliwawa so rason na ilalo tayo a “walaay mauyamon liknaan tan aralem a panamagalang”? (1 Ped. 3:15, NW) [be p. 192 par. 2-4]
2. Akin a makana so pansalitan walaan na kombiksion? (Roma 8:38, 39; 1 Tes. 1:5; 1 Ped. 5:12) [be p. 194]
3. Panon a nipatnag so kombiksion? [be p. 195 par. 3–p. 196 par. 4]
4. Anto so inkataktika, akin ya importante itan, tan panon itayon magmaliw a mataktika balet ta mapekder? (Roma 12:18) [be p. 197]
5. Antis a mansalita, anto so ikonsidera na toon mataktika? (Uli. 25:11; Juan 16:12) [be p. 199]
ASAINMIN NO. 1
6. Panon ya ipatnag na pitotongtong tan niyugalin panagaral tayo ed Biblia so kalaknab na ibubulaslas tayo ed katuaan? [be p. 74 par. 3–p. 75 par. 2]
7. Anto so kabaliksan na “anamoten yo so panaon,” tan panon tayon nagawaan itan? (Efe. 5:16) [w02 11/15 p. 23]
8. Panon ya ipapabitar na Kasulatan ya amin a totoo so parepareho ed imaton na Dios, tan panon iya komon a mangapekta ed ministeryo tayo? [w02 1/1 p. 5, 7]
9. Anto so kabaliksan na nikadkaduman ngaran na Manamalsa a Jehova? [w02 1/15 p. 5]
10. Anto so nanggawa ed bagat nen Abel a “marakdakep” nen say bagat nen Cain, tan anto so naaralan tayo ed saya nipaakar ed “bagat a panangidayew” tayo? (Heb. 11:4; 13:15) [w02 1/15 p. 21 par. 6-8]
SINIMBAN BABASAEN ED BIBLIA
11. Panon a makatulong so Levitico 18:3 ed sikatayo pian napaliisan so pakawalaan na pikewet a panmoria nipaakar ed duga tan aliwa? (Efe. 4:17-19) [w02 2/1 p. 29]
12. Anto so mapropetikon ililitrato na “duaran tinapay” ya iyaapay na atagey a saserdote bilang “ipaayag a yaapay” legan na Piesta na Simsimba (Pentecostes)? (Lev. 23:15-17) [w98 3/1 p. 13 par. 21]
13. No wala so pikakalugoran a singa samay naimano ed Numeros kapitulo 5, diad anton pantalos ya ‘onkebet so ulpo’ na nankasalanan a bii? (Num. 5:27) [w84-E 4/15 p. 29]
14. Akin a pinauges di Miriam tan Aaron si Moises makasengeg ed Cusitan asawa to? (Num. 12:1)
15. Anto so ‘libro na saray Impibakal nen Jehova’? (Num. 21:14)