Saray Pakabat

◼ Opresin literatura ed Agosto: Dinanman a brosyur so nayarin iyopresi. Setyembre: Say libron Life​—How Did It Get Here? By Evolution or by Creation? Oktubre: Iyopresi iray kopya na Say Panag-Bantayan tan Awake! tekep na kalat a nigapo iray panangiyaral na Biblia ya usaren so brosyur a Kakaukolanen. Nobyembre: Say libron Manaral Manlapud Sankamaongan a Managbangat.

◼ Say mangidadaulon manangasikaso odino siopaman a pabtangan to so kaukolan a man-audit ed saray kuenta na kongregasyon no Setyembre 1 odino tampol kayari na satan.

◼ Kaukolan a gawaen so tinaon a pan-imbentaryo ed amin a walan literatura tan magasin no Agosto 31, 2004, odino tampol kayari na satan. Sayan imbentaryo so mipara ed binulan a pamibilang na manangasikaso na literatura, tan saray dagup so kaukolan ya ilista ed porma a Literature Inventory (S-18). Say dagup a bilang na magasin so nepeg a naala ed (saray) manangasikaso na magasin. Say mikokoordena a sekretaryo na kongregasyon so kaukolan a mangasikaso ed panag-imbentaryo. Sikato tan say mikokoordena a mangidadaulon manangasikaso na kongregasyon so manpirma ed porma. Kada mikokoordenan kongregasyon so makaawat na taloran porma a Literature Inventory (S-18) katekep na statement ed Hunyo. Ipangasin ipawit so orihinal diad sangan opisina ya ag-onlampas ed Setyembre 6. Isimpen so sakey a kopya. Say komatlon kopya so nayarin usaren a panlistaan.

◼ Katekep na statement ed Hunyo, kada kongregasyon so makaawat na duaran kopya na Congregation Analysis Report (S-10). Anggapoy lingo tan malinis a sulatan na sekretaryo na kongregasyon iyan porma, insan kaukolan a repasoen itan a maong na komite na serbisyo. Diad pagpag na sayan porma et nakaukolan ya ilista so amin a regular payunir, pati say dagup ya oras da ed serbisyon taon. Kaukolan ya ipawit so orihinal a kopya na sayan porma diad sangan opisina ya ag-onlampas ed Setyembre 6. Isimpen so sakey a kopya.

◼ Saray order parad Usisaen so Kasulatan ya Inagew-agew​—2005 tan say 2005 Calendar so kaukolan ya ipawit la natan diad sangan opisina. Mangipawit kami na special order blank parad saraya katekep na statement ed Hunyo. No pigaran kongregasyon so manguusar ed saksakey a Kingdom Hall, saray order na kada kongregasyon so pankasakeyen na manangasikaso na literatura ed sakey ya order blank insan to ipawit diad sangan opisina ya ag-onlampas ed Agosto 15.

◼ Balon naala a Compact Disc:

Watchtower Library​—2003 Edisyon ed CD-ROM