Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Oktubre 25, 2004. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Setyembre 6 ya anggad Oktubre 25, 2004. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.​—Nengnengen so Eskuelaan Parad Ministeryo, p. 36-7.]

SARAY KALIDAD ED PANAGSALITA

1. Panon tayon napansiansia a makapaseseg so paraan na panagsalita tayo sano manpapaliwawa nipaakar ed pigaran aspekto na Kristianon kimey tayo? [be p. 203 par. 3-4]

2. Anto so panangulit, tan akin ya importante itan? [be p. 206 par. 1-4]

3. Panon tayon nidanet so tema na saray paliwawa tayo? [be p. 210 par. 1-5, kahon]

4. Panon tayon nadetermina iray manunan punto diad paliwawan nipabtang ed sikatayo? [be p. 212 par. 1-4]

5. Akin a nepeg itayon manalwar ed panangusar na dakerakel a manunan punto? [be p. 213 par. 2-4]

ASAINMIN NO. 1

6. Antoray inaligwasan sakbay na Delap a nayarin sengegan na agpanisia na totoo a mangangga so amin a walad kaliberliber da? [w02 3/1 p. 5-6]

7. Akin a makatantanda a si Jesus so tinawag na saray kapanaonan to a “Managbangat” aliwan “Managpaabig”? (Luc. 3:12; 7:40) [w02 5/1 p. 4 par. 3; p. 6 par. 5]

8. Panon ya ipapabitar na Uliran 11:24, 25 so kablian na sigpot a pibibiang diad lawak na ministeryo? [w02-E 7/15 p. 30 par. 2-4]

9. Anton moral ya isyu so pinalesa na impanrebeldi ed Eden, tan antoray resulta na satan ya impanrebeldi? (Gen. 3:1-6) [w02 10/1 p. 5 par. 6; p. 6 par. 2-3]

10. Panon a nadetermina so petsa na inkipawil na tuan panagdayew ed Jerusalem? [si-E p. 285 par. 5]

SINIMBAN BABASAEN ED BIBLIA

11. Akin a sinmanok si Jehova sanen akila si Balaam ed saray bataan nen Balak, anta Sikato so angibaga ed si Balaam a mila ed sikara? (Num. 22:20-22)

12. Nayari kasin kanselaen na Kristianon asawan laki so sipasipan na akulaw to? (Num. 30:6-8)

13. Anto so irerepresenta na ‘saray syudad na salimbengan’ natan? (Num. 35:6) [w95 11/15 p. 17 par. 8]

14. Kasin say ganggan ed Deuteronomio 6:6-9 ya ‘ibedber so ganggan na Dios ed lima tan ed parungtal na nanleleetan na matamata’ et nepeg a talosan a literal?

15. Kasin say balikas a “say kawes mo agdinmaan” et mankabaliksan labat a nasasalatan so suplay na kawekawes na saray Israelita? (Deut. 8:4)