Saray Pakabat

◼ Opresin literatura ed Nobyembre: Say libro a Manaral Manlapud Sankamaongan a Managbangat. No ibaga na totoo ya anggapoy anak da, iyopresi so brosyur a Kakaukolanen. Disyembre: Anggan dinan ed saray onggendan a libro so nayarin iyopresi: The Greatest Man Who Ever Lived, The Bible​—God’s Word or Man’s?, My Book of Bible Stories, odino Makapambilay Kayo na Ando lan Ando Diad Paraiso ed Dalin. Enero: Anggan dinan iran daan a libro a 192-pahina a walad simpenan yo so nayarin iyopresi. Niarum ni, sarayay onggendan a daan a libro et wala ed Bethel tan papasesegen mi iraman so makapangusar ed saraya a man-order parad sayan kampanya: Say Katuaan a Mangitonton ed Bilay ya Andi Anggaan tan True Peace and Security​—From What Source? diad Bicol; Makapambilay Kayo na Ando lan Ando Diad Paraiso ed Dalin, melag ya edisyon diad Bicol, Pangasinan, tan Samar-Leyte tan baleg ya edisyon diad Cebuano tan Iloko; Happiness​—How to Find It diad Iloko; Good News to Make You Happy tan Listening to the Great Teacher diad Samar-Leyte. Pebrero: Say libron Onapit ed si Jehova so iparungtal.

◼ Say mangidadaulon manangasikaso odino siopaman a turoen to so nepeg a man-audit ed saray kuenta na kongregasyon no Disyembre 1 odino tampol kayari na satan. Iyanunsio ed kongregasyon sano agawaan la iya.

◼ Sakey a programa parad saray telek tan emel so iyuksoy diad Kingdom Hall ed Bethel diad Quezon City no Nobyembre 19-21, 2004. Siopaman a telek tan emel a makatalos na sign language tan malabay a nagunggonaan ed programa so kaukolan ya onatendi, lapud anggapo lay kompleton programa parad telek tan emel diad arum a kombension.

◼ Saray Kontribusyon Parad Distrito Iran Kombension: Amin a gastos diad saray kombension, pati saray abang ed istadyum, panangiparaan ed stage tan saray public address system, ontan met ed gastos ed saray balon paway a publikasyon, so susuportaan na boluntaryo iran kontribusyon parad sankamundoan a kimey. Maseguro kami a sankanonot yo iya sano onatendi kayo. Nayarin ipelag iray kontribusyon diad saray kahon a nitarya ed kada kombension.

◼ Pan-tour ed Bethel: Saramay manpaplanon man-tour ed Bethel, a sakey-bus odino grupo na 20 o onsulok ni, so kaukolan a masakbay lan mansulat ed sangan opisina, diad “Bethel Tours Department,” ya ipaamta so petsa na plano yon isabi. Lapud limitado so paradaan diad Bethel, ompan nakaukolan ya umanen so petsa na pan-tour yo pian agmanbabanay dakerakel a bus ed sakey ya agew. Saramay manlapu ed ararawin probinsya so kaukolan ya onsabi diad Bethel ya ag-onsakbay ed alas 8 na kabuasan. No asingger kayo la ed Manila balet ta masakbay ni, isuheri min manpainawa kayo ni ed sakey a gasolinaan diad expressway anggad satan ya oras. Diad ontan et makapangusar kayo ni na kasilyas tan makapampales antis ya onla ed Bethel. Antis kayon ondalaw, ipangasin repasoen so “Tepet” ed Hunyo 2002 a Ministeryo Tayo ed Panarian nipaakar ed matukoy a panangawes tan panag-ayos sano ombibisita ed saray ayaman a Bethel.

◼ Saray Publikasyon a Wala:

Watch Tower Publications Index 2003​—Ingles

Angkabaleg a letran edisyon, New World Translation of the Holy Scriptures​—Cebuano, Iloko, Tagalog

(Paimano: Say simbolo na sayan Biblia et bi8 tan mipara ed bi12 so marhinal iran reperensya na saya. Sayan baleg a kopya so makatulong ed personal a panagaral, mainomay a nabasa na saramay makapuy so mata ra, tan maabig ya ikarga ed librarya na Kingdom Hall.)