Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 29, 2005. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 4 ya anggad Agosto 29, 2005. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
KALIDAD ED PANAGSALITA
1. Sano inanabang tayo ed arum so ilalo tayo, panon tayon ‘nipakabat ed amin a totoo so inkamakatunongan tayo,’ tan akin ya importante iya? (Fil. 4:5, NW; Sant. 3:17) [be p. 251 par. 1-3, kahon]
2. Panon a say pakaamta no kapigan itayo mamalugar so ontulong ed sikatayon matalonan makapitongtong ed arum? [be p. 253 par. 1-2]
3. Akin ya importante so marunong a pangusar ed tepetepet sano tutulongan tayo so arum a mankatunongan ed sakey a pamaakaran? [be p. 253 par. 3-4]
4. Antoran aspekto so nepeg tayon ikonsidera pian magmaliw a makatangguyor so presentasyon tayo? [be p. 255 par. 1-4, kahon; p. 256 par. 1, kahon]
5. Anto so nepeg tayon tandaan sano pilien tayoy mangusar na kaaruman ya ebidensya pian suportaan so inkamakatunongan na Kasulatan? [be p. 256 par. 3-5, kahon]
ASAINMIN NO. 1
6. Anto so malinew ya ebidensya ed inkamaawaran nen Jesus? [w03 6/15 p. 4-7]
7. Panon a “say sangi na maptek ilaban to ra,” tan panon a say kaabungan na saray matunong et “mansiansia”? (Uli. 12:6, 7) [w03-E 1/15 p. 30 par. 1-3]
8. Lapud say Biblia et agnisulat ed nengneng na listaan na saray nepeg tan agnepeg a gawaen, panon tayon ‘natalosan no anto so linawa na Katawan’? (Efe. 5:17) [w03 12/1 p. 21 par. 2–p. 22 par. 2]
9. Antoray prinsipyo ed Biblia a sano inyaplika et makatulong ed sakey a naanosan so kairapay-bilay odino mairap iran kipapasen na ekonomya? [w03 8/1 p. 5 par. 2-5]
10. Panon a nepeg a mangapekta ed sikatayo so ehemplo nen Jehova ed panangiter ya andi-bayar? (Mat. 10:8) [w03 8/1 p. 20-2]
SINIMBAN BABASAEN ED BIBLIA
11. Anto so irerepresenta na samay duaran seklang odino lusek a nginaranan na Jakim tan Boaz a walad wangalan na templon impaalagey nen Solomon? (1 Ara. 7:15-22)
12. Kasin mitunosan ed Mosaikon Ganggan so impangiregalo nen Solomon ed si Arin Hiram na Tiro na 20 a syudad ed dalin na Galilea? (1 Ara. 9:10-13)
13. Anton leksion so naaralan tayo manlapud insunggay na “laki na Dios”? (1 Ara. 13:1-25)
14. Diad anton dalan ya impatnag nen Arin Asa na Juda so inkakpel to, tan anto so naaralan tayo ed ehemplo to? (1 Ara. 15:11-13)
15. Panon ya iyiilustra na say agawa ed si Arin Ahab tan Nabot so kapeligroan na dilin-panangabagey? (1 Ara. 21:1-16)